HÜNÄRLI ÝAŞLAR BUÝSANJYMYZ
03-10-23
Ýurdumyzyň ulag kommunikasiýa ulgamyny ösdürmek, onuň ygtybarlylygyny ýokarlandyrmak maksatly inžener hünärmenleri taýýarlamak Türkmenistanyň Inžener-tehniki we ulag kommunikasiýalary institutynyň esasy wezipesi bolup durýar. Ýokary bilimli hünärmenleri taýýarlamakda bilim ulgamy sanly esasda ösdürilýär we maglumat-kommunikasiýa tehnologiýalary netijeli ornaşdyrylýar.
Institutda okadylýan ähli dersler boýunça döwrebap elektron okuw-usuly toplumlar yzygiderli işlenilip taýýarlanylýar. Bu serişdeler okuw sapaklarynda professor-mugallymlar we talyp ýaşlar tarapyndan giňden peýdalanylýar. Institutda ýokary derejeli, hünärine ussat kämil ýaşlaryň kemala gelmeginde sanly bilim ulgamyny we maglumat-kommunikasiýa tehnologiýalaryny netijeli peýdalanmak maksatlaýyn netijelere alyp barýar. Bu möhüm wezipäni berjaý etmek bilen, ýokary okuw mekdebimiziň professor-mugallymlary häzirki zaman ulag ulgamynda we halk hojalygynyň dürli ugurlarynda işlejek ýokary bilimli hünärmenleridir inžener-tehniki işgärleri taýýarlamakda hem ykdysadyýetimizi ösdürmekde, ulag pudagynyň ähmiýetini barha artdyrmakda yhlasly zähmet çekýärler.
Ýurdumyzyň innowasiýa ösüşine laýyklykda, bilim bermegiň ähli basgançaklaryny ýokary hilli elektron bilim maglumatlary bilen üpjün etmek, sanly serişdeleri giňden peýdalanyp, bilim edaralarynda berilýän bilimiň mazmunyny baýlaşdyrmak, hilini ýokarlandyrmak we okatmagyň usulyýetini kämilleşdirmek maksady bilen, kabul edilen “Türkmenistanda sanly bilim ulgamyny ösdürmegiň Konsepsiýasyna” laýyklykda, institutymyzda sanly bilim portaly döredildi.
Onuň okuw-maglumat üpjünçiligi (kitaplar, umumy okuwlar toplumynyň beýanlary, amaly we tejribe işleriň ýumuşlary) yzygiderli täzelenýär. Institutda ähli okadylýan dersler boýunça sanly maglumatlar taýýarlanyldy we elýeterliligi üpjün edildi. Institutyň içerki kompýuter tor enjamlary bolsa Türkmenistanyň Bilim ministrliginiň Innowasiýa maglumat merkezi bilen ýokary okuw mekdepleriniň arasyndaky toruna birikdirildi.
Institutymyzda birnäçe kafedralarda dürli ugurlar boýunça hünärmenler taýýarlanylýar. Sanly ykdysadyýet dersi institutda taýýarlanylýan ähli hünärlerde okadylýar. Okadylýan dersler boýunça tejribe sapaklary maksatnama laýyklykda, fakultetlerdäki ýöriteleşdirilen kompýuter okuw otaglarynda tejribelilik ýumuşlaryny ýerine ýetirmek bilen özleşdirilýär. Sanly ykdysadyýet dersinde talyplaryň gündelik we döwürleýin ýerine ýetirmeli özbaşdak ýumuşlarynyň sanawy işlenip taýýarlanyldy. Innowasiýalar ýurdumyzyň ykdysadyýetiniň pudaklaryna giňden ornaşdyrylýar, uzak aralykdan okuwlar guralýar, süýümli-optiki aragatnaşyk ulgamlary ösdürilýär we Internetiň giň elýeterliligi üpjün edilýär.
Her bir nesil ýurduň ygtybarly kuwwaty, ertirine umydy hasaplanýar. Ata Watanymyzyň bagtly ýaşlarynyň okamagy, bilimli, hünärli bolmagy üçin Arkadagly Serdarymyzyň tagallalary netijesinde ýurdumyzda ähli şertler döredilýär, ylma-bilime ýagty ýollar açylýar. Ýurdumyzyň geljegi bolan ýaşlaryň ylymly, bilimli, medeniýetli, giň dünýägaraýyşly, halal zähmet çekmäge taýýar sagdyn we ruhubelent bolmagy barada tutumly işler institutymyzda hem durmuşa geçirilýär. Çuňňur bilimli, giň gözýetimli, dünýä ykdysadyýetiniň, ulag kommunikasiýa ugurlarynyň ýeten sepgitlerinden habarly we olardan oňat baş çykarýan ökde hünärmenleri taýýarlamaga uly ähmiýet berilýär.
Döwlet IMAMKULOW,
Türkmenistanyň Inžener-tehniki we ulag kommunikasiýalary institutynyň Demir ýol ulaglary fakultetiniň 4-nji ýyl talyby.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.