Hatyra güni – hakyda güni
03-10-25
Hatyra güni bosagada. Ol günüň her ýylda hormat bilen bellenilip geçilmegi, ildeşlerimiziň bagtyýar ojaklarynda aýat-töwirleriň okalyp, sadakalaryň berilmegi ýüreklerimizde çäksiz buýsanjy oýarýar. Çünki merdana halkymyz şeýle kyn günlerde-de ruhdan düşmändirler. Birek-biregi goldapdyrlar. Bir döwüm çöregi deň paýlaşyp iýipdirler. Şeýle wakalar uruş ýyllarynda hem bolupdyr.
Garaşsyzlyk ýyllarynda asyrlar aşyp, biziň günlerimize gelip ýeten ruhy gymmatlyklarymyza, asylly däp-dessurlarymyza dolanmaga giň mümkinçilikler açyldy. Berkarar döwletiň täze eýýamynyň Galkynyşy döwründe-de gadymy däp-dessurlarymyzy berjaý etmäge zerur şertler döredildi. Her ýylyň 6-njy oktýabrynda ýurdumyzda Hatyra gününiň bellenilip geçilmegem ýokarda ýatlanymyza mysaldyr.
1948-nji ýylyň oktýabr aýynyň 5-inden 6-syna geçilýän gije Aşgabatda bolup geçen tebigy betbagtçylyk türkmen iliniň başyna apat bolup inipdi. Şol gije bolan güýçli ýertitremesi netijesinde ildeşlerimiziň onlarça müňüsiniň ömür tanapy üzülipdi. Ondan bäri onlarça ýyl geçse-de, bu tebigy betbagtçylygyň salan ýarasy entekler biter ýaly däl.
Watan gerçeklerini ýadyňa salyp duran bu ýere — «Halk hakydasy» ýadygärlikler toplumyna biz sylag-sarpadan doly göwünlerimizi ýatlamalara eýläp, ellerimiz gülli barýarys. Olara, geçen günlere bolan hormatymyzy gülleriň üsti bilen beýan edýäris. Çünki olar eziz Watanymyzyň hatyrasyna gül ömürlerini pida edipdiler. Gül ýaly durmuşymyzyň dowamat-dowam bolmagy üçin janlaryny gurban edipdiler.Asylly däbine eýerýän dana halkymyz şol gün öten-geçenlerini hormat bilen ýatlaýar we hatyralaýar. Hatyra güni türkmen halky Watan üçin wepat bolan merdana gerçeklerini, öten-geçen ildeşlerimizi hatyralaýar. Sadaka berlip, merhumlarymyzy ýatlamak ýurdumyzyň çar künjeginde bellenilip geçilýän Hatyra gününiň asylly ýörelgesi bolmak bilen, sadakalarda aýat-töwir okalyp, ýagşy doga-dilegler edilýär. Sebäbi, aramyzdan giden dogan-garyndaşlarymyzy hatyralamak bilen sogap iş edilýär. Gadymy we dana halkymyzyň nurana ruhuna mahsus hakyda hatyrasy il-günümiziň geçmişiniň hemme döwründe-de orun alypdyr we bu ýol-ýörelge biziň günlerimizde-de dowam edýär.
Halkymyzyň ahlak ýörelgesi, ruhubelentligi we geljege bolan beýik ynamy ykbalyň ähli kynçylyklaryny ýeňip geçmäge medet berdi. Halkymyz öz taryhynyň agyr synaglaryndan üstünlikli geçip, mähriban Aşgabadymyzy gaýtadan dikeltdi we ony dünýäniň iň gözel şäherleriniň birine, parahatçylygyň, asudalygyň, bagtyýarlygyň we abadançylygyň paýtagtyna öwürmegini dowam etdirýär.
Ýurduň gahrymanlarynyň hakydasyny hatyralamak köklerini asyrlaryň jümmüşinden alyp gaýdýan çuňňur ynsanperwer ýörelge bolup, türkmen halkynyň ruhy-medeni gymmatlyklarynyň aýrylmaz bölegidir.
Adatça, aşgabatlylaryň hem-de paýtagtymyzyň myhmanlarynyň müňlerçesi Gökdepe söweşinde hem-de 1941—1945-nji ýyllaryň urşunyň söweşlerinde gurban bolan milli gahrymanlary, beýleki söweşlerde wepat bolanlary, 1948-nji ýylyň Aşgabat ýer titremesinde şehit bolanlary hatyralamak maksady bilen gurlan «Halk hakydasy» ýadygärlikler toplumyna barýarlar.
Şol gün ähli watandaşlarymyz tutuş adamzadyň taryhyna iň güýçli tebigy hadysalaryň biri hökmünde giren Aşgabatda bolan weýrançylygyň pidalaryny, ata Watanymyzyň azatlygy ugrundaky söweşlerde baş goýan gerçekleri hatyralaýarlar. Şeýle-de, 6-njy oktýabrda öten-geçenleriň ruhunyň şat bolmagy dileg edilip, aýat-töwir okalýar. Paýtagtymyzda hem-de Türkmenistanyň ähli welaýatlarynda okaljak ähli aýat-dogalary Beýik Biribar öz dergähinde kabul etsin!
Güljahan HOJAMBERDIÝEWA,
Myrat Garryýew adyndaky Türkmenistanyň Döwlet lukmançylyk uniwersitetiniň Akuşerçilik we ginekologiýa kafedrasynyň assistenti.
Türkmenistanyň Prezidenti Çehiýa Respublikasynyň Prezidentini gutlady
Hormatly Prezidentimiz Serdar Berdimuhamedow Çehiýa Respublikasynyň Prezidenti Petr Pawele we ýurduň ähli halkyna Çehiýa Respublikasynyň Garaşsyzlyk güni mynasybetli mähirli gutlaglaryny hem-de iň gowy arzuwlaryny iberdi.
Garaşsyzlyk – buýsanjymyz
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
HALKARA BAŞLANGYÇLAR ROWAÇLYGA ÝOL ALÝAR
Mukaddes Garaşsyzlygymyzyň şanly 35 ýyllyk baýramynyň toýlanýan ýylynda ýurdumyza gelip gowşan hoş habar - Birleşen Milletler Guramasynyň Baş Assambleýasynyň 80-nji sessiýasynyň 106-njy plenar mejlisinde Türkmenistanyň başlangyjy bilen “2028-nji ýyl - Halkara hukuk ýyly” atly Kararnamanyň biragyzdan kabul edilmegi Bitarap döwletimiziň umumadamzat bähbitli halkara başlangyçlaryny öňe sürýän döwlet hökmünde dünýäde ykrar edilýändigine şaýatlyk edýär.
«Awtomobil Ulag hyzmaty» AGPJ sürüjileri işe çagyrýar
«Awtomobil Ulag hyzmaty» açyk görnüşli paýdarlar jemgyýeti awtobus we taksi ulaglaryny dolandyrmak üçin tejribeli sürüjileri işe çagyrýar. Ýüz tutýan raýatlaryň degişli iş tejribesiniň, şeýle hem «B» we«D» derejeli sürüjilik şahadatnamalarynyň bolmagy hökmanydyr.
Bilimleriň we bilimlileriň Watany
Ýurdumyzyň baş şäheriniň keşbi düýpgöter özgerip, sazlaşygyň we gözelligiň beýanyna öwrüldi. Şanly wakalardan doly we döredijilikli täze durmuşy başdan geçirýän eziz Diýarymyz döwrebap derejede ösen ylym-bilim merkezidir. Ak mermerli paýtagtymyzda, ýurdumyzyň beýleki şäherleridir etraplarynda öňdebaryjy tehnologiýalar bilen üpjün edilen täze döwrebap mekdepler, çagalar baglary, döredijilik merkezleri gurulýar. Olarda okamak hem-de bilimiňi artdyrmak üçin ähli şertler döredilendir.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.