Çeper  sözüň ussady Pyragynyň edebi mirasyny dürli tarapdan seljeren Magtymguly adyndaky Türkmen döwlet uniwersitetiniň professor-mugallymlarynyň şahyryň çuň paýhasa ýugrulan şygyrlarynyň öz ugurlary bilen mynasybeti baradaky ululy-kiçili makalalary şu ýygyndynyň düzülmegine itergi berdi. Makalalarda Magtymguly Pyragynyň ömri, döwri, eserleri hem dünýägaraýşy taryh, dil, edebiýat, pelsepe hem tebigy ylymlar nukdaýnazaryndan derňelip, ygtybarly deliller arkaly gyzykly maglumatlar berilýär.

Magtymgulynyň diňe bir halkyň, milletiň däl-de, tutuş adamzadyň manyly hem parahat ýaşaýşynyň kepili bolan dostluk, doganlyk, ula hormat, kiçä söýgi, Watany, ene topragy, milletiňi janyňdan ileri tutmak ýaly ahlak gözelliklerinden söz açýan şygyrlarynyň tematik özboluşlylygy-da makalalaryň birnäçesinde öz beýanyny tapypdyr. Şeýle-de ýygyndyda şol şygyrlaryň ýazylan wagtyndaky taryhy şertler, has takygy, şahyryň ýaşan galagoply döwri hem-de onuň taryhy şahsyýetler bilen mynasybeti, türkmen halkynyň agzybirligi, jebisligi ugrundaky göreşlerini beýan edýän işlere-de orun berlendir.Magtymguly Pyragynyň 1000-den gowrak goşgulary bar. Olardan:

Bu gün

Dogdy asmanyn Zöhresi,
Çyn asyga döwran bu gün.
Açyldy zemin lälesi,
Üsbu dünýä reýhan bu gün.

Her saýranda seýda bilbil,
Öwsün atar, öwüsip gül,
Asyk bolsan, muny ýat bil,
Magsuk sana gurban bu gün.

Til senuber sekeristan,
Älem-jahan gül-gülüstan,
Goýnun içre biten bostan,
Goç ýigitler bagban bu gün.

Gülsen içre girer bolsan,
Gül dessesin tirer bolsan,
Menden habar sorar bolsan,
Toty güftar zyban bu gün.

Daglar basyn ümür basan,
Jülgesinde güller ösen,
Her deminde namart gysan
Adyl sahdan perman bu gün.

Dowamatdyr il merdine,
Awun bermez sir gurduna,
Çyn asygyn ol derdine
Pyragydan derman bu gün.

Hasar dagyndadyr

Hasar dagy beýik bolar,
Üsti doly keýik bolar,
Mergenlere seýik bolar,
Barsan, Hasar dagyndadyr.

Kuh erer ýerin soltany,
Göwsünde gurmus dükany,
Üç ýüz altmys pir mekany
Görsen, Hasar dagyndadyr.

Mesgen tutar çarwadarlar,
Ýalçysynda ýatar marlar,
Deresinde biter barlar,
Tirsen, Hasar dagyndadyr.

Pelenler çyrpynyp çykan,
Boz marallar gyýa bakan,
Serkemerdir — derin döken,
Ýörsen, Hasar dagyndadyr.

Goşgulary we beýlekileri mysala getirmek bolar.

Mähri KAKABAÝEWA,
Türkmen döwlet binagärlik-gurluşyk instituty Geodeziýa kafedrasynyň mugallym-öwrenijisi.