ULAG-KOMMUNIKASIÝA ULGAMYNYŇ BUÝSANDYRYJY ÖSÜŞLERI
05-02-22
Berkarar döwletimiziň bagtyýarlyk döwründe Türkmenistan dünýäniň ösen döwletleriniň hatarynda öz ornuny ynamly berkidýär. Eşretli eýýamda döwlet durmuşynyň ähli ugurlarynda amala aşyrylýan wajyp ösüşler ýurdumyzyň ähli pudaklarynda öz beýanyny tapýar. Milli Liderimiziň alyp barýan il-ýurt ähmiýetli tutumly işleriniň netijesinde taryh üçin uzak bolmadyk döwrüň içinde ýurdumyzyň ykdysady ugurlarynyň ählisinde bolşy ýaly, ulag-kommunikasiýa ulgamynda hem uly ösüşler, beýik sepgitler aýdyň duýulýar. Şöhratly taryhynyň dowamynda Beýik ýüpek ýolunyň ugrunda ýerleşen Türkmenistan döwletimiz bu günki gün ulaglar ulgamynda uly ösüşleri gazanyp, üstaşyr geçelgeleri arkaly yklymlary birleşdirýär.
Şu ýylyň 3-nji fewralynda bolup geçen Türkmenistanyň Ministrler Kabinetiniň mejlisinde hem hormatly Prezidentimiz ýurdumyzyň durmuş-ykdysady taýdan okgunly ösüşiniň aýrylmaz bölegi bolup durýan ulag-kommunikasiýa ulgamyna degişli pudaklaryň sazlaşykly hem-de netijeli işini üpjün etmek boýunça mundan beýläk hem edilmeli işlere aýratyn üns berdi. Mejlisde berlen hasabatlara görä, toplum boýunça hasabat döwründe önümleri öndürmegiň we hyzmatlary ýerine ýetirmegiň meýilnama 104 göterim ýerine ýetirildi. Degişli döwrüň dowamynda “Türkmendemirýollary” agentligi boýunça ösüş depgini 118,5 göterime, “Türkmenawtoulaglary” agentligi boýunça 120,3 göterime, “Türkmenaragatnaşyk” agentligi boýunça 104,8 göterime barabar boldy. “Türkmenhowaýollary” agentligi boýunça meýilnama 108,2 göterim berjaý edildi. “Türkmendeňizderýaýollary” agentligi boýunça hem degişli işler geçirildi.
Mejlisiň dowamynda hormatly Prezidentimiz Gurbanguly Berdimuhamedow Beýik Ýüpek ýoluny dikeltmek, sebit we yklymara ýollaryny ösdürmek boýunça döwlet derejesindäki başlangyçlarymyzyň ulag ulgamynyň kuwwatly maddy-enjamlaýyn binýadyny kemala getirmekde uly ähmiýete eýedigini aýratyn belläp geçdi. Şeýle hem, döwlet Baştutanymyz pudaklaýyn düzümi döwrebaplaşdyrmagyň, iň täze tehnologiýalary ornaşdyrmagyň wajypdygyna ünsi çekdi. Milli Liderimiz ýurdumyzyň ulag-kommunikasiýa ulgamyny ösdürmek boýunça alnyp barylýan taslamalaryň, kabul edilen maksatnamalaryň üstünlikli durmuşa geçirilmeginiň zerurdygyny belläp, ulgamyň öňünde durýan wezipeleriň oňyn çözgüdi ugrunda häzirki zaman meýillerini nazara almak bilen, sazlaşykly işleri alyp barmak ugrunda ähli mümkinçilikleri döredip berýär Hormatly Prezidentimiziň bagtyýar raýatlarymyzyň mynasyp eşretli durmuşy üçin alyp barýan şeýle bimöçber aladalary üçin sag bolsun aýdýarys.
“Halkyň Arkadagly zamanasynda” hormatly Prezidentimiziň bagtyýar raýatlarymyzyň mynasyp eşretli durmuşy üçin alyp barýan atalyk aladalary bizi guwandyrýar hem buýsandyrýar. Şeýle eşretli zamanany peşgeş berendigi üçin milli Liderimize minnetdarlygymyzyň çägi ýok. Dünýä ýüzündäki abraýymyzyň has-da ýokary göterilmeginde bimöçber tagallalary edýän hormatly Prezidentimiziň jany sag, ömri uzak, belent başy has hem belent bolsun! Il-ýurt bähbitli alyp barýan işleri elmydama rowaç alsyn!
Rüstem RAHMANKULOW,
Türkmenistanyň Kärdeşler arkalaşyklarynyň Döwletli etrap birleşmesiniň başlygy, Türkmenistanyň Milli Geňeşiniň Mejlisiniň deputaty.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.