At — ýigidiň ýoldaşy
05-01-26
Her ýyly döwrebap atlandyrmak we onuň nyşanyny kabul etmek ýurdumyzda asylly däbe öwrüldi. Täze ýylyň ady halkymyzyň arzuw-umytlaryny, köpasyrlyk milli gymmatlyklaryny hem-de Gahryman Arkadagymyzyň we hormatly Prezidentimiziň parasatly başlangyçlaryny özünde jemleýär. Bedew at — türkmen halkynyň buýsanjy, ösüşleriň we belent maksatlaryň nyşany hökmünde täze ýylyň şygarynda mynasyp orun aldy.
Gadymy döwürlerden bäri türkmenler ahalteke atlaryny özlerine abraý we buýsanç saýyp, ony hormatlanýan ömür ýoldaşy hasaplapdyrlar. Taryhy ylymlaryň we hünärmenleriň kesgitlemegine görä, ahalteke tohum atlary öz gözbaşyny gadymy ata-babalarymyzyň döwründen alyp gaýdýarlar. Müňlerçe ýyllardan bäri türkmen öz durmuşyny at bilen üznüksiz baglap gelýär. Ahalteke tohumy ençeme döwürlerden bäri özleşdirilip gelinýär. Ahalteke atlaryny özleriniň iň seýrek duş gelýän owadanlygy, ýyndamlygy, gözelligi boýunça janly sungat eseri hasaplap bolar.
At türkmen üçin öňden maşgalanyň bir agzasy hasaplanypdyr. Ahalteke tohumynyň esasy aýratynlygy onuň düşbi garaýşy bilen tapawutlanýar. Halk arasynda “At eýesiniň gözünden okaýar” diýlip ýöne ýere aýdylmaýar. Bu häsiýet bilen bedewler, esasan, söweşde çapyksuwaryň pikirini duýupdyr we ony duşmandan halas edipdir. Türkmenler hemişe atlarynyň iň bir duýdansyz pursatlarda, eýesiniň ýaraly ýatan wagty hem ýanynda boljagyny we kömege geljegini bilipdirler. Şol sebäpli bedew türkmen üçin ähli baýlykdan ýokarda bolupdyr. Muňa mysal hökmünde şeýle hakykaty getirmek bolar.
Hywa hanlygyny basyp alandan soňra, patyşa hökümeti şol ýerde ýaşaýan türkmen taýpalaryna uly salgytlar salypdyr. Tölegleriň bahasynyň aşa köpdügini göz öňünde tutup, patyşalygyň wekilleri öý guşlary, dowar, ownuk mallar bilen hasaplaşmaga ilata rugsat beripdirler. Sebäbi patyşa esgerleri ahalteke atlarynyň eýesi bolmagy isläp, şeýle tölege rugsat beripdirler. Ýöne türkmenler bar bolan ähli pullaryny, öý haýwanlaryny, altyn-kümüş şaý-seplerini beripdirler, emma garyplykda, galsalar hem, olar ahalteke atlarynyň birini hem bermändirler.
Halk içinde “Atyňy ýitirmek — abraýyňy ýitirmek” ýaly parasatly jümle türkmen üçin atyň hemme zatdan gymmatlydygyny aňladýar. Garaşsyzlygymyzy alanymyzdan soň, döwlet Tugramyzyň merkezinde ahalteke atynyň şekili ýerleşdirildi. Tugramyzda ýerleşdirilen Ýanardag atly ahalteke bedewi 1999-njy ýylda Moskwada geçirilen Birinji Dünýä Çempionatynda ýeňiji bolmak bilen, türkmen bedewiniň şan-şöhratyny has arşa galdyrdy.
Ahalteke bedewlerimiziň şan-şöhratyny has-da belende galdyrmak maksady bilen bellenilýän türkmen bedewiniň milli baýramy şöhratly taryhymyzdan şu günlerimize ýeten, milli buýsanjymyza öwrülen bedew atlarymyza beýik sarpanyň aýdyň nyşanydyr.
Hormatly Prezidentimiziň baştutanlygynda Garaşsyzlygymyzyň esaslary pugtalandyrylýar, ykdysady kuwwat ýokarlanýar, halkymyzyň ýaşaýyş-durmuş derejesi yzygiderli gowulanýar. «Döwlet adam üçindir!» hem-de «Watan diňe halky bilen Watandyr! Döwlet diňe halky bilen döwletdir» diýen şygarlar döwlet syýasatynyň esasy mazmunyny kesgitleýär.
Gündogar müçenamasy boýunça ýylky ýyly bolan 2026-njy ýyl halkymyz üçin aýratyn ähmiýete eýedir. Bu ýylda Türkmenistan mukaddes Garaşsyzlygynyň 35 ýyllygyny belläp geçer. Bu şanly sene agzybirligiň, buýsanjyň we täze üstünlikleriň baýramy bolar. Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Altyn ANNANEPESOWA,
Myrat Garryýew adyndaky Türkmenistanyň Döwlet lukmançylyk uniwersitetiniň Şöhle bilen anyklaýyş bejeriş we onkologiýa kafedrasynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.