Gahryman Arkadagymyz ýaş nesliň ýokary bilimli, kämil dünýägaraýyşly bolmagyny gazanmak, Watan söýgüsiniň belentliginde durmuşa döredijilikli çemeleşýän ýaşlary terbiýeläp ýetişdirmek ugrunda alyp barýan döwlet syýasatynyň içinden halypa-şägirtlik mekdebi eriş-argaç bolup geçýär. Ýurdumyzda ýaş nesliň ýokary bilimli, kämil dünýägaraýyşly bolmagyny gazanmak, Watan söýgüsiniň belentliginde durmuşa çynlakaý çemeleşýän ýaşlary terbiýeläp ýetişdirmek, halypa-şägirtlik ýoluny ösdürmek ugrunda netijeli işler alnyp barylýar.

Berkarar döwletiň täze eýýamynyň Galkynyşy döwründe eziz ýurdumyz ösüşiň kämil derejesi bagta barýan ak ýollarda batly ynam bilen öňe barýar. Ýurdumyzda ýaş nesliň ýokary bilimli, kämil dünýägaraýyşly bolmagyny gazanmak, Watan söýgüsiniň belentliginde durmuşa çynlakaý çemeleşýän ýaşlary terbiýeläp ýetişdirmek, halypa-şägirtlik ýoluny ösdürmek ugrunda netijeli işler alnyp barylýar. Her bir tutumda bize nusgalyk görelde bolýan Gahryman Arkadagymyzyň alyp barýan döwlet syýasatynyň içinden halypa-şägirtlik mekdebi eriş-argaç bolup geçýär. Her bir tutumda halypa-şägirtlik mekdebi eriş-argaç bolup geçýär. Ata-babalarymyzyň ýörelge mekdebine uly hormat goýýan Gahryman Arkadagymyzyň “Ile döwlet geler bolsa..” atly ajaýyp kitabynyň 4-nji baby hem “Halypa - şägirtlik däpleri” diýip atlandyrylýar. Gahryman Arkadagymyz: “Perzende söz edebini, hereket edebini, kalp edebini öwretmek, ilkinji nobatda, ene-atanyň borjy bolup durýar” diýip bellemek bilen, ene-atanyň ilkinji görelde we maşgala mekdebini kemala getirýändigini nygtaýar.

Halkymyzyň arasynda: “Ussat – nagyşdyr, şägirt bolsa nagyş öwrenijidir”, “Ussat – agaçdyr, şägirt bolsa onuň kölegesidir. Egri ösen agajyň dogry kölegesi bolmaz” diýilýär. Halyp-şägirtlik ýoly babatda Muhammet Gazaly “Ylym hakynda” kitabynda: “Mugallymda üç häsiýet jemlense, kämillige ýeter: ylym öwretmäge sabyrlylyk, pespällik, gözel ahlak. Talypda üç häsiýet jemlense, kämillige ýetişer: akyl, edep, düşbülik” diýip ýazypdyr.

Ylymly-bilimli, sagdyn bedenli, sagdyn ruhly ýaşlar döwletimiziň kuwwatly güýjüdir, bagtyýar geljegidir. Bu ugurda Gahryman Arkadagymyzyň, Arkadagly Gahryman Serdarymyzyň şahsy göreldesi biz üçin bahasyz ýol-ýörelgedir. Arkadagly Serdarymyzyň: “Men ýurdumyzyň ýaşlarynyň ene-ata we il-ýurt öňündäki mukaddes borjuny berjaý edip, mynasyp adamlar bolup ýetişjekdiklerine, ata Watanymyzyň gülläp ösmegi ugrunda jan aýaman zähmet çekjekdiklerine pugta ynanýaryn” diýen belent ynamyna jogap edip, yhlasly hem döredijilikli zähmetimiz bilen ata Watanymyzyň ösüşine mynasyp goşandymyzy goşarys.

Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedow şöhratly taryhymyzy, ata-baba asylly ýol-ýörelgelerimizi çuňňur öwrenmäge, ony dünýä ýaýmaga, geljekki nesillerimize ýetirmäge giň ýol açdy. Gahryman Arkadagymyzyň tagallasy bilen ýurdumyzda dünýä ülňülerine laýyk gelýän täze döwrebap mekdepler bina edilip, uzak möhletli milli maksatnamalar kabul edilip, ýokary derejeli hünärmenleri taýýarlamak — biz ýaşlaryň bilim we döredijilik mümkinçiliklerimizi ösdürmek işleri üstünlikli dowam edýär. Bilimli nesli ýetişdirmekde uly tagallalary edýän Gahryman Arkadagymyzyň, Arkadagly Gahryman Serdarymyzyň janlary sag, il-ýurt bähbitli, döwlet ähmiýetli beýik işleri hemişe rowaç bolsun!

Aýperi AÝAZOWA,
Beki Seýtäkow adyndaky Mugallymçylyk mekdebiniň 1-nji ýyl talyby.