«Hoş geldiň Diýara, Nowruzym!» atly aýdym-sazly dabaraly çäre geçirildi
18-03-23
18-nji martda, Türkmenistanyň Ministrler Kabinetiniň ýanyndaky Ulag we Kommunikasiýalar agentliginiň «Türkmenaragatnaşyk» agentliginiň Politehniki orta hünär okuw mekdebinde, «Hoş geldiň Diýara, Nowruzym!» atly aýdym-sazly dabaraly çäresi geçirildi.
Ulag-kommunikasiýalar toplumynyň edara-kärhanalarynda zähmet çekýän hünärmenleriň, Türkmenistanyň Zenanlar birleşiginiň, Türkmenistanyň Kärdeşler Arkalaşyklarynyň, Türkmenistanyň Demokratik partiýasynyň wekilleriniň gatnaşmagynda geçirilen bu baýramçylyk dabarasyna, medeniýet we sungat ulgamynyň ussat bagşylarynyň we artistleriniň şowhunly çykyşlary myhmanlarda ýakymly täsirleri galdyrdy.
Bahar paslynyň jana şypaly, ýumşak howasy, jadyly we maýyl ediji gözelligi, diňe gözel tebigatymyzda däl, eýsem dabarada ýaňlanan aýdymdyr-sazlarda, goşgy setirlerinde we hat-da tanslarda hem aýdyň duýuldy.
Dabara gatnaşan ildeşlerimiz, Garaşsyzlyk ýyllary içinde Nowruz baýramynyň ÝUNESKO-nyň Adamzadyň maddy däl medeni mirasynyň sanawyna girizilmegi hem-de Birleşen Milletler Guramasynyň Baş assambleýasy tarapyndan döwletleriň arasynda parahatçylykly gatnaşyklary pugtalandyrýan, halklaryň taryhy-medeni däplerini wagyz edýän baýramçylyk hökmünde halkara derejesine eýe bolandygy hakynda buýsanç bilen belläp geçdiler.
Dabaranyň ahyrynda Nowruz baýramynyň dünýäniň ençeme halklary bilen asuda ýurdumyzda, agzybirlikde bellenip, milli baýramçylyklarymyzy uludan bellemäge giň mümkinçilikleri döredip berýän Hormatly Prezidentimize alkyş sözlerini beýan etdiler.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
Türkmenistanda Aşgabat – Daşoguz awtomobil ýoly gurlar
Türkmenistanyň Prezidenti Serdar Berdimuhamedow Awtomobil ulaglary ministrligine umumy uzynlygy 546 kilometre deň bolan Aşgabat – Daşoguz awtomobil ýolynyň taslamasyny taýýarlamak hem-de gurluşygyny amala aşyrmak boýunça şertnamalary baglaşmaga rugsat berýän Karara gol çekdi. Bu barada Türkmenistanyň resmi metbugaty habar berdi.
Ýurdumyzda Türkmen alabaýynyň baýramy giňden bellenildi
25-nji oktýabrda ýurdumyzda Türkmen alabaýynyň baýramy mynasybetli giň gerimli dabaralar ýaýbaňlandyryldy. Baýramçylyk mynasybetli esasy dabaralar Aşgabat atçylyk sport toplumynda geçirildi. Bu ýerde «Ýylyň türkmen edermen alabaýy» atly halkara bäsleşigiň hem-de alabaýlaryň keşbini şekillendiriş we amaly-haşam sungaty eserlerinde çeper beýan etmek boýunça döredijilik bäsleşiginiň jemleri jemlendi.
Halkara «Türkmen alabaý itleri» assosiasiýasynyň VI mejlisi
24-nji oktýabrda Türkmen alabaýynyň baýramyna bagyşlanyp Halkara «Türkmen alabaý itleri» assosiasiýasynyň VI mejlisi geçirildi. Halkara ahalteke atçylyk assosiasiýasynyň we Halkara «Türkmen alabaý itleri» assosiasiýasynyň merkezinde geçirilen bu forum türkmen halkynyň milli baýlygy bolan meşhur alabaýlaryň dünýädäki şöhratyny has-da artdyrmaga gönükdirilen möhüm wakadyr.
ÝHHG-nyň "Ýaşyl portlar" taslamasynyň çäklerinde sanly çözgütler boýunça onlaýn okuw sapagy geçirildi
2026-njy ýylyň 20-nji oktýabrynda Ýewropada Howpsuzlyk we Hyzmatdaşlyk Guramasy (ÝHHG) tarapyndan sebitiň ekologiki durnuklylygyny hem-de ulag-logistika düzümini güýçlendirmek maksady bilen amala aşyrylýan «Hazar deňzi sebitinde ýaşyl portlaryň ösüşine ýardam bermek» taslamasynyň çäklerinde onlaýn okuw sapagy guraldy.
Türkmenistanyň wekiliýeti Bütindünýä Samarkant sammitine gatnaşdy
Türkmenistanyň wekiliýeti 2026-njy ýylyň 21-22-nji oktýabry aralygynda Özbegistan Respublikasynyň Samarkant şäherinde geçirilen “Çagalaryň geljegine maýa goýmak: nesiller üçin durnukly we adalatly ösüş” atly Bütindünýä sammitiň işine gatnaşdy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.