At — myrat
27-04-24
Berkarar döwletimizde yglan edilen 2024-nji ýylda – «Pähim-paýhas ummany Magtymguly Pyragy» ýylynda bedew bady bilen barha öňe barýan Türkmenistan döwletimiziň her bir güni toýdur baýramlara beslenýär. Häzirki günlerde türkmen halky hormatly Prezidentimiziň baştutanlygynda Türkmen bedewiniň milli baýramyna giň gerimde taýýarlyk görýär. Bu baýramçylygyň döwlet derejesinde bellenilmegi ýurdumyzda ahalteke bedewlerine goýulýan sarpadan nyşandyr.
Eýýäm birnäçe günlerden bäri bu baýramçylyk mynasybetli baýramçylyk dabaralary ýurt möçberinde dowam edip gelýär. Şeýle hem bagtyýarlyk döwründe uly ösüşleri başdan geçirýän ýurdumyzyň atçylygyny ösdürmek, ahalteke bedewleriniň bütin dünýäde şan-şöhratyny artdyrmak maksady bilen milli Liderimiz tarapyndan bedew atlaryň gözellik bäsleşigi yglan edildi.
Berkarar döwletiň täze eýýamynyň Galkynyşy döwründe ganatly ahalteke atlarymyz bilen bütin dünýäniň atşynaslaryna, bedew atyň muşdaklaryna tanyşmaga mümkinçilik döredildi. Bedew ata yhlas edip, onuň mertebesini arşa göteren, şanyna dessanlar düzüp, ony altyn-kümüş bilen bezäp bilen halk diňe türkmendir. Bedew at ýaly ynsanyň ruhuna şeýle çuň aralaşyp bilen janly-jandar ýok. Üstüne münen adamyň erkine görä hereket etmek bedewiň möhüm häsiýetidir. At ýoly, daş-töweregi oňat saýgarýar. At adam bilen bir hatarda, sport ýaryşlaryna, olimpiýa oýunlaryna gatnaşýar.
Hormatly Prezidentimiziň ýolbaşçylygynda atçylyk pudagy we atçylyk sporty uly ösüşlere hem özgerişlere eýe bolýar. Munuň şeýledigine eziz Diýarymyzyň ähli künjünde gurlup ulanylmaga berlen döwrebap atçylyk toplumlary, aýlawlary şaýatlyk edýär. Munuň özi tohum atlaryň baş sanyny yzygiderli köpeltmäge we atçylyk sportunyň dürli görnüşleri bilen giňden meşgullanmaga uly mümkinçilikleri döretdi.
Gahryman Arkadagymyzyň ahalteke bedewlerine bagyşlanan “Ahalteke bedewi — biziň buýsanjymyz we şöhratymyz” we “Atda wepa-da bar, sapa-da” atly ajaýyp eserleri türkmen halkyna bahasyna ýetip bolmajak sowgat boldy. Ahalteke bedewleri baradaky giň maglumatlar toplumyny özünde jemleýän bu ajaýyp eserler atşynaslar, bedew söýüjiler, seýisler we giň okyjylar köpçüligi üçin tükeniksiz hazynadyr.
Berkarar döwletiň täze eýýamynyň Galkynyşy döwrüni türkmen halkyna peşgeş berip, bolelin durmuşda ýaşamaga giň mümkinçilikleri döredip berýän Gahryman Arkadagymyzyň hem-de Arkadagly Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin! Mümkinçilikden peýdalanyp, külli türkmen halkymyzy, türkmen halkynyň Milli Liderini we hormatly Prezidentimizi ýetip gelýän Türkmen bedewiniň milli baýramy gutly-mübärek bolsun, diýip tüýs ýürekden gutlasymyz gelýär!
Arslan BERDIÝEW,
Türkmen oba hojalyk institutynyň Ýer gurluşygy we kadastlar taýýarlyk ugrunyň 1-nji ýyl talyby.
Merkezi Aziýa ýurtlarynyň ýaşlar wekiliýetiniň Hindistan bilen tanyşlyk sapary
Häzirki döwürde ýaşlaryň arasynda halkara hyzmatdaşlygy ösdürmek, medeniýetleriň arasynda dostlukly gatnaşyklary pugtalandyrmak we ylym-bilim ugrundaky täze tejribeleri alyşmak aýratyn ähmiýete eýedir. Şu maksat bilen 2026-njy ýylyň 24-nji marty 2-nji apreli aralygynda Hindistan Respublikasynyň Mumbai, Goa we New Delhi şäherlerinde Merkezi Aziýa ýurtlarynyň ýaşlarynyň gatnaşmagynda tanyşlyk sapary geçirilýär.
Türkmenistan Serbiýada geçiriljek “EKSPO — 2027” Bütindünýä ýöriteleşdirilen sergisine gatnaşar
Türkmenistanyň Ministrler Kabinetiniň Başlygynyň orunbasary Nökerguly Atagulyýew anna güni sanly ulgam arkaly geçirilen Ministrler Kabinetiniň nobatdaky mejlisinde Serbiýa Respublikasynyň Belgrad şäherinde geçiriljek “EKSPO — 2027” Bütindünýä ýöriteleşdirilen sergisine Türkmenistanyň ýokary derejede gatnaşmagyny üpjün etmek boýunça ýerine ýetirilýän işler barada hasabat berdi.
BMG-niň Türkmenistandaky Hemişelik utgaşdyryjysy we Merkezi Aziýa ýurtlarynyň Ilçileri bilen duşuşyk geçirildi
2026-njy ýylyň 9-njy fewralynda Türkmenistanyň Daşary işler ministriniň orunbasary Mähri Bäşimowa BMG-niň Türkmenistandaky Hemişelik utgaşdyryjysy Dmitriý Şlapaçenko hem-de Merkezi Aziýa ýurtlarynyň Türkmenistandaky Ilçileri bilen duşuşyk geçirdi. Bu barada Türkmenistanyň DIM-niň web-saýtynda habar berilýär.
MILLI ÝÖRELGELER DOWAMAT-DOWAM
Berkarar döwletiň täze eýýamynyň Galkynyşy döwrüniň Halkara parahatçylyk we ynanyşmak ýylynda hormatly Prezidentimiziň ýolbaşçylygynda amala aşyrylýan döwlet syýasatynyň möhüm ugurlarynyň hatarynda halkymyzyň şöhratly taryhyny we baý medeni mirasyny aýawly saklamak hem-de bütin dünýäde giňden wagyz etmek wezipesi üns merkezinde durýar.
BEDEW BATLY ROWAÇ ÝYL
Türkmen halkynyň milli Lideri Gahryman Arkadagymyzyň, Arkadagly Gahryman Serdarymyzyň parasatly baştutanlygynda ýurdumyz bedew bady bilen öňe barýar. 2026-njy «Garaşsyz Baky Bitarap Türkmenistan – bedew batly at myradyň mekany» ýylyna uly ynam, belent ruh bilen gadam basdyk. Türkmen halkymyzyň uçar ganaty bolan behişdi bedewlerimiziň şöhratly taryhymyzdan şu günimize çenli gelip ýeten şan-şöhraty egsilmezdir.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.