«Türkmenaragatnaşyk» agentliginde «Sagdyn nesil – röwşen geljek» atly wagyz-nesihat duşuşygy geçirildi
01-06-23
1-nji iýunda, Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň, «Türkmenaragatnaşyk» agentliginiň «Altyn Asyr» ÝGPJ-niň bilelikde gurnamagynda Çagalary goramagyň halkara güni mynasybetli «Sagdyn nesil – röwşen geljek» atly wagyz-nesihat duşuşygy geçirildi.
Maslahata Türkmenistanyň Zenanlar birleşiginiň Merkezi Geňeşinden, Türkmenistanyň Kärdeşler arkalaşyklarynyň Milli merkezinden, Türkmenistanyň Içeri işler ministrliginden, Türkmenistanyň Saglygy goraýyş we derman senagaty ministrliginden, ýurdumyzyň orta okuw mekdepleriniň mugallymlary we ak saçly enelerimiz, şeýle hem aragatnaşyk pudagynyň edara-kärhanalaryndan wekiller gatnaşdylar.
Çykyşlarda ösüp gelýän ýaş nesillerimiziň saglygyny berkitmek, bilimlerini kämilleşdirmek we ösdürmek, olaryň boş wagtlaryny gyzykly we peýdaly geçirmekleri üçin Döwlet tarapyndan döredilýän giň mümkinçilikler, amatly şertler barada durlup geçildi.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
"TULM" HHR-nyň Çžetýan şäherinden ugran synag konteýner otly düzümini Türkmenbaşy deňiz porty arkaly türkmen gämisinde Baku deňiz portuna ugradylmagyny gurady
«Türkmenistanyň Ulag-logistika merkezi» Açyk görnüşli paýdarlar jemgyýeti, ýurdumyzyň demirýol ulaglarynda konteýner gatnawlarynyň operatory bolmak bilen, halkara multimodal ulag-üstaşyr geçelgeleriniň çäklerinde uly möçberlerde dürli görnüşdäki ýükleriň gatnawlaryny amala aşyrmaklyga dowam edýär.
Türkmenistan bilen Owganystan energetika, ulag-aragatnaşyk ulgamlaryndaky hyzmatdaşlygy maslahatlaşdy
Türkmenistanyň Daşary işler ministri Raşid Meredow 2025-nji ýylyň 3-nji iýulynda Azerbaýjanyň paýtagty Baku şäherinde ykdysady meseleler boýunça Owganystanyň Ministrler Kabinetiniň Başlygynyň Orunbasarynyň wezipesini ýerine ýetiriji Abdul Gani Baradar bilen duşuşyk geçirdi. Duşuşykda energetika hem-de ulag-aragatnaşyk ugurlaryndaky hyzmatdaşlygyň meseleleri ara alnyp maslahatlaşyldy.
Balkan we Daşoguz welaýatlarynda täze awtoulag mekdepleri açyldy
Türkmenistanyň Balkanabat we Daşoguz şäherlerinde sürüjileri taýýarlamak üçin niýetlenilen iki sany täze okuw merkezi işe başlady. “Türkmenawtoulaglary” agentliginiň awtomekdepler birleşiginiň buýurmasy esasynda gurlan täze toplumlar hünär taýýarlygynyň milli ulgamyny ösdürmek boýunça nobatdaky ädime öwrüldi. Bu barada Türkmenistanyň resmi metbugaty penşenbe güni habar berdi.
Stambul şäherinde Türkmenistanyň eksport harytlarynyň sergisi geçirilýär
Düýn Türkiýe Respublikasynyň Stambul şäherinde Türkmenistanyň eksport harytlarynyň sergisi açyldy.
“Türkmendeňizderýaýollary” agentligi bäsleşik yglan edýär
Türkmenistanyň Hökümeti Türkmenistanyň Deňiz ulagyny ösdürmek taslamasy boýunça Yslam Ösüş Bankyndan (YÖB) maliýe serişdelerini aldy we bu maliýe serişdelerini “Ro-Ro” görnüşli iki sany demir ýol parom gämilerini taslamalaşdyrmak, üpjün etmek we gurluşygyny dolandyrmak boýunça şertnamany maliýeleşdirmeklik üçin gönükdirmegi meýilleşdirýär. Bu taslama OPEK halkara ösüş gaznasy bilen bilelikde maliýeleşdiriler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.