Halkara kiberhowpsuzlyk ulgamynda özara düşünişmek hakynda Ähtnama gol çekildi
03-10-23
2023-nji ýylyň 3-4-nji oktýabry aralygynda Özbegistan Respublikasynyň Daşkent şäherinde geçirilýän ilkinji Kiberhowpsuzlyk boýunça «Cyber Security Central Eurasia 2023» atly halkara maslahatynyň 1-nji iş güni dowam edýär.
Maslahata gatnaşan dünýäniň onlarça döwletiniň 130 kompaniýasynyň 250-den gowrak ygtyýarlandyrylan wekilleri, özara bähbitli halkara hyzmatdaşlygy giňeltmäge gönükdirilen taslamalaryň aragatnaşyk pudagyna ähmiýeti barada giňişleýin durup geçdiler.
Gepleşikleriň barşynda, «Türkmenaragatnaşyk» agentliginiň ýanyndaky Döwlet Kiberhowpsuzlyk gullugy bilen Özbegistan Respublikasynyň «Kiberhowpsuzlyk merkezi» unitar edarasynyň arasynda ikitaraplaýyn möhüm meseleleri ara alnyp maslahatlaşyldy we kiberhowpsuzlyk ulgamynda özara düşünişmek hakynda Ähtnama gol çekildi.
Ähtnamada häzirki tehnologiýalar döwrüniň möhüm ugurlaryň biri bolan maglumat giňişligine we maglumat infrastrukturalarynyň obýektlerine gönükdirilen kiberhowplary ýüze çykarmak, olaryň öňüni almak we olara garşy çäreleri geçirmek wezipeleri, şol sanda maglumatlaryň ýerleşen sanly ulgamynyň goraglylygy ýaly wajyp wezipeler öz beýanyny tapdy.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
Türkmenistanda Ulag we kommunikasiýalar agentligi ýatyrylyp, täze ministrlikler we gulluklar döredildi
Türkmenistanyň Ministrler Kabinetiniň ýanyndaky Ulag we kommunikasiýalar agentligi ýatyryldy. Onuň garamagyndaky «Türkmendemirýollary» agentliginiň, «Türkmenaragatnaşyk» agentliginiň hem-de «Türkmenawtoulaglary» agentliginiň işi bes edilip, olaryň binýadynda, degişlilikde, Türkmenistanyň Demir ýol ulaglary ministrligi, Türkmenistanyň Aragatnaşyk ministrligi hem-de Türkmenistanyň Awtomobil ulaglary ministrligi döredildi.
Türkmenistanyň Ulag we kommunikasiýalar toplumyna wise-premýer bellenildi
Mämmethan Berdimyradowiç Çakyýew Türkmenistanyň Ministrler Kabinetiniň Başlygynyň orunbasary wezipesine 6 aý synag möhleti bilen bellenildi. Türkmenistanyň Prezidenti Serdar Berdimuhamedow şu gün alty aýyň jemlerine bagyşlanyp geçirilen giňişleýin Hökümet mejlisinde degişli Permana gol çekdi. Bu barada «Watan» habarlar gepleşiginde habar berildi.
Türkmenistanda täze ministrler wezipä bellendi
Şu gün Türkmenistanyň Prezidenti Ministrler Kabinetiniň giňişleýin mejlisini geçirdi. Onda şu ýylyň ýanwar-iýun aýlarynda ýurdumyzyň halk hojalygynda alnyp barylýan işleriň jemleri jemlendi.
Türkmenistanda 2025-2026-njy okuw ýyly üçin okuwa kabul ediş möwsümi başlaýar
Şu gün geçirilen Ministrler Kabinetiniň giňişleýin mejlisiniň dowamynda Türkmenistanyň Prezidenti degişli Buýruga gol çekdi. Resminama laýyklykda, 2025-nji ýylda Türkmenistanyň ýokary okuw mekdeplerine welaýatlar, Aşgabat we Arkadag şäherleri boýunça okuwa kabul etmegiň meýilnamasy hem-de 2025-nji ýylda Türkmenistanyň orta hünär okuw mekdeplerine okuwa kabul etmegiň meýilnamasy tassyklanyldy.
Mary halkara howa menzili halkara bäsleşik yglan edýär
Türkmenistanyň "Türkmenhowaýollary" agentliginiň Mary halkara howa menzili menziliň içerki aragatnaşygyny üpjün etmek maksady bilen göterilýän döwrebap radiostansiýalary satyn almak boýunça açyk görnüşli halkara bäsleşik yglan edýär
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.