Bu iýmitler irden boş aşgazanda iýilse, aşgazan içege kynçylyklaryny döredip biler. Ertirlik üçin başga bir önüm saýlamak has gowudyr.

Ýogurt

Siz geň galýarsyňyzmy? Ýok, elbetde yogurt iýip bilersiňiz ol zyýanly diýjek bolamyzok. Emma aç garyna ýogurt iýseňiz, boş aşgazandaky dürli döremelere getirip biler.

Armyt

Armytda aşgazanyň işjeñligine zeper ýetirip biljek gaty köp maddalar bar, şonuň üçin olary aç garnyň üstünde iýmek maslahat berilmeýär. Ýeri gelende aýtsak, armyt iýeniňden soň çig suw içmeli däl.

Pomidor

Pomidordaky taninler aşgazanyň kislotasyny ýokarlandyrýar. Bu gastritiň, pankreatitiň ýa-da kolitiň ösmegine getirýär. Şuňa meňzeş önümlerden tanini köp bolan hurma we süýji kartoşkany hem aytmak bolar.

Banan

Boş aşgazana banan iýseňiz, gandaky magniý derejesi birden ýokarlanýar, bu ýüregiň işine ýaramaz täsir edip biler. Mundan başga-da, boş aşgazanda banan iýmek kaliý we magniý deňsizligine sebäp bolup biler.

Sitrus miweleri

Apelsin, mandarin we greýpfrutda miwe kislotasy köp. Bu miweleri boş garnyň üstünde iýseň, ýürek bulanmagyna we gastritiň döremegine sebäp bolar.

Kofe

Kofe aşgazan kislotasynyň önümçiligini höweslendirýär, ýürek bulanmagyna we aşgazanda agyrlyk duýgusyny döredýär. Ertirlik naharyny diňe bir kofe bilen çalyşsaňyz, serotoniniň ýetmezçiligi ösýär, netijede günüň dowamynda depressiýa sebäp bolýar.

Alkogolly içgiler

Boş aşgazanda içilen alkogol sizi iki esse çalt serhoş eder. Bu ýagdaýda alkogol iýmit siňdirişini haýalladýar.

Sowuk gazly içgiler

Irden sowuk gazly içgileri içmek endigi diňe bir aşgazanyň gyjyndyrmasyna ýaramaz täsir etmän, eýsem gan akmagyny hem haýalladýar, netijede iýmit siňdiriş prosesi erbetleşýär.

Sakgyç

Çeýnemek iýmit siňdiriş ulgamynyň hemme işini işjeňleşdirýär we aşgazan iýmit siňdiriş üçin zerur suwuklygy bölüp başlaýar. Iýmitiň ýerine aşgazanda köp mukdarda kislota bar bolsa, içegämizi zaýalaýar. Netijede, dowamly gastrit we kolit ösýär.

Taýýarlan Ýazberdi TOÝLYÝEW,
Türkmenistanyň Inžener-tehniki we ulag kommunikasiýalary institutynyň Ykdysadyýet we sanly tehnologiýalar fakultetiniň mugallymy.