Täze awtobuslar ýolagçylaryň hyzmatynda
14-03-24
Berkarar döwletiň täze eýýamynyň Galkynyşy döwründe ýurdumyzyň ulag we kommunikasiýa pudagynda alnyp barylýan tutumly işleri döwrebaplaşdyrmak, ösdürmek, oňa innowasion tehnologiýalary sanly ulgamy ornaşdyrmak giň gerime eýe bolýar. Hormatly Prezidentimiziň saparyna gabatlanyp, Türkmenabat şäherinde döwrebap ýaşaýyş jaýlarynyň açylmagy hem-de Lebap welaýatynyň ilatyna hyzmat etjek täze ýolagçy awtobuslarynyň sowgat hökmünde gowşurylmagy şu günki wakanyň ähmiýetini has-da artdyrdy. Gadymy Lebabyň bereketli topragynda il-ýurt bähbitli işlere başlangyç berýän hormatly Prezidentimiziň sapary gününde gowulyklaryň sakasy çözlen ýaly boldy. Edil şol gün ýolagçylara edilýän hyzmatyň hilini gowulandyrmak maksady bilen hormatly Prezidentimiziň adyndan «Türkmenawtoulaglar» agentliginiň «Lebapawtoulag» önümçilik birleşigine häzirki zaman awtobuslaryň 200-den gowragy sowgat hökmünde gowşuryldy. Munuň özi hormatly Prezidentimiziň tagallalary netijesinde, «Türkmenawtoulaglary» agentliginiň maddy-tehniki binýadynyň pugtalandyrylmagy esasynda mümkin bolup, ýerine ýetirilýän şeýle işler awtoulag hyzmatlarynyň hilini we medeniýetini has-da ýokarlandyrmaga şert döredýär.
Awtobuslaryň garşylanyş dabarasynda çykyş edenler milli ykdysadyýetimiziň ulag we kommunikasiýa pudagyny ösdürmeklige berýän bimöçber goldawy üçin Gahryman Arkadagymyza, Arkadagly Gahryman Serdarymyza çäksiz alkyş sözlerini aýtdylar. Önümçilikde aýratyn möhüm ähmiýete eýe bolan täze ýolagçy awtobuslary asylly däplerimize eýerilip, kümüş saçly mährem eneler, awtobuslara sünnälenip örülen alajany dakdylar, un sepdiler we üzärlik tütetdiler hem-de olaryň uzak wagtlap halkymyza hyzmat etmegini arzuwladylar. Hormatly ýaşulular täze awtobuslaryň mümkinçilikleri bilen içgin tanyşdylar hem-de döwlet Baştutanymyza çuňňur hoşallyklaryny beýan etdiler. Täze awtobuslary kabul eden «Lebapawtoulag» önümçilik birleşiginiň sürüjileri netijeli işlemäge döredýän giň mümkinçilikleri üçin Gahryman Arkadagymyza hem-de Arkadagly Gahryman Serdarymyza alkyş aýtdylar.
Täze ulaglar welaýatynyň ýaşaýjylaryny we myhmanlaryny şäher ýaka we şäher ara ugurlar boýunça gatnatmak üçin niýetlenen döwrebap awtobuslardyr. Şäheriň ýollarynda ulaglaryň sazlaşykly hereketini üpjün etmek, köçelerde ýolagçylar we sürüjiler üçin amatly şertleri döretmek degişli gulluklaryň öňünde durýan möhüm wezipeleriň biri bolup durýar. Ulag düzümini ösdürmek, awtomobil we beýleki ulaglaryň tehniki binýadyny döwrebaplaşdyrmak hormatly Prezidentimiziň yzygiderli amala aşyrýan durmuş-ykdysady syýasatynyň möhüm ugurlarynyň biridir.
Döwrebap awtobuslary yzygiderli satyn alyp, bu ugurda ýerine ýetirilýän hyzmatlaryň hiliniň we medeniýetiniň has-da ýokarlandyrylmagy ugrunda döredip berýän giň mümkinçilikleri üçin pudagyň agzybir işgärleri Arkadagly Gahryman Serdarymyza tüýs ýürekden alkyş sözlerini aýdýarlar.
Möwlam HAÝTGULYÝEW,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň «Lebapawtoulag» önümçilik birleşiginiň mehanigi, ilkinji Ýaşlar guramasynyň başlygy.
"TULM" HHR-nyň Çžetýan şäherinden ugran synag konteýner otly düzümini Türkmenbaşy deňiz porty arkaly türkmen gämisinde Baku deňiz portuna ugradylmagyny gurady
«Türkmenistanyň Ulag-logistika merkezi» Açyk görnüşli paýdarlar jemgyýeti, ýurdumyzyň demirýol ulaglarynda konteýner gatnawlarynyň operatory bolmak bilen, halkara multimodal ulag-üstaşyr geçelgeleriniň çäklerinde uly möçberlerde dürli görnüşdäki ýükleriň gatnawlaryny amala aşyrmaklyga dowam edýär.
Türkmenistan bilen Owganystan energetika, ulag-aragatnaşyk ulgamlaryndaky hyzmatdaşlygy maslahatlaşdy
Türkmenistanyň Daşary işler ministri Raşid Meredow 2025-nji ýylyň 3-nji iýulynda Azerbaýjanyň paýtagty Baku şäherinde ykdysady meseleler boýunça Owganystanyň Ministrler Kabinetiniň Başlygynyň Orunbasarynyň wezipesini ýerine ýetiriji Abdul Gani Baradar bilen duşuşyk geçirdi. Duşuşykda energetika hem-de ulag-aragatnaşyk ugurlaryndaky hyzmatdaşlygyň meseleleri ara alnyp maslahatlaşyldy.
Balkan we Daşoguz welaýatlarynda täze awtoulag mekdepleri açyldy
Türkmenistanyň Balkanabat we Daşoguz şäherlerinde sürüjileri taýýarlamak üçin niýetlenilen iki sany täze okuw merkezi işe başlady. “Türkmenawtoulaglary” agentliginiň awtomekdepler birleşiginiň buýurmasy esasynda gurlan täze toplumlar hünär taýýarlygynyň milli ulgamyny ösdürmek boýunça nobatdaky ädime öwrüldi. Bu barada Türkmenistanyň resmi metbugaty penşenbe güni habar berdi.
Stambul şäherinde Türkmenistanyň eksport harytlarynyň sergisi geçirilýär
Düýn Türkiýe Respublikasynyň Stambul şäherinde Türkmenistanyň eksport harytlarynyň sergisi açyldy.
“Türkmendeňizderýaýollary” agentligi bäsleşik yglan edýär
Türkmenistanyň Hökümeti Türkmenistanyň Deňiz ulagyny ösdürmek taslamasy boýunça Yslam Ösüş Bankyndan (YÖB) maliýe serişdelerini aldy we bu maliýe serişdelerini “Ro-Ro” görnüşli iki sany demir ýol parom gämilerini taslamalaşdyrmak, üpjün etmek we gurluşygyny dolandyrmak boýunça şertnamany maliýeleşdirmeklik üçin gönükdirmegi meýilleşdirýär. Bu taslama OPEK halkara ösüş gaznasy bilen bilelikde maliýeleşdiriler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.