YNAM. YKRAR. YKBAL
26-03-22
«Halkyň Arkadagly zamanasy» ýylynyň 12-nji martynda Garaşsyz, baky Bitarap Türkmenistanda Prezident saýlawlary ýokary guramaçylykda geçirildi. Mälim bolşy ýaly, merkezi saýlaw toparynyň 14-nji martdaky jemleýji mejlisinde kabul eden karary esasynda we Saýlaw kodeksiniň 76-njy maddasyna laýyklykda, saýlawlarda ses bermäge gatnaşan saýlawçylaryň sesleriniň 72,97 göterimini alan dalaşgär — Türkmenistanyň Ministrler Kabinetiniň Başlygynyň orunbasary Serdar Berdimuhamedow Türkmenistanyň saýlanan Prezidenti diýlip ykrar edildi. 19-njy martda bolsa döwlet Baştutanymyzyň resmi taýdan wezipä girişmek dabarasy uly ruhubelentlikde geçirildi.
15-nji martda geçirilen Ministrler Kabinetiniň we Döwlet howpsuzlyk geňeşiniň giňişleýin mejlisinde Türkmenistanda Saýlawlary we sala salşyklary geçirmek boýunça merkezi toparyň başlygy Türkmenistanyň Prezidentiniň saýlawlary üçin alnyp barlan taýýarlyk işleri, onuň netijeleri barada jemleýji hasabat bilen giňişleýin çykyş edip, saýlawlaryň jemlerine laýyklykda, Ministrler Kabinetiniň Başlygynyň orunbasary Serdar Berdimuhamedowyň ynamly ýeňiş gazanandygyny yglan etdi. Şeýlelikde, mynasyp dalaşgär halkyň uly ynamyna eýe boldy. Hökümetiň giňişleýin mejlisinde Gahryman Arkadagymyzyň täze saýlanan Prezident Serdar Berdimuhamedowa halkyň ynamynyň ödelmelidigi, munuň üçin ata Watanymyza, halkymyza jan aýaman hyzmat etmelidigi barada beren öwüt-ündewleriniň ildeşlerimiziň her birinde aýratyn buýsanç duýgusyny döredendigi ikuçsuzdyr.
Täze saýlanan döwlet Baştutanymyzyň resmi taýdan wezipä girişmek dabarasy berkarar Watanymyzda Magtymguly Pyragynyň arzuwlan ajap eýýamynyň dowamat-dowam bolýandygyny aýdyňlygy bilen açyp görkezen taryhy wakalaryň biri hökmünde kalbymyzda orun aldy. Şol pursatlarda dabaraly çärä gatnaşan bagtyýar ildeşlerimiziň ýüzündäki begenç hem şatlyk alamatlary olaryň öz nurana geljegi üçin iň mynasyp dalaşgäre ses berendiklerine çäksiz buýsanýandyklaryny görkezdi. Türkmenistanyň Prezidenti Serdar Berdimuhamedowyň wezipä girişmek dabarasyndaky Kasamy, sözüň doly manysynda, syýasy we ykdysady taýdan durnukly, berk binýatly, agzybir türkmen jemgyýetiniň geljekki beýik ösüşleriniň, parahatçylyk söýüjilikli syýasaty goldaýan ynsanperwerlik, döwletlilik ýörelgeleriniň dowamata ataryljakdygynyň anyk güwäsi boldy.
Türkmenistanyň Prezidentiniň dabarada eden çykyşy we däp bolan beýleki çäreler hem çuňňur watançylyk ruhuna eýe bolup, onuň ähmiýetini has-da artdyrdy. Mahlasy, ýurdumyzyň durmuşyndaky möhüm syýasy waka bolan Prezident saýlawlary bilen bagly ähli çäreler tapgyrma-tapgyr, agzybirlikde, guramaçylykly geçirildi. Döwlet Baştutanymyzyň wezipä girişmek dabarasynyň ählihalk bag ekişligi we täzelenişiň baýramy hasaplanýan Milli bahar baýramy bilen utgaşýandygy hem uly mana eýedir. Türkmenistanyň Prezidenti Serdar Berdimuhamedowyň janynyň sag, ömrüniň uzak, işleriniň rowaç, mertebesiniň belent, gadamlarynyň batly bolmagyny tüýs ýürekden arzuw edýäris!
Babamyrat ANNAKULYÝEW,
S.A.Nyýazow adyndaky Türkmen oba hojalyk uniwersitetiniň talyby.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.