Döwlet nyşanlarymyzyň mukaddesligi
14-05-25
Berkarar döwletiň täze eýýamynyň Galkynyşy döwründe goşa-goşadan gelýän toý-baýramlaryň seresi bolan Türkmenistanyň Konstitusiýasynyň we Türkmenistanyň Döwlet baýdagynyň güni türkmen halkynyň goşa mukaddesliginiň alamaty hökmünde döwlet derejesinde giňden bellenilip geçilýär.
Döwlet nyşanlary Watanymyzyň Garaşsyzlygynyň, milletiň beýikliginiň, bakylygynyň alamatydyr. Döwlet nyşanlarymyzda milletimiziň ruhy ahlak ýörelgeleri, döwletimiziň ýöredýän hoşniýetli goňşuçylyk, hemişelik Bitaraplyk, ynsanperwerlik, dostanalyk syýasaty jemlenendir. Hut şonuň üçin hem döwlet nyşanlary bolan Tugumyz milli gymmatlyklarymyzyň hatarynda sarpalanýar.
Türkmenistan Watanymyzyň iň ýokary kadalaşdyryjy hukuknamasy bolan Esasy Kanunymyz bolsa döwletimiziň syýasy-hukuk binýady bolup durýar. Ýurdumyzyň Esasy Kanuny milli däp-dessurlarymyzy, dünýäniň demokratik tejribesini şeýle-de halkara guramalarynyň umumy ykrar edilen ýörelgelerini özünde jemleýär.
Ýurdumyzda parahatçylygy, abadançylygy, milli jebisligi, şeýle hem agzybirligi dabaralandyrýan Türkmenistanyň Konstitusiýasynyň we halkyň milli özboluşlylygyny, ruhy ýörelgeleriniň esaslaryny hem-de Watan hakyndaky mukaddes düşünjelerini kesgitleýän gymmatlyk bolan ýaşyl Baýdagymyzyň baýramçylyk dabaralarynyň bilelikde bellenilmegi täze many-mazmuna eýe bolýar.
Ýaşyl Baýdagymyzda ynsanperwerlik, parahatçylyk söýüjilik, agzybirlik ýaly milli aýratynlyklarymyz öz aýdyň beýanyny tapandyr. Onda döwlet berkararlygymyz, hemişelik Bitaraplygymyz, asudalygymyz, erkinligimiz ýaly milli alamatlarymyz jemlenendir.
Döwlet nyşanlarymyzyň mukaddesligi, milletiň we döwletiň ykbalyndaky orny baradaky kadalaryň ýurdumyzyň Esasy Kanunynda öz beýanyny tapmagy, ýurdumyzda döwlet nyşanlaryna goýulýan belent sarpanyň konstitusion girewidir.
Berkarar döwletimizde yglan edilen 2025-nji — Halkara parahatçylyk we ynanyşmak ýylynda Türkmenistanyň Konstitusiýasynyň we Türkmenistanyň Döwlet baýdagynyň gününiň — bu iki mukaddeslikleriň şanly baýramy täze taryhy eýýamyň ösüşlerine özboluşly ruhy goldaw we badalga berýär. Türkmen halkyna eşretli zamanany peşgeş beren Gahryman Arkadagymyza hem-de Arkadagly Gahryman Serdarymyza berk jan saglyk we uzak ömür arzuw edýäris!
Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Şöhrat BERDIÝEW,
Myrat Garryýew adyndaky Türkmen Döwlet lukmançylyk uniwersitetiniň Patologik anatomiýa kafedrasynyň mugallymy.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.