Türk­men­ top­ra­gyn­da­ tog­san­ do­lup,­ ýe­re ­ýy­ly­ git­me­gi­ bi­len, ­te­bi­gat ­gaý­ta­dan jan­la­nyp,­ gyş­ or­nu­ny­ ba­ha­ra ber­ýär. ­Al­ el­wan­ gül­le­re, ­lä­le­zar­ly­ga bes­le­nen ba­ha­ryň­ nu­ra­na­ gün­le­ri ­bagt­ly­ se­ne­le­ri we­ wa­ka­la­ry ­ba­gyş­ edip,­ duý­gy­ dün­ýä­mi­ze tü­kenik­siz­ yl­ham ­ber­ýär. ­Pa­syl­la­ryň ­sol­ta­ny ­ba­ha­ryň­ gel­me­gi­ bi­len,­ tu­tuş te­bi­gat ­jan­lan­ýar.­ Her­ pas­lyň­ öz­ gö­zel­li­gi­ bar­ bol­sa­da, ­ba­har ­pas­ly­nyň ­kal­by­ňy heý­ja­na ­sal­ýan,­ gö­zel­li­gi­ne­ ben­di­ ed­ýän,­ gö­rünme­ýän, ­bi­lin­meýän ­ja­dy­sy­ bar. Dag­-de­re­ler­ ýa­şyl beg­res­ ge­ýen­de,­ dur­na­lar­ gy­kuw­la­şyp­ ge­len­de,­lem­mer­-lem­mer­ ga­ra­ bu­lut­lar­ süý­şüp,­ gök­ gü­bürdäp ­ýyl­dy­rym ­ça­kan­da,­ kük­räp­-kük­räp­ ba­har­ çabga­sy­ ýa­gan­da,­ yn­san­ kal­by ­hem­ jo­şup,­ üýt­ge­şik duý­gu­lar ­dö­re­ýär.­

Ba­ha­ryň ­nu­ra­na ­baý­ram­la­ry­nyň ­bi­ri­ bo­lan ­Hal­kara ­Now­ruz ­baý­ra­mynda owa­dan­lyk, ­tä­ze­le­niş,­ te­bi­gy­ öz­ge­riş­ we­ ze­min­ görk­le­ni­şi ­jem­len­ýär.­ Tä­ze ­gü­nüň —­Tä­ze­ ýy­lyň­ baş­lan­ma­gy,­ gi­je ­bilen ­gün­di­ziň­ deň­leş­me­gi,­ýaý­la­nyň­ ýa­şyl mah­ma­la bes­len­me­gi ­te­bi­ga­tyň­ tä­ze­le­ni­şi­ni ­we­ saz­la­şy­gy­ny da­ba­ra­lan­dyr­ýar. Irki döwürlerde daýhanlarymyz Nowruzdan soň ýazlaga çykypdyrlar we maldarçylyk bilen meşgul bolupdyrlar. Olar ekerançylykda ýere tohum sepipdirler. Bereketli toprakdan bol hasyl almagyň düýbüni tutmaga girişipdirler. Bu ýylyň Nowruzy has-da ygally geldi. Bu bolsa pagtadan, bugdaýdan we beýleki gök we miweli ekinlerden bol hasyl almaga pursat döredýär.

Berkarar döwletiň täze eýýamynyň Galkynyşy döwründe eziz Diýarymyzda uly ilimiz agzybirlik bilen Milli bahar baýramyny — Halkara Nowruz gününi ýokary ruhubelentlik, hoşniýetli umyt-arzuwlar bilen garşy aldy. Bu nurana baýramçylyk ýurdumyzyň ähli ýerinde aýdym-sazyň şirin owazyna beslenip, dabaraly ýagdaýda bellenildi. Nowruz diňe bir bahar paslynyň gelmegini alamatlandyrman, eýsem, halklaryň dost-doganlygynyň nyşany hökmünde hem kalplarda müdimilik orun alýar. Irki döwürlerden bäri halkymyzyň durmuşyna mäkäm ornaşan Nowruz baýramy goňşy we doganlyk halklaryň arasyndaky dost-doganlyk gatnaşyklaryny giňden dabaralandyryp gelýär. Nowruz baýramy ÝUNESKO-nyň Adamzadyň maddy däl medeni mirasynyň sanawyna girizilen ajaýyp baýramdyr.

Bahar paslynyň gelmegi bilen onuň ilkinji buşlukçysy bolan Nowruz baýramynyň adamzadyň durmuşyndaky ynsanperwer gatnaşyklary ösdürmekdäki orny barha ýokarlanýar. Hoşniýetli ynsanperwer goňşuçylygyň we gadymy däplerimiziň pugta berjaý edilýän zamanynda baýramçylygyň bereketli desterhanlaryň başynda garşy alynmagy kalbyňy buýsanja besleýär. Tebigatyň janlanyp, ýaşyl begrese bürenmegi, älem-jahanyň nurlanyp gözel keşbe girmegi kalbyňy guwanç duýgularyna gaplaýar.

Mähriban halkymyzyň ruhy gymmatlyklaryny özünde jemleýän Halkara Nowruz güni Berkarar döwletiň täze eýýamynyň Galkynyşy döwründe täze many-mazmuna eýe boldy. Bu ýatdagalyjy ajaýyp baýram bagtyýar şu günümize hem-de nurana geljegimize buýsanç duýgularyny artdyrýar.

Bezirgen REJEPOW,
S.A.Nyýazow adyndaky Türkmen oba hojalyk uniwersitetiniň Ekerançylyk önümlerini gaýtdan işlemek kafedrasynyň müdiri.