BITARAPLYK — BAGTYÝARLYK BADALGASY
28-11-24
Halkara bitaraplyk güni her ýyl 12-nji dekabrda bellenip geçilýär, bu baýram 12-nji dekabrda bitaraplyk derejesiniň ýyllygyny belleýän Türkmenistanyň teklibi bilen Birleşen Milletler Guramasy tarapyndan döredildi. Halkara Bitaraplyk güni ýurtlaryň arasyndaky özara bähbitli we dostlukly gatnaşyklara, dünýädäki iri çaknyşyklaryň öňüni almaga we dartgynly ýagdaýlary basmaga çagyryşdyr.
Bitarap ýurduň borçlary we hukuklary 1907-nji ýyldaky Gaaga konwensiýasynda kesgitlenendir. Halkara hukugynda beýleki ýurtlar bilen ýa-da olaryň arasynda uruşlara gatnaşmakdan saklanýan we uruşýan taraplara bitarap garaýan özygtyýarly döwlet bitarap ýurt hökmünde kesgitlenýär. Uruşýanlar hem öz gezeginde bu bitaraplyga hormat goýmalydyrlar.
Türkmenistan ýaly hemişelik Bitaraplyk ýagdaýynda bolan ýurt geljekki uruşlarda hem şeýle galar. 1815-nji ýylda hemişelik bitaraplyk derejesini yglan eden ilkinji ýurt Şweýsariýa boldy we netijede ençeme ýyl bäri müňlerçe bosgun bu ýurtda özlerine gaçybatalga tapdy. Emma Türkmenistan BMG tarapyndan bitarap diýlip ykrar edilen ýeke-täk döwletdir.
Bitaraplyk – türkmen döwletliliginiň müňýyllyklaryň dowamynda kemala gelmeginiň we kämilleşmeginiň taryhy tejribesiniň netijesidir. Türkmenistanyň daşary syýasatynyň esasy hökmünde saýlap alan bitaraplygy halkymyzyň hoşniýetli goňşuçylyk, parahatçylyk söýüjilik we ynsanperwerlik ýaly gadymy ýörelgelerinden gözbaş alýar. Döwlet Baştutanymyz Serdar Berdimuhamedowyň durmuşa geçirýän döredijilikli daşary syýasy strategiýasy milli bähbitler bilen bir hatarda, bütindünýä bileleşiginiň uzak möhletleýin maksatlaryna hem laýyk gelýän giň gerimli hyzmatdaşlyga gönükdirilendir.
Resulbek Paltaýew,
Türkmen döwlet binagärlik-gurluşyk institutynyň Ýol gurluşygy fakultetiniň 1-nji ýyl talyby.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.