BEÝIK SÖZ USSADYNA SARPA
30-10-25
Halkara parahatçylyk we ynanyşmak ýylynyň bosagasynda Arkadagly Gahryman Serdarymyzyň “Magtymguly - dünýäniň akyldary” atly eserini peşgeş bermegi halkymyzyň beýik şahyrymyza, ajaýyp döwrümize bolan buýsanjyny has-da artdyrdy. Hormatly Prezidentimiziň halkymyza sowgat eden täze kitaby giň okyjylar köpçüligi tarapyndan gyzgyn garşylandy. Täze kitabyň başynda beýik söz ussadynyň “Türkmeniň” atly şygrynyň, Gahryman Arkadagymyzyň “Pähim-paýhas ummany Magtymguly Pyragy” atly ajaýyp goşgusynyň ýerleşdirilmegi onuň mazmunyny has-da baýlaşdyrýar.
Berkarar döwletiň täze eýýamynyň Galkynyşy döwründe Magtymguly Pyragynyň döredijilik mirasyny öwrenmekde ýurdumyzda beýik işler durmuşa geçirilýär. Arkadagly Gahryman Serdarymyzyň beýik söz ussadyna hormatynyň aýdyň nyşany bolan bu kitaby Magtymguly Pyragynyň edebi mirasyna bagyşlanan gymmatly gollanmadyr. Magtymguly Pyragy türkmen halkynyň beýik şahyry hem akyldarydyr. Halkymyz özüniň beýik şahyryna hemişe aýratyn sarpa goýupdyr. Onuň ömri we döredijiligi baradaky gürrüňler, rowaýatlar asyrlarboýy dilden-dile geçipdir. Arkadagly Gahryman Serdarymyzyň dana şahyrymyz hakyndaky kämil eseri Magtymguly Pyragynyň döredijiligine çuňňur aralaşmaga ýardam berýär. Kitapda Magtymguly Pyragynyň döredijiligi hakyndaky gymmatly pikirdir garaýyşlar, ylmy maglumatlar çuňňur beýan edilýär.
Arkadagly Gahryman Serdarymyz täze kitabynda halkymyzyň asyrlardan gözbaş alýan medeni mirasyny, ruhy gymmatlyklaryny dikeltmekde, Magtymguly Pyragynyň döredijilik mirasyny öwrenmekde we aýawly saklamakda, wagyz etmekde hem-de geljek nesillere ýetirmekde maksatnamalaýyn işleriň durmuşa geçirilýändigi barada hem giňişleýin beýan edýär. Türkmen halkynyň durmuşynda, dünýä edebiýatynyň altyn hazynasynda akyldar şahyrymyzyň döredijiligine we edebi mirasyna örän möhüm orun degişlidir. Beýik söz ussadynyň eserleri tutuş dünýäde parahatçylygy pugtalandyrmakda, halklaryň arasynda ynanyşmagy berkitmekde aýratyn ähmiýete eýedir. Hormatly Prezidentimiz täze eserinde beýik akyldar şahyrymyzyň ömrüni, edebi mirasyny öwrenmäge goşant goşan zehinli alymlaryň, professorlaryň, edebiýatçylaryň, daşary ýurtly bilermenleriň atlaryny agzap, olaryň bitiren işlerine ýokary baha berýär. Şeýle hem bu kitapda Magtymguly Pyragynyň doglan gününiň 300 ýyllygy bilen bagly kabul edilen resminamalar, gutlaglar we çykyşlar beýan edilýär.
Hormatly Prezidentimiz täze eserinde dünýä akyldarynyň döredijiliginiň we durmuş ýolunyň ylmy esasda öwrenilişi, pähim-paýhasly şygyrlarynyň dünýäde parahatçylygy pugtalandyrmakdaky ähmiýeti barada hem gyzykly söhbet edýär. Arkadagly Gahryman Serdarymyzyň çeper we ylmy-filosofik eseri watandaşlarymyzyň her biri üçin durmuş we döredijilik şamçyragydyr. Akyldaryň öz şygyrlarynda öňe süren garaýyşlary ähli döwürler üçin hem ýol görkeziji taglym bolup, bu eserler ýaş nesilleri watançylyk, belent ahlaklylyk, ýokary ynsanperwerlik ruhunda terbiýelemekde gymmatly hazynadyr.
Hormatly Prezidentimiziň bu ajaýyp eseri akyldara bagyşlanan paýhaslar ummanydyr. Hormatly Prezidentimiziň täze kitaby bilim işgärleri üçin hem gymmaty egsilmeýän paýhas mekdebidir. Ajaýyp zamanamyzda dünýä akyldary hakyndaky bu kitaby sowgat eden Arkadagly Gahryman Serdarymyzyň eserleriniň höwrüniň köp bolmagyny arzuw edýäris. Goý, bizi baky bagtyýarlygyň gujagynda ak ertirlere alyp barýan Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, döwletli işleri rowaçlyklara beslensin!
Selbi AZIZOWA,
Myrat Garryýew adyndaky Türkmenistanyň Döwlet lukmançylyk uniwersitetiniň Lukmançylyk fizikasy we informatikasy kafedrasynyň mugallymy.
Garaşsyzlyk – buýsanjymyz
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
HALKARA BAŞLANGYÇLAR ROWAÇLYGA ÝOL ALÝAR
Mukaddes Garaşsyzlygymyzyň şanly 35 ýyllyk baýramynyň toýlanýan ýylynda ýurdumyza gelip gowşan hoş habar - Birleşen Milletler Guramasynyň Baş Assambleýasynyň 80-nji sessiýasynyň 106-njy plenar mejlisinde Türkmenistanyň başlangyjy bilen “2028-nji ýyl - Halkara hukuk ýyly” atly Kararnamanyň biragyzdan kabul edilmegi Bitarap döwletimiziň umumadamzat bähbitli halkara başlangyçlaryny öňe sürýän döwlet hökmünde dünýäde ykrar edilýändigine şaýatlyk edýär.
«Awtomobil Ulag hyzmaty» AGPJ sürüjileri işe çagyrýar
«Awtomobil Ulag hyzmaty» açyk görnüşli paýdarlar jemgyýeti awtobus we taksi ulaglaryny dolandyrmak üçin tejribeli sürüjileri işe çagyrýar. Ýüz tutýan raýatlaryň degişli iş tejribesiniň, şeýle hem «B» we«D» derejeli sürüjilik şahadatnamalarynyň bolmagy hökmanydyr.
Bilimleriň we bilimlileriň Watany
Ýurdumyzyň baş şäheriniň keşbi düýpgöter özgerip, sazlaşygyň we gözelligiň beýanyna öwrüldi. Şanly wakalardan doly we döredijilikli täze durmuşy başdan geçirýän eziz Diýarymyz döwrebap derejede ösen ylym-bilim merkezidir. Ak mermerli paýtagtymyzda, ýurdumyzyň beýleki şäherleridir etraplarynda öňdebaryjy tehnologiýalar bilen üpjün edilen täze döwrebap mekdepler, çagalar baglary, döredijilik merkezleri gurulýar. Olarda okamak hem-de bilimiňi artdyrmak üçin ähli şertler döredilendir.
Halk Maslahaty: demokratiýa, döwletlilik, jebislik
Berkarar döwletiň täze eýýamynyň Galkynyşy döwründe Türken halkynyň Milli Lidei Gahryman Arkadagymyzyň döwlet gurluşyny kämilleşdirmek, halkyň ýaşaýyş derejesini ýokarlandyrmak, ykdysady kuwwaty artdyrmak boýunça öňe sürýän başlangyçlary häzirki wagtda hormatly Prezidentimiz, Arkadagly Gahryman Serdarymyzyň baştutanlygynda üstünlikli dowam etdirilýär. Milli gymmatlyklara, asylly ýörelgelere uly üns berilýär we olar döwrebap derejede ösdürilýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.