Berkarar döwletimiziň täze eýýamynyň Galkynyşy döwründe hormatly Prezidentimiziň taýsyz aladalary bilen raýatlaryň arasynda sagdyn durmuş ýörelgesini ornaşdyrmakda, kopçülikleýin bedenterbiýäni, sporty ösdurmek, ýurdumyzyň abadançylygyny gowulandyrmak ugrunda uly tagallalar edilýar. Sagdynlygyň hem-de gülläp ösüşleriň, ruhubelentligiň mekany bolan Türkmenistan Watanymyzda ýurdumyz üçin uly baýlyk bolan adamyň jan saglygynyň goragyny ýokary derejä ýetirmek maksady bilen uly işler alnyp barylýar.

Ýurdumyzda saglygy goraýyş ulgamyny yzygiderli kämilleşdirmek we döwrebaplaşdyrmak boýunça kabul edilen maksatnamalar üstünlikli amala aşyrylýar. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow tarapyndan işlenip düzülen «Saglyk» Döwlet maksatnamasyna laýyklykda, gysga döwürde paýtagtymyz Aşgabatda hem-de sebitlerimizde saglygy goraýyş-anyklaýyş merkezleri, köpugurly hassahanalar, şypahanalar, derman serişdelerini öndürýän kärhanalar guruldy. Arkadag şäherinde Gurbanguly Berdimuhamedow adyndaky çagalar sagaldyş-dikeldiş merkezi, Saglygy goraýyş müdirligi we onuň düzüminde köpugurly hassahana, onkologiýa merkezi, Enäniň we çaganyň saglygyny goraýyş merkezi, «Tiz kömek» merkezi, saglyk öýi we saglygy goraýşyň awtoulaglar kärhanasy ulanmaga berildi.

Däp bolşy ýaly, her ýylyň 10-njy oktýabrynda ýurdumyzda giňden bellenilýän Saglygy goraýyş we derman senagaty işgärleriniň gününe gabatlanyp geçirilýän «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergisi we onuň çäklerindäki ylmy maslahaty lukmançylyk ylmynyň soňky gazananlaryny saglygy goraýyş ulgamyna ornaşdyrmaga we daşary ýurtly hyzmatdaşlar bilen gatnaşyklary mundan beýläk-de pugtalandyrmaga ýardam berýän abraýly forumlaryň birine öwrüldi.

Mälim bolşy ýaly, durmuş ugurly “Saglyk” Döwlet maksatnamasy her bir raýatyň saglygynyň umumymilli gymmatlygyň aýrylmaz bölegidigi bilen bagly ýörelgä esaslanýar. Hormatly Prezidentimiz “Il saglygy - ýurt baýlygy” diýen şygardan ugur alyp, sagdyn durmuş ýörelgesini wagyz etmäge aýratyn ähmiýet berýär. Döwlet maksatnamalarynyň durmuşa geçirilmeginiň çäklerinde bina edilýän täze, iň döwrebap saglygy goraýyş desgalarynyň ulanmaga berilmegi esasynda ýurdumyzyň hatda iň alysdaky künjeklerinde-de halkymyz halkara ölçeglere kybap gelýän giň gerimli, ýokary hünär derejeli lukmançylyk hyzmatlaryny alýar. Şunuň bilen birlikde, dermanhanalaryň ulgamyny giňeltmek boýunça işler alnyp barylýar, şolarda isleg bildirilýän derman serişdeleriniň hem-de lukmançylyk maksatly önümleriň giň görnüşleri hödürlenilýär. 

Ýurdumyzyň saglygy goraýyş we derman senagaty işgärleriniň hünär baýramy mynasybetli Gahryman Arkadagymyzyň we Arkadagly Gahryman Serdarymyzyň ak pata bermegi bilen paýtagtymyz Aşgabatda Halkara onkologiýa ylmy-kliniki, Halkara pediatriýa we Stomatologiýa merkezleriniň, şeýle hem meşhur “Arçman” şypahanasynyň täze binalar toplumynyň dabaraly açylyp ulanmaga berilmegi täze taryhy döwürde ynsan saglygyny goramaga aýratyn ähmiýet berilýändigini äşgär etdi. 

Sag­ly­gy go­ra­ýyş we der­man se­na­ga­ty iş­gär­le­ri­niň hü­när baý­ra­my­na ga­bat­la­nyp, et­ra­by­my­zyň gö­zel kün­je­gin­de ýer­leş­ýän «Arç­man» şy­pa­ha­na­sy­nyň goşmaça tä­ze be­je­riş merkeziniň bi­na­lar top­lu­my­nyň da­ba­ra­ly ýag­daý­da ula­n­ma­ga be­ril­me­gi-de bu ugur­da mö­hüm äh­mi­ýe­te eýe­dir. Şy­pa­ha­na­nyň çeş­me su­wu­nyň mel­hem­lik güý­ji di­ňe bir ýur­du­myz­da däl, onuň çä­gin­den da­şar­da hem ir­ki dö­wür­ler­den bä­ri bel­li­dir. Te­bi­gy çeş­mä­niň şy­pa­ly su­wy hi­mi­ki dü­zü­mi bo­ýun­ça kü­kürt­li-hlor­ly, gid­ro­kar­bo­nat­ly, nat­ri­li-kal­si­li-mag­ni­li su­wa de­giş­li bo­lup, hi­mi­ki ele­ment­le­riň 24-si­ni özün­de sak­la­ýar. Bu su­wuň tem­pe­ra­tu­ra­sy ýy­lyň bü­tin do­wa­myn­da 28, 2; 28, 5 derejede saklanýar. Be­je­riş wan­na­la­ryn­da bol­sa ol 34 — 36 gyz­gyn­lyk de­re­je­sin­de ula­nyl­ýar. Wan­na­la­ra ka­bul edi­len­de, su­wuň dü­zü­min­dä­ki kü­kürt­li-wo­do­rod we beý­le­ki mik­roe­le­ment­ler be­den­de bü­tin­leý öz­ge­riş dö­re­dip, do­ku­ma­la­ryň iş­jeň­li­gi­ni ýo­kar­lan­dyr­ýar, gan aý­la­ny­şy­gy­ny ka­da­laş­dyr­ýar. Şy­pa­ha­nanyň be­je­riş iş­le­rin­de bu ýe­riň ja­na mel­hem su­wy giň­den peý­da­la­nyl­ýar. Dün­ýä­niň meş­hur önüm ön­dü­ri­ji­le­ri­niň in­no­wa­sion luk­man­çy­lyk en­jam­la­ry bi­len üp­jün edi­len 400 orun­lyk goşmaça tä­ze be­je­riş bi­na­sy­nyň açyl­ma­gy we ozal­ky he­re­ket ed­ýän bi­na­nyň dur­ku­nyň döw­re­bap­laş­dy­ryl­ma­gy şy­pa­ha­na­da ra­ýat­la­ra edil­ýän hyz­mat­la­ryň hi­li­niň, de­re­je­si­niň ýo­kar­lan­ma­gy­na, müm­kin­çi­lik­le­ri­niň gi­ňe­me­gi­ne iter­gi bol­dy.

Ge­çen ýyl­lar­da Milli Liderimiziň aja­ýyp baş­lan­gyç­la­ry we taý­syz ta­gal­la­la­ry esasynda şy­pa­ha­na­myz­da döw­re­bap luk­man­çy­lyk en­jam­la­ry bi­len en­jam­laş­dy­ry­lan döw­re­bap bi­na­lar gu­rul­dy, ozal­dan he­re­ket ed­ýän bi­na­nyň dur­ky tä­ze­len­di. Şeý­le­lik­de, şy­pa­ha­na­nyň hyz­mat­la­ryn­dan peý­da­lan­ma­ga hö­wes ed­ýän­le­riň sa­ny art­dy. Meş­hur şy­pa­ha­na­my­zyň çä­gin­de şu şan­ly gün­de toý ru­hun­da açy­lan tä­ze bi­na­lar top­lu­my ozal­dan he­re­ket edip gel­ýän bi­na­la­ryň üs­tü­ni ýe­tir­mek bi­len, bu ýe­ri­niň döw­re­bap müm­kin­çi­lik­le­ri­niň ge­ri­mi­niň gi­ňe­me­gi­ne şert dö­ret­di. In­di şy­pa­ha­na­myz­da bir­ba­da 1 müň 300-den gow­rak ada­ma sag­ly­gy­ny di­kelt­mä­ge müm­kin­çi­lik dö­re­di. 

Lukman Arkadagymyzyň çuňňur pähiminden dörän «Türkmeniň döwletlilik ýörelgesi» atly kitabynda: «Sagdyn ýaşamak ýörelgesine yzygiderli eýerýän, saglyk babatda dogry pikirlenip bilýän adam lukmana diňe barlag we gözegçilik üçin ýüz tutýar. Ol näsaglamagyň öňüni almakda lukmana ýardam berýär... Saglyk baradaky alada ömrüň baradaky aladadyr» diýip belleýşi ýaly, geliň, ömrümiz barada alada edip, saglygymyzy goralyň!

Gahryman Arkadagymyzyň dünýäniň köp dillerine terjime edilen düýpli ylmy işi bolan «Türkmenistanyň dermanlyk ösümlikleri» atly köp tomluk ylmy-ensiklopedik kitaby diňe bir ýurdumyzyň farmasewtika ylmyny ösdürmekde däl, eýsem, dünýä boýunça fitoterapiýanyň ösdürilmeginde hem möhüm ädim boldy. Bu ylmy iş Türkmenistanyň ösümlik dünýäsiniň ensiklopediýasydyr. Ata Watanymyz sagdynlygyň, ruhubelentligiň, ösen sportuň ýurdy hökmünde ykrar edilýär. Diýarymyzy sagdynlygyň, ruhubelentligiň we bagtyýarlygyň mekanyna öwürýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, il-ýurt bähbitli işleri hemişe rowaç bolsun!

Mahym HAMMOWA,
Türkmenistanyň Telekommunikasiýalar we informatika institutynyň Önümcilik proseslerini awtomatlaşdyrmak fakultetiniň mugallymy.