Üstünlikleriň binýatlyk özeni
08-04-22
Şu ýylyň 19-njy martynda hormatly Prezidentimiz Serdar Berdimuhamedowyň öz wezipesine girişmek dabarasynda eden taryhy çykyşy giň gerimli özgertmeleriň, tutumly maksatnamalaryň, täze arzuw-umytlaryň we täzeçil ýörelgeleriň ýolunda täze badalga boldy.
Hormatly Prezidentimiz ýakynda sanly ulgam arkaly geçiren Ministrler Kabinetiniň mejlisinde «Ylym we bilim biziň üstünliklerimiziň hem-de öňe gitmegimiziň binýatlyk esasy bolup durýar» diýip bellemek bilen, innowasiýalary, iň täze tehnologiýalary ulanyp, öňdebaryjy tejribä hem-de ylmyň gazananlaryna daýanyp, giň gerimli maksatnamalaryň we meýilnamalaryň durmuşa geçirilýändigine ünsi çekdi.
Häzirki wagtda ýurtda ylmy we innowasiýany goldamak boýunça kadalaşdyryjy binýat döredildi. Ýokary tehnologiýalar ulgamy ýokary depginde ösýär. Tebigy, tehniki we jemgyýetçilik ylymlaryny ösdürmek maksady bilen, Türkmenistanyň iri halkara guramalary, ylym, tehnikalar we innowasiýalar ulgamynda dünýäniň öňdebaryjy merkezleri bilen hyzmatdaşlygy giňeldilýär. Bilermenleriň aýtmaklaryna görä, häzirki wagtda ylmy-barlag işleri we innowasiýalar bäsdeşlige ukyplylygyň we munuň netijesinde, halklaryň ösmeginiň esasy hereketlendiriji güýçleri bolup durýar. Şonuň üçin bu ugurdaky başlangyçlar ýurtlaryň milli strategik meýilnamalary üçin aýratyn ähmiýetlidir.
Hormatly Prezidentimiz Serdar Berdimuhamedowyň milli bilim ulgamyny kämilleşdirmekde öňde goýýan maksatlaryndan ugur alyp, biz — ýaşlar giň gözýetimli, maksada okgunly innowasion tehnologiýalary dolandyrmaga ukyply, ýokary hünärli hünärmenler bolup ýetişeris. Bu ösen jemgyýetiň agzalary hökmünde her birimize bildirilýän beýik ynamdyr. Ýurdumyzda ylmyň ösmegi üçin döredilýän giň mümkinçilikler biz — ýaşlary ylym dünýäsine höweslendirmek bilen beýik maksatlara badalga berýän güýçdür.
«Halkyň Arkadagly zamanasy» ýylynda ata Watanymyz Türkmenistan ösüşleriň netijesinde bedew bady bilen öňe barýar. Garaşsyz, baky Bitarap Diýarymyzda ähli ugurlarda gazanylýan uly üstünlikler geljekki ösüşleriň berk binýadydyr. Bilim ojaklarynyň täze binalarynyň gurulmagy, bar bolanlarynyň durkunyň täzelenmegi, şeýle-de olarda dünýäniň iň kämil tehnologiýalarynyň ornaşdyrylmagy ýaş nesilleriň ylymly, bilimli, giň dünýägaraýyşly bolup ýetişmekleri üçin edilýän tagallalaryň netijeleridir.
Ýurdumyzda ýaş nesilleriň ýagty geljegi ugrundaky aladalary her ädimde duýup ýaşaýarys. Şoňa görä-de, güneşli ülkämizde ylym-bilimi ösdürmäge, ösüp gelýän ýaşlara döwrebap terbiýe bermäge, sanly ulgamy ornaşdyrmaga uly üns berilýär. Hormatly Prezidentimiziň: «Milli bilim ulgamyny kämilleşdirmek, ýokary ylmy mümkinçiligi bolan giň gözýetimli, maksada okgunly, innowasion tehnologiýalary dolandyrmaga ukyply, ýokary hünärli, taýýarlykly ýaşlary terbiýeläp ýetişdirmek boýunça ähli tagallalar ediler» diýip bellemegi biziň öňümizde täze wezipeleri goýdy. Goý, Arkadagly Serdarymyzyň jany sag, ömri uzak bolsun!
Orazdurdy MELÄÝEW,
S.A.Nyýazow adyndaky Türkmen oba hojalyk uniwersitetiniň talyby.
IL SAGLYGY - ÝURT BAÝLYGY
Arkadagly Gahryman Serdarymyzyň çuň parasaty bilen mähriban Watanymyzyň beýik ösüşleri, halkymyzyň bagtyýar durmuşda ýaşamagy babatda bitirilýän beýik işler ähli halkymyzyň guwanjyny goşalandyrýar. Ýurdumyzda halkymyzyň saglygyny goramak maksady bilen lukmançylyk edaralarynyň maddy-tehniki binýadynyň kämilleşdirilmegine, olarda işleýän hünärmenleriň ylym-bilim derejesiniň ýokarlandyrylmagyna aýratyn ähmiýet berilýär.
Bitaraplyk — Parahatlyk
Häzirki wagtda döwletimiz ykdysadyýeti, durmuş ulgamy okgunly ösýän, döredijilik başlangyçlary öňe sürýän ýurt, halkara bileleşigiň işjeň agzasy hökmünde giňden tanalýar. Bu üstünlikleriň gözbaşynda giň ykrarnama we dünýäniň goldawyna eýe bolan oňyn Bitaraplyk syýasatymyz durýar.
MUKADDESLIKLERIMIZE SEŽDE
Garaşsyz, hemişelik Bitarap Türkmenistanyň Konstitusiýasy jemgyýetimiziň hem-de döwletimiziň gurluşynyň esasy ugurlaryny kesgitleýän resminamadyr. Esasy Kanunymyzda müňýyllyklardan gözbaş alýan Watan, halk we döwlet baradaky mukaddes düşünjelerimiz, BMG-niň Baş Assambleýasy tarapyndan üç gezek ykrar edilen hemişelik Bitaraplyk hukuk derejämiz bitewüleşdirilýär, berkararlygymyzyň ygtybarly binýady öz beýanyny tapýar.
«Ak şäherim Aşgabat» atly köpugurly halkara sergi we maslahat geçirildi
24-nji maýda paýtagtymyzda Aşgabat şäher häkimliginiň we Türkmenistanyň Söwda-senagat edarasynyň bilelikde guramagynda “Ak şäherim Aşgabat” atly XXIV köpugurly halkara sergi we maslahat öz işine başlady.
Diýarymyzda Türkmen halysynyň baýramy bellenildi
25-nji maýda paýtagtymyzda her ýylyň maý aýynyň soňky ýekşenbesinde giňden bellenilýän Türkmen halysynyň baýramy mynasybetli haly we haly önümleriniň sergisi hem-de Türkmen halyşynaslarynyň bütindünýä jemgyýetiniň XXV mejlisi geçirildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.