Sport – sagdynlyk, ruhubelentlik
15-09-24
Berkarar döwletiň täze eýýamynyň Galkynyşy döwründe adamlaryň bedenterbiýe we sport bilen yzygiderli meşgullanmagy üçin ähli zerur şertler döredilendir. Çünki Türkmenistanda köpçülikleýin bedenterbiýe-sagaldyş hereketiniň we sportuň ösdürilmegi milletiň saglygynyň berkidilmegine, berk bedenli we belent ruhly hem-de hyjuwly ýaşlaryň kemala gelmegine gönükdirilen syýasatymyzyň baş ugrudyr.
Ynsan saglygyny gorap saklamagy ýurdumyzyň baş ýörelgesine öwren hormatly Prezidentimiz saglyk ulgamy bilen bir hatarda bedenterbiýäni we sporty, syýahatçylyk pudagynyň işini has-da döwrebaplaşdyrmak ugrunda giň gerimli işlere badalga berdi. Ata Watanymyzyň dürli künjeklerinde döwrebap enjamlar bilen enjamlaşdyrylan sport toplumlarynyň, täze sport mekdepleriniň, ýörite sport mekdep internatlarynyň, sport toplumlarynyň, syýahatçylyk we şypahana binalar toplumynyň ulanylmaga berilmegi Arkadagly Serdarymyzyň halkymyzyň ýaşaýyş-durmuş derejesini has-da gowulandyrmak, raýatlarymyzyň saglygyny gorap saklamak ugrunda durmuşa ornaşdyrýan işleriniň kändigine şaýatlyk edýär.
Türkmenistanda bedenterbiýäni we sporty goldamagyň hem-de ösdürmegiň milli maksatnamalary hem ýurdumyzyň ilatynyň saglygyny berkitmek, bedenterbiýäni we sporty goldamak hem-de ösdürmek, türkmen sportuny dünýä çykarmaga gönükdirilen wezipeler toplumlaýyn esasda alnyp barylýar.
Ýurdumyz Halkara Olimpiýa komitetiniň, Aziýanyň Olimpiýa geňeşiniň agzasy bolmak bilen sporty köpçülikleýin ösdürmäge hem öz mynasyp goşandyny goşýar. Ýurdumyzda halkara ýaryşlarynyň guralmagy Türkmenistan döwletimiziň dünýäniň sport ulgamynda kämilleşmegine, bütin dünýäde türkmen sportuny äşgär etmäge, türgenleriň ussatlyklaryny ýokarlandyrmaga, esasan hem, ösüp gelýän ýaşlarda sporta bolan gyzyklanmany ösdürmäge, sportuň dürli görnüşlerini wagyz etmäge uly ýardam berýär.
Saglyk ajaýyp tebigatyň adamzada eçilen bahasyz baýlygydyr. Sagdynlygyň, sagdyn durmuşyň rowaçlanmagy bolsa döwletiň her bir raýatynyň bagtyýar durmuşyna oňaýly täsir edýär. Ösüp gelýän ýaş nesilleriň diňe bir bilimini ösdürmek bilen çäklenmän, olaryň berk bedenli, sagdyn dünýägaraýyşly bolmagy ugrunda döwletimizde bimöçber işleriň durmuşa geçirilmegi hem diýseň guwandyryjy ýagdaýdyr. Güneşli aprel aýynyň dowamynda halkymyz asylly däbe öwrülen sport baýramyny ýaýbaňlandyrýar. Onuň netijesinde Türkmenistan sagdynlygyň we ruhubelentligiň ýurdy hasaplanylýar.
Türkmen döwletini bagtyýarlyga alyp barýan Arkadagly Serdarymyzyň baştutanlygynda sport bilen meşgullanmak üçin ähli şertler döredilýär. Bu bolsa her bir türkmen raýatynyň, geljekki ýaş nesliň beden taýdan sagdyn bolmagyna alyp barýar. Watanymyzy iri sport ýurduna öwrüp, dünýä derejesinde dabaralanmagy üçin uly aladalar edýän hormatly Prezidentimiziň hoşallyklarymyzyň çägi ýok.
«Pähim-paýhas ummany Magtymguly Pyragy» ýylynda amala aşyrylýan işleriň ählisi bolsa, Gahryman Arkadagymyzyň we Arkadagly Serdarymyzyň halkymyzyň ýaşaýyş-durmuş şertlerini has-da gowulandyrmak baradaky taýsyz tagallalarynyň netijesidir. Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Täzegül BOZAGANOWA,
Döwletmämmet Azady adyndaky Türkmen milli dünýä dilleri institutynyň talyby.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.