Garaşsyzlyk — Watanymyzyň baş baýramy
25-09-25
Ata Watanymyzyň, mähriban halkymyzyň ykbalynda möhüm ähmiýeti bolan, uly dabaralar bilen toýlanýan mukaddes Garaşsyzlygymyzyň 34 ýyllyk şanly baýramy ýetip geldi. Bu baýramçylyk mähriban halkymyzyň erkinliginiň hem-de abadançylygynyň baýramydyr. Garaşsyzlyk türkmeniň bagtynyň hem ruhunyň belentliklerden-belentliklere göterilmegidir, abraý-mertebesiniň dabaralanmasydyr.
Garaşsyzlyk ýyllarynda Gahryman Arkadagymyzyň, Arkadagly Gahryman Serdarymyzyň saýasynda berkarar döwletimiziň at-owazasy täze bir öwüşginde jahana ýaýyldy. Merdana ata-babalarymyzyň ýüreklerinde ýaşadan arzuw-umytlary, erk-islegleri öz wysalyny tapyp, halkymyzyň asudalyga uzaýan ak ýollaryna öçmejek ýalkym saçdy. Garaşsyzlyk bize özbaşdak döwlet bolup, milli we ruhy gymmatlyklarymyzy, şeýle hem dostlukly ynsanperwer däplerimizi ösdürmäge giň mümkinçilik berdi. Garaşsyzlygyň şöhratly ýollarynda amala aşyrylan beýik işleriň her biri asyrlara barabar taryhy wakadyr.
Garaşsyzlygymyzy almak bilen, eziz ýurdumyz abraýly halkara guramalaryň ençemesiniň doly hukukly agzasy hökmünde öz syýasy garaýşyny beýan etmäge mümkinçilik gazandy. Bu mümkinçilik, bu gün ýokary derejelerde dünýä ýaýylýar. Döwletimiz ählumumy parahatçylygy we howpsuzlygy pugtalandyrmaga, Durnukly ösüş maksatlaryny, derwaýys sebit meseleleri boýunça öňe sürýän ýörelgelerini netijeli durmuşa geçirmäge gönükdirilen başlangyçlary bilen dünýä jemgyýetçiliginde giň goldawa eýe bolýar.
Ýurdumyz Garaşsyzlygynyň ilkinji ýyllaryndan başlap özbaşdak we erkin syýasaty durmuşa geçirmek, dünýäniň dürli ugurlar boýunça ösüşine mynasyp goşant goşmak bilen, häzirki wagtda ählumumy parahatçylygyň we ylalaşygyň hatyrasyna tagallalary birleşdirýän döwlet hökmünde tutuş dünýäde öz abraýyny pugtalandyrýar. Bu günki gün ýurdumyz sebitiň ylalaşdyryjy merkezi hasaplanýar, Ýer ýüzünde parahatçylygyň nuruny ýaýýan döwlet hökmünde uly abraýdan peýdalanýar. Hormatly Prezidentimiz: «Garaşsyzlyk ýyllary içinde syýasy, ykdysady, medeni hem-de durmuş ugurlary boýunça ägirt uly ösüşler gazanylyp, Türkmenistan kuwwatly ykdysadyýeti, kämil durmuş ulgamy bolan, çalt depginler bilen ösýän, dünýä bileleşiginde uly abraýa eýe bolan döwlete öwrüldi» diýip, örän jaýdar belleýär.
Arkadagly Gahryman Serdarymyzyň döwlet syýasatynyň islendik ugruna nazar salsak-da, halkymyz üçin bähbitli maksada, ýagny il-ýurt abadançylygyny pugtalandyrmaga, jemgyýet jebisligini üpjün etmäge gönükdirilen netijeler ör-boýuna galýar. Hut şol özüşler bilen bu günki gün berkarar Watanymyzda mukaddes Garaşsyzlygymyz ýurt abadançylygyny üpjün etdi. Agzybir halkymyz Halkara parahatçylyk we ynanyşmak ýylynda Garaşsyzlyk baýramynyň şanly 34 ýyllyk toýuny ruhubelentlik bilen garşylaýar. Bu senäniň hormatyna guralýan dabaralar halkymyzyň asylly däp-dessurlary, asyrlaryň dowamynda döreden ruhy we milli gymmatlyklary bilen sazlaşykly utgaşýar.
Toýlary toýlara ulaşýan asuda we parahat Watanymyzda ýaşamaga, okamaga, merdana halkymyzyň abadançylygyny we mähriban Diýarymyzyň asudalygyny döredijilikli gulluk bilen gorap saklamakda döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza tüýs ýürekden çykýan alkyşlarymyzy aýdýarys!
Goý, Milli Liderimiziň we Arkadagly Gahryman Prezidentimiziň janlary sag, ömürleri uzak, belent başlary aman bolsun!
Jahan LAMANOWA,
Myrat Garryýew adyndaky Türkmen Döwlet lukmançylyk uniwersitetiniň Patologik anatomiýa kafedrasynyň mugallymy, lukmançylyk ylymlarynyň kandidaty.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.