Ýur­du­my­zyň özyg­ty­ýar­ly ösü­şi­niň 34 ýy­ly­nyň do­wa­myn­da ýur­du­myz­da äh­li ugur­lar bo­ýun­ça uly üs­tün­lik­ler ga­za­nyl­dy, be­lent sep­git­le­re ýe­til­di. Ga­raş­syz­lyk ýyl­la­ryn­da ýur­du­myz­da köp san­ly oba­dyr şä­her­çe­ler dö­re­dil­di, önüm­çi­lik we me­de­ni-dur­muş mak­sat­ly bi­na­lar­dyr des­ga­la­ryň en­çe­me­si işe gi­ri­zil­di, äh­li amat­lyk­lar bi­len üp­jün edi­len ýa­şa­ýyş jaý­la­ry gu­rul­dy. Wa­ta­ny­my­zyň äh­li se­bit­le­rin­de hä­zir­ki döw­rüň iň kä­mil en­jam­la­ry or­naş­dy­ry­lan mek­dep­ler, ça­ga­lar bag­la­ry, has­sa­ha­na­lar, dynç alyş we sa­gal­dyş mer­kez­le­ri gur­lup ulan­ma­ga be­ril­di. Ga­raş­syz­ly­gyň hal­ky­my­za eçi­len bag­ty­na gu­wan­mak, ber­ka­rar Wa­ta­ny­my­zyň saz­la­şyk­ly ösüş­le­ri­ne gö­nük­di­ri­len asyl­ly iş­le­re my­na­syp go­şant goş­mak ug­run­da ir­gin­siz zäh­met çek­mek her bi­ri­mi­ziň be­lent bor­ju­myz­dyr.

«Türk­men hal­ky­nyň Ga­raş­syz­lyk we döw­let­li­lik, wa­tan­sö­ýü­ji­lik, yn­san­per­wer­lik dü­şün­je­le­ri göz­ba­şy­ny müň­ýyl­lyk­lar­dan alyp gaýd­ýar. Bu dü­şün­je­ler bi­ziň gün­le­ri­miz­de halk­la­ryň ýa­kyn­laş­ma­gy­na, dost­luk­ly gat­na­şyk­la­ry ýo­la goý­ma­ga ýar­dam ed­ýän mil­li we umu­ma­dam­zat äh­mi­ýet­li tag­ly­mat­la­ra öw­rül­di. Mil­li bi­te­wü­li­gi eme­le ge­ti­rip, döw­let Ga­raş­syz­ly­gy­nyň esas­la­ry­ny düz­di». Gah­ry­man Ar­ka­da­gy­my­zyň bu söz­le­rin­de döw­let ber­ka­rar­ly­gy­my­zyň, mil­li bi­te­wü­li­gi­mi­ziň we pa­ra­hat­çy­lyk sö­ýü­ji­lik­li ýö­rel­ge­le­ri­mi­ziň öza­ra bag­la­ny­şy­gy, düýp maz­mu­ny aý­dyň hem-de düş­nük­li gör­nüş­de açy­lyp gör­ke­zil­ýär. Türk­men hal­ky­nyň be­ýik şa­hy­ry, dün­ýä­niň akyl­da­ry Mag­tym­gu­ly Py­ra­gy­nyň «Bir sup­ra­da eda bol­sun aşy­myz» di­ýen şy­gyr se­ti­rin­de be­ýan edi­len şol je­bis­li­giň, ber­ka­rar­ly­gyň, ag­zy­bir­li­giň we özyg­ty­ýar­ly­ly­gyň bin­ýa­dy Ga­raş­syz­lyk ýyl­la­ry için­de has-da ber­ki­dil­di.

Ine, akyl­dar, da­na şa­hy­ry­myz Mag­tym­gu­ly Py­ra­gy­nyň ar­zuw­lan za­ma­na­syn­da ýe­ne-de baý­ram­la­ryň naý­ba­şy­sy — Ga­raş­syz­lyk baý­ra­my ýe­tip gelýär. Bi­ziň iň gym­mat­ly baý­ly­gy­myz bo­lan ýurt Ga­raş­syz­ly­gy­myz mil­le­ti­mi­zi özerk­li ýa­şaý­şa, döw­let­li döw­ran­la­ra ýe­tir­di. Be­lent umyt-ar­zuw­ly, aý­dyň mak­sat­ly za­ma­na­nyň al­tyn ga­py­la­ry­ny aç­dy. Bi­zi be­ýik Py­ra­gy­nyň türk­men döw­let­li­li­gi ba­ra­da eden uly ar­zuw­la­ry­nyň wy­sa­ly­na eýe et­di.

Mu­kad­des Ga­raş­syz­ly­gy­my­zyň şan­ly 34 ýyl­lyk baý­ra­my­na uly taý­ýar­lyk gö­rül­ýän gün­ler­de paý­tag­ty­myz­da, şeý­le-de ýur­du­my­zyň we­la­ýat­la­ryn­da döw­re­bap bi­na­la­ryň, oba­dyr şä­her­çe­le­riň açy­lyp ulan­ma­ga be­ril­me­gi baý­ram­çy­lyk şat­ly­gy­my­zy go­şa­lan­dyr­dy. Şo­la­ryň ha­ta­ryn­da paý­tag­ty­my­zyň de­mir­ga­zy­gyn­da­ky se­na­gat top­lu­my­nyň çä­gin­de ýer­leş­ýän çüý­şe önüm­le­ri­ni ön­dür­ýän önüm­ha­na­nyň, mer­mer şä­her Aş­ga­ba­dyň gu­ja­gyn­da döw­re­bap­laş­dy­ry­lan «Türk­me­nis­ta­nyň Ga­raş­syz­ly­gy­nyň XV ýyl­ly­gy» se­ýil­gä­hi­niň, Döw­let ser­het gul­lu­gy­nyň Sa­rahs ser­het bi­rik­me­si­niň tä­ze bi­na­lar top­lu­my­nyň, Kö­ne­ür­genç et­ra­by­nyň Tä­ze ýol ge­ňeş­li­gin­de tä­ze şä­her­çä­niň hem-de aw­to­mo­bil köp­rü­le­ri­niň, Ak bug­daý et­ra­by­nyň Öňal­dy ge­ňeş­li­gin­de Döw­let­li me­kan oba­sy­nyň, Ka­ka et­ra­by­nyň Gow­şut ge­ňeş­li­gin­de Bagt­ly za­ma­na oba­sy­nyň açyl­ma­gy ata Wa­ta­ny­myz­da hal­kyň hal-ýag­da­ýy­ny go­wu­lan­dyr­mak ug­run­da edil­ýän ta­gal­la­laryň anyk hem buý­san­dy­ry­jy ne­ti­je­le­ri­dir.

Türk­me­nis­ta­nyň Ga­raş­syz­lyk gü­ni — Ga­raş­syz­lyk baý­ra­my hök­mün­de ta­ry­hy­my­za al­tyn harp­lar bi­len ýa­zy­lan be­lent se­ne. Ba­ry-ýo­gy 34 ýy­lyň için­de ýur­du­myz äh­li ugur­lar bo­ýun­ça asyr­la­ra ba­ra­bar ta­ry­hy ösüş­le­ri ga­zan­dy, Watanymyzyň at-abraýy, şan-şöhraty älem-ja­ha­na ýaý­ra­dy. Mag­tym­gu­ly Py­ra­gy­nyň «Hor gal­ma­syn puşt­dan puş­tum, ber­ka­rar döw­let is­tä­rin» di­ýen ar­zu­wy Gah­ry­man Ar­kadagy­myzyň we hormatly Prezidentimiziň taýsyz tagallalary netijesinde ama­la aşyp, pe­der­le­riň ar­zuw­lan Ga­raş­syz Türk­me­nis­ta­ny dün­ýä ýaň sal­dy.

Şu gün­ler­de ildeşlerimiziň ýü­rek­le­ri buý­sanç­dan do­lup, mu­kad­des Ga­raş­syz­ly­gy­my­zyň 34 ýyl­lyk şan­ly baý­ra­my­na tä­ze zäh­met sow­gat­la­ry bi­len bar­ýar. Ga­raş­syz­lyk hem-de he­mi­şe­lik Bi­ta­rap­lyk ýyl­la­ryn­da ýur­du­myz­da dün­ýä do­lýan be­ýik iş­ler dur­mu­şa ge­çi­ri­lip, mäh­ri­ban Di­ýa­ry­myz ta­nal­maz de­re­je­de öz­ger­di. Biz hem şeý­le be­lent mak­sat­ly iş­le­ri amal et­mek­de gi­je­le­ri­ni gün­diz edip zäh­met çek­ýän Gah­ry­man Ar­ka­da­gy­my­zyň, pe­der ýo­lu­ny my­na­syp do­wam edip, hal­ky­ny ak ýol­dan öňe alyp bar­ýan Ar­ka­dag­ly Gah­ry­man Ser­da­ry­my­zyň he­mi­şe jan­la­ry­nyň sag, baş­la­ry­nyň be­lent bol­ma­gy­ny ar­zuw ed­ýä­ris!

Ýelena ZAWODÇIKOWA,
Myrat Garryýew adyndaky Türkmenistanyň Döwlet lukmançylyk uniwersitetiniň Lukmançylyk fizikasy we informatikasy kafedrasynyň uly mugallymy.