Milli we döwlet ähmiýetli, il-ýurt bähbitli wajyp wezipeleri, möhüm meseleleri halka sala salyp, köpçülik bilen geňeşip çözmek, ara alyp maslahatlaşmak, ýaşululara sarpa goýmak halkymyzyň owaldan gelýän asylly, döwletli ýol-ýörelgeleridir. Mukaddes Garaşsyzlygymyzyň öňüsyrasynda paýtagtymyzdaky Maslahat köşgünde geçirilen Türkmenistanyň Halk Maslahatynyň nobatdaky mejlisi hem munuň aýdyň güwäsi boldy.

Mälim bolşy ýaly, bu maslahatlar türkmen halkynyň ynsanperwer we ahlak ýörelgelerini kemala getirýär. Her bir şahsyýetiň öz halkynyň ykbalyna bolan jogapkärçiligini, jemgyýetçilik aňyny we syýasy düşünjeliligini terbiýeleýär. Häzirki döwürde şahsyýetiň watansöýüjiligi we raýatlyk duýgusy, tutanýerliligi, ululara sylag-hormaty, mertebeliligi, halkyň aladasy bilen ýaşamagy, zähmet çekmegi – bularyň hemmesi şu günki jemgyýetimiziň oňyn özgerişleriniň hereketlendiriji güýji bolup hyzmat edýär.

Türkmen halkynyň Milli Lideri Gahryman Arkadagymyz, ilkinji nobatda, halkyň bähbitlerine wekilçilik edýän edara hökmünde Türkmenistanyň Halk Maslahatynyň işiniň yzygiderli kämilleşdirilmelidigini belleýär we bu ugurda nusgalyk tagallalary durmuşa geçirýär. Gahryman Arkadagymyzyň belleýşi ýaly, Türkmenistanyň Halk Maslahatynyň işi ata-babalarymyzyň hem eýeren, halkymyzyň döwletliliginiň esaslaryny düzýän, milliligimize mahsus kadalara esaslanýar. Şol kadalar demokratiýadan, aýanlykdan, adalatlylykdan, kanunyň hökmürowanlygyndan, halkara hukugyň umumy ykrar edilen kadalaryny ileri tutmakdan, adamyň we raýatyň kanunyň öňündäki deňliginden, adamyň hukuklaryna hem-de azatlyklaryna hormat goýmakdan, çözgütleri erkin ara alyp maslahatlaşmakdan we kabul etmekden, jemgyýetçilik pikirini nazara almakdan ybaratdyr.

Bu ta­ry­hy mej­li­se Türk­me­nis­ta­nyň Halk Mas­la­ha­ty­nyň dü­zü­mi­ne gir­ýän döw­let hem hä­ki­mi­ýet eda­ra­la­ry­nyň ýol­baş­çy­la­ry, Mej­li­siň de­pu­tat­la­ry, mi­nistr­lik­le­riň we pu­dak­la­ýyn do­lan­dy­ryş eda­ra­la­ry­nyň, sy­ýa­sy par­ti­ýa­la­ryň, jem­gy­ýet­çi­lik gu­ra­ma­la­ry­nyň ýol­baş­çy­la­ry, we­la­ýat­la­ryň, et­rap­la­ryň we şä­her­le­riň hä­kim­le­ri, we­la­ýat, et­rap we şä­her halk mas­la­hat­la­ry­nyň ag­za­la­ry, hor­mat­ly ýa­şu­lu­lar, ýur­du­my­zyň äh­li se­bit­le­ri­ne we­kil­çi­lik ed­ýän jem­gy­ýet­çi­lik we­kil­le­ri, beý­le­ki ça­gy­ry­lan adam­lar gatnaş­dy­lar.

Wa­ta­ny­my­zyň mu­kad­des Ga­raş­syz­ly­gy­nyň 34 ýyl­ly­gy­nyň öňü­sy­ra­syn­da türk­men hal­ky­nyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň baş­lyk­lyk et­me­gin­de ge­çi­ri­len Türk­me­nis­ta­nyň Halk Maslahaty­nyň mej­li­sin­de ýur­du­my­zy mun­dan beý­läk-de ok­gun­ly ös­dür­mä­ge, hal­ky­my­zyň aba­dan we bag­ty­ýar dur­mu­şy­ny üp­jün et­mä­ge gö­nük­di­ri­len düýp­li öz­gert­me­le­ri ama­la aşyr­ma­gyň ile­ri tu­tul­ýan we­zi­pe­le­ri­ne ga­ral­dy. Mej­lis­de Gahryman Arkadagymyzyň mak­sat­na­ma­la­ýyn çy­ky­şy­nyň äh­li hal­ky­myz ta­ra­pyn­dan ru­hu­be­lent­lik bi­len gar­şy­lan­ma­gy ag­zy­bir­li­giň uly güýç­dü­gi­ne yna­nyp, gur­ýan, dö­red­ýän, ha­lal zäh­met çe­kip, reh­ne­di­ni gör­ýän hal­ky­my­zyň ýü­rek joş­gu­ny­ny ala­mat­lan­dyr­dy.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Türk­me­nis­ta­nyň Halk Mas­la­ha­tyn­da kes­git­le­nen we­zi­pe­ler üs­tün­lik­li ýe­ri­ne ýe­ti­ril­mek bi­len, mej­lis­de ga­ral­ýan me­se­le­le­riň döw­let de­re­je­sin­de äh­mi­ýe­ti­niň ýo­ka­ry­dy­gy­ny gör­kez­ýär. Halk ho­ja­ly­gy­nyň dür­li ugur­la­ryn­da ýe­ti­len be­ýik sep­git­ler di­ňe bir döw­let de­re­je­sin­de ga­za­nan üs­tün­li­gi­miz bol­man, eý­sem, pa­ra­hat­çy­lyk sö­ýü­ji­lik, hoş­ni­ýet­li­lik, yn­san­per­wer­lik ýö­rel­ge­le­ri­ne eýer­ýän hem-de döw­let­ler­dir hal­ka­ra gu­ra­ma­lar bi­len öza­ra bäh­bit­li hyz­mat­daş­ly­gy ile­ri tut­ýan ýurt hök­mün­de ata Wa­ta­ny­my­zyň dün­ýä­dä­ki ab­ra­ýy­ny has-da ýo­kar­lan­dyr­ýar.

Halkymyzyň gadymdan bäri, ilki bilen, öňe sürýän durmuş ýörelgeleri agzybirlikdir we maslahatly işlerdir. Agzybirlik we jebislik jemgyýetimiziň gymmatlyklary, döwlet berkararlygymyzyň synmaz sütünleri bolup, ýurdumyzda uly ösüşleriň gazanylmagynda, halkymyzyň bähbitlerine, röwşen geljegine gönükdirilen ägirt uly özgertmeleriň durmuşa geçirilmeginde möhüm ähmiýete eýedir.

Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!

Aýna KULIÝEWA-HUDAÝKULIÝEWA,
Seýitnazar Seýdi adyndaky TDMI-niň Pedagogika fakultetiniň 4-nji ýyl talyby.