Mukaddes Garaşsyzlygymyz halkymyzyň bagtyýarlygynyň gözbaşydyr. Her ýyl tylla güýzüň ilkinji aýynda berkarar döwletimiziň Garaşsyzlyk gününi dabaraly toý-baýram edip belläp geçýäris. Mukaddes Garaşsyzlygymyzyň 34 ýyllyk şanly toýy il agzybirliginde, ýurt parahatçylygynda giňden baýram edildi. Şanly toýuň şatlyk-şowhuny has uzaklara aşdy. Ak mermerli paýtagtymyzyň gözel künjeginde ýerleşýän Döwlet münberi toplumynda bolan baýramçylyk ýörişi gülläp ösüş ýoly bilen ynamly öňe barýan Watanymyzyň Garaşsyzlygynyň 34 ýyllygy mynasybetli dabaralara baý öwüşgin çaýdy.

Ösüş­le­riň aý­dyň ýo­ly bi­len ynam­ly öňe bar­ýan eziz Di­ýa­ry­myz­da her bir toý-baý­ram, şan­ly se­ne­ler uly da­ba­ra, şat­lyk-şow­hun bi­len bel­le­nil­ýär. Hor­mat­ly Pre­zi­den­ti­mi­ziň taý­syz ta­gal­la­la­ry bi­len ýur­du­my­zy ösen döw­let­le­riň ha­ta­ry­na goş­ma­ga, mu­kad­des Ga­raş­syz­ly­gy­my­zy ber­kit­mä­ge, Di­ýa­ry­my­zyň dur­muş-yk­dy­sa­dy ösüş­le­ri­niň dep­gin­le­ri­ni çalt­lan­dyr­ma­ga gö­nük­di­ri­len içe­ri we da­şa­ry sy­ýa­sa­ty­myz ne­ti­je­sin­de be­lent sep­git­le­re ýe­til­ýär, ýo­ka­ry ne­ti­je­ler ga­za­nyl­ýar. Ga­raş­syz, ba­ky Bi­ta­rap Türk­me­nis­tan döw­le­ti­mi­ziň we mäh­ri­ban hal­ky­my­zyň ga­zan­ýan üs­tün­lik­le­ri­niň her bi­ri bi­zi buý­san­dyr­ýar, gö­wün gu­şu­my­zy ga­nat­lan­dyr­ýar. Mu­nuň özi hal­ky­my­zyň eş­ret­li, bag­ty­ýar dur­muş­da ýa­şa­ma­gy ug­run­da anyk, ne­ti­je­li we be­ýik iş­le­riň ama­la aşy­ryl­ýan­dy­gy­nyň su­but­na­ma­sy­dyr.

Berkarar döwletiň täze eýýamynyň Galkynyşy döwründe hormatly Prezidentimiziň türkmen halkynyň bagtyýar, bolelin ýaşaýşyny üpjün etmek ugrunda amala aşyrýan beýik işleri halkymyzyň ruhubelentligini gazanmakda möhüm ähmiýete eýedir. Arkadagly Gahryman Serdarymyzyň alyp barýan ynsanperwer, parahatsöýüjilikli syýasaty Watanymyzyň halkara abraýyny barha artdyrýar. Döwletimiziň berkararlygy, eşretlere eýlenen zamanamyz, ygtybarly ertirlerimize berk ynamymyz türkmen milletiniň döwletli-döwranyny, döwletimiziň binýadynyň mizemezligini nazarlaýan taglymatlaryň jemidir.

Häzirki wagtda döwrüň talaplaryndan ugur alnyp, dünýäde ylym-bilimde täze gazanylanlar durmuşa ornaşdyrylyp, ýurdumyzyň ykdysadyýetiniň ösüşini çaltlandyrmak we özgerişleriň täze basgançaklaryna ýetmek ugrunda giň möçberli işler durmuşa geçirilýär. Şol beýik işler jemgyýetimizi ösdürmegiň hereketlendiriji güýjüniň özenidir. Kämil maksatlar halkymyzyň watançylyk duýgusynyň ýokarlanmagyna, her bir adamyň ýurdumyzda durmuşa geçirilýän işlere dahylly bolmak, olara öz goşandyny goşmak höwesiniň artmagyna getirýär. Garaşsyz, hemişelik Bitarap Türkmenistan döwletimize bolan uly söýgi ildeşlerimiziň kalbyny buýsanç, guwanç duýgularyna besleýär.

Mukaddes Garaşsyzlygymyz merdana türkmen halkynyň asyrlarboýy ýüreginde beslän arzuw-umytlarydyr. Bu günki gün Türkmenistan ykdysady we senagat taýdan ýokary ösüşlere eýe bolýan döwlet hökmünde dünýäde giňden tanalýar. Arkadagly Gahryman Serdarymyzyň parasatly baştutanlygynda Garaşsyz türkmen döwletiniň abraýy, milli medeniýeti we sungaty dünýäniň çar künjünde dabaralanýar. 

Berkarar ýurdumyzyň döredijilik kuwwaty, beýik ösüşleri, halk hojalygynyň pudaklarynda ýetilen sepgitler, halkymyzyň bagtyýar we eşretli durmuşy baýramçylyk ýörişinde öz beýanyny tapdy. Bu dabaralar ulus-ilimiziň agzybirligini we jebisligini äşgär etdi. Bilim işgäri hökmünde ýurt Garaşsyzlygy ýyllary içinde bilim ulgamynyň düýpgöter özgerip, kämilleşdirilendigini uly buýsanç bilen belläsim gelýär. Häzirki döwürde bilim işgärleri özleri üçin döredilen giň amatlyklardan peýdalanyp, döredijilikli zähmet çekýärler, döwrümize mynasyp, Watana wepaly, kämil bilimli, hünärli, ilhalar nesilleri kemala getirmekde yhlasyny gaýgyrmaýarlar.

Ata Wa­ta­ny­my­zyň äh­li pu­dak­la­ry bi­len bi­le­lik­de, bi­lim ul­ga­my hem Hal­ka­ra pa­ra­hat­çy­lyk we yna­nyş­mak ýy­lyn­da Ga­raş­syz­lyk baý­ra­my­ny aja­ýyp zäh­met üs­tün­lik­le­ri bi­len gar­şy­la­dy. Bi­lim ul­ga­my­nyň saz­la­şyk­ly ösü­şi­ni ga­zan­ma­ga, ýaş­la­ry­my­zyň ylym-bi­lim al­ma­gy üçin ze­rur şert­le­ri dö­ret­mä­ge gö­nük­di­ri­len be­ýik iş­ler dur­mu­şa ge­çi­ril­ýär. Hä­zir­ki dö­wür­de ýur­du­myz­da bi­lim ul­ga­myn­da ýe­ti­len sep­git­ler, ga­za­ny­lan üs­tün­lik­ler has-da ýo­kar­la­nyp, uly ro­waç­lyk­la­ra bes­len­ýär. Halk ara­syn­da kämillik hakynda ajaýyp dü­şün­je bar. Mu­nuň özi her bir adam­da asyl­ly mak­sat­la­ryň bol­ma­gy­ny, her bir şah­sy­ýe­tiň kä­mil­li­giň be­lent­lik­le­ri­ne, üs­tün­lik­le­re ýet­me­gi­ni, tä­ze bi­lim­le­ri yzy­gi­der­li öz­leş­dir­me­gi­ni şert­len­dir­ýär. Kä­mil bol­mak üçin yzy­gi­der­li oka­mak, tej­ri­be alyş­mak, öza­ra mas­la­hat­laş­mak, işi­ňe dö­re­di­ji­lik­li çe­me­leş­mek ze­rur­dyr.

Hor­mat­ly Pre­zi­den­ti­miz: «Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döw­let­dir!» di­ýip, il­kin­ji no­bat­da, hal­ky­my­za, onuň ag­zy­bir­li­gi­ne we je­bis­li­gi­ne ynam bildirýär. Bu gün­ki gün ýur­du­myz pa­ra­hat­çy­ly­gyň me­ka­ny hök­mün­de dün­ýä­de giň­den ta­nal­ýar. Wa­ta­ny­my­zyň ös­me­gi, hal­ky­my­zyň bo­le­lin dur­muş­da ýa­şa­ma­gy ug­run­da be­ýik iş­le­ri dur­mu­şa ge­çir­ýän Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň jan­la­ry sag, ömür­le­ri uzak bol­sun, il-ýurt bäh­bit­li, döw­let äh­mi­ýet­li be­ýik iş­le­ri ro­waç­lyk­la­ra bes­len­sin!

Maral ANNADURDYÝEWA, 
Myrat Garryýew adyndaky Türkmenistanyň Döwlet lukmançylyk uniwersitetiniň Nerw keselleri we neýrohirurgiýa kafedrasynyň assistenti.