Türk­men hal­ky­nyň Milli Lideri, Gahryman Arkadagymyzyň we Arkadagly Gahryman Serdarymyzyň taý­syz ta­gal­la­la­ry bi­len, Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de köp­çü­lik­le­ýin be­den­ter­bi­ýe-sa­gal­dyş he­re­ke­ti­niň bar­ha ro­waç­lan­ýan, iri hal­ka­ra sport ýa­ryş­la­ryň yzy­gi­der­li ge­çi­ril­ýän ýur­dy hök­mün­de Ga­raş­syz, he­mi­şe­lik Bi­ta­rap Türk­me­nis­ta­nyň ab­ra­ýy gün­sa­ýyn art­ýar. Hal­ka­ra pa­ra­hat­çy­lyk we yna­nyş­mak ýy­lyn­da äh­li ugur­lar bi­len bir ha­tar­da, sport ul­ga­myn­da hem be­ýik ýe­ňiş­ler, uly üs­tün­lik­ler ga­za­nyl­ýar. 

Hormatly Prezidentimiziň goldaw-hemaýatlaryndan ruhlanýan türgenlerimiziň iri halkara ýaryşlarda gazanan üstünlikleri Türkmenistanyň hemişelik Bitaraplygynyň 30 ýyllyk baýramyna özboluşly sowgat bolup, bütin halkymyzyň buýsanjyny artdyryp, her birimizi ösüşiň täze sepgitlerine ruhlandyrýar.

Türkmenistan döwletimizde sportuň ösen milli ulgamyny döretmek, bedenterbiýäni we sporty ösdürmek arkaly halkymyzyň saglygyny pugtalandyrmak, beden we ruhy taýdan sagdyn nesilleri terbiýeläp ýetişdirmek, olimpiýa hereketini, ýokary netijeli sporty ösdürmek, bu ugurda halkara hyzmatdaşlygyny pugtalandyrmak babatynda uly işler amala aşyrylýar. Arkadagly Gahryman Serdarymyzyň eziz Diýarymyzda bedenterbiýäni we sporty ösdürmäge gönükdirilen asylly işleriniň netijesinde ýurdumyzyň abraýy belende göterilip, Türkmenistan halkara giňişliginde ynamdar hyzmatdaş, iri sport çärelerini, halkara ýaryşlary guramakda we geçirmekde döwrebap maddy-enjamlaýyn binýadyna eýe bolan ýurt hökmünde tanalýar. Bu hem halklaryň arasyndaky halkara gatnaşyklarynda sportuň ähmiýetiniň ýokarydygyndan habar berýär. Ýurdumyzyň ähli sebitlerinde dünýä ölçeglerine laýyk gelýän sport toplumlarynyň, stadionlarynyň, ýöriteleşdirilen sport mekdepleriniň gurlup, ulanylmaga berilmegi bolsa munuň aýdyň subutnamasydyr.

Bu gün eziz Diýarymyzda sportuň ösen milli ulgamyny döretmek, bedenterbiýäni we sporty ösdürmek arkaly halkymyzyň saglygyny berkitmek, beden we ruhy taýdan sagdyn nesilleri terbiýeläp ýetişdirmek, Olimpiýa hereketini, ýokary netijeli sporty ilerletmek, bu ugurda halkara hyzmatdaşlygy pugtalandyrmak babatynda uly işler amala aşyrylýar. Arkadagly Gahryman Serdarymyzyň bedenterbiýäni we sporty ösdürmäge gönükdirilen asylly işleriniň netijesinde ýurdumyzyň halkara abraýy has-da belende göterilip, Türkmenistan iri sport çärelerini, halkara ýaryşlary guramakda we geçirmekde baý tejribä, döwrebap maddy-enjamlaýyn binýada eýe ýurt hökmünde-de giňden tanalýar. Biz bilim berýän ýaşlarymyza Watanymyzda durmuşa geçirilýän sport syýasatynyň ähmiýetini içgin düşündirmekde-de giň gerimli işleri alyp barýarys. Şunda wagyz-nesihat duşuşyklarynyň ähmiýetine aýratyn ünsi çekmek gerek.

Ähli üstünlikler jemgyýetiň sagdyn bolmagyndan gözbaş alýar. Şol esasdan ajaýyp zamanada giň gerim bilen durmuşa geçirilýän özgertmelerde, kabul edilýän maksatnamalarda halkyň abadan hem sagdyn durmuşyna gönükdirilen tutumlar öz beýanyny tapýar. Şonuň bilen birlikde, eziz Diýarymyzda köpçülikleýin bedenterbiýäni, ýokary netijeli sporty ösdürmäge, ruhy we beden taýdan kämil ýaşlary ýetişdirmäge gönükdirilen işleri hem döwlet syýasatynyň ileri tutulýan ugurlarynyň hatarynda görkezmek bolar. Çünki sport Diýarymyzy gurşap alan giň gerimli özgertmeleriň hereketlendiriji güýji bolan sagdynlygyň, ruhubelentligiň binýadydyr. Hormatly Prezidentimiziň belleýşi ýaly, bedenterbiýe we sport jemgyýetiň sazlaşykly ösüşini üpjün edýär, adam häsiýetini kemala getirmekde möhüm orun eýeleýär. Sport adamda özüne ynamy, güýç-kuwwaty, ruhubelentligi terbiýeleýär.

Ynsan saglygy ähli zatdan ileri tutulýan, raýatlaryň saglygyny goramakda we berkitmekde, sagdyn durmuş ýörelgesiniň durmuşymyzyň ähli ugurlaryny gurşap almagyny gazanmakda dünýä nusgalyk işler durmuşa geçirilýän döwletimizde saglygyň girewi hasaplanylýan bedenterbiýäniň köpçülikleýin häsiýete eýe bolmagy, sportuň ösdürilmegi döwrümiziň özboluşly ýörelgesine öwrüldi. Bu ugurda döredilen şert-mümkinçilikler raýatlarymyzyň sagdyn durmuş ýörelgelerini hemişelik hemra edinmeklerinde möhüm ähmiýete eýe bolýar.

Milli Liderimiziň hem-de hormatly Prezidentimiziň döredip berýän giň mümkinçilikleri türgenlerimizi taryhy ýeňişlere, beýik üstünliklere ruhlandyrýar. Ýaşlarymyz şeýle uly tagallalara jogap edip, sportda has ýokary netijeleri gazanmak ugrunda yhlas edýärler. Milli sportumyzy ösdürmek ugrunda durmuşa geçirýän beýik işleri üçin Gahryman Arkadagymyza hem-de Arkadagly Gahryman Serdarymyza egsilmez alkyş aýdýarys.

Kasym YLÝASOW,
Myrat Garryýew adyndaky Türkmenistanyň döwlet lukmançylyk uniwersitetiniň bedenterbiýe kafedrasynyň müdiri.