Hemişelik Bitaraplyk – dost-doganlygy pugtalandyrýan ýörelge
10-12-25
Berkarar döwletiň täze eýýamynyň Galkynyşy döwründe Garaşsyz, hemişelik Bitarap döwletimiz Gahryman Arkadagymyzyň, hormatly Prezidentimiziň alyp barýan tutumly işleriniň netijesinde barha rowaçlanýar. Ýurdumyzda hemişelik Bitaraplygymyzyň şanly 30 ýyllyk toýunyň toýlanýan günlerinde onuň oňyn ýörelgeleri barada gürrüň etmek has-da ýakymly. Görşümiz ýaly, Türkmenistan sebitleýin we ählumumy geosyýasy ýagdaýlaryň täze ugurlaryna we oňyn ösüşlerine eýe bolýar. Ýurdumyz dünýä döwletleriniň arasynda diplomatik aragatnaşyklary berkitmek bilen, halkara hem-de döwletara derejesinde duşuşyklaryň, gepleşikleriň, forumlaryň, maslahatlaryň we beýleki dabaraly çäreleriň geçirilýän dostlukly merkezine öwrüldi.
Ata-babalarymyzyň ynsanperwerlik, hoşniýetlilik, dost-doganlyk ýörelgelerini dabaralandyrmak döwletimiziň oňyn bitaraplyk syýasatynyň esasy ugurlarynyň biridir. Bitaraplyk syýasaty meseleleriň döremeginiň öňüni almak we bu ugurda bilelikde hereket etmek, gepleşikleri geçirmek, döwletleriň arasynda ynanyşmak hem-de hyzmatdaşlyk ýagdaýyny berkitmek, parahatçylygy ýola goýmak ýaly işleri durmuşa geçirmek bilen berk baglanyşyklydyr. Şunuň bilen baglylykda, 2025-nji ýylyň diňe bir ýurdumyzda däl, eýsem, bütin dünýäde hem “Halkara parahatçylyk we ynanyşmak ýyly” diýlip yglan edilmegi göwnümizi galkyndyrýar.
Geçen 30 ýylyň dowamynda hemişelik Bitarap Türkmenistan özüniň oňyn daşary syýasat ugruny saýlap alyp, öňe tarap ynamly gadam urýar. Gahryman Arkadagymyzyň, Arkadagly Gahryman Serdarymyzyň ýöredýän parahatçylyk söýüjilikli daşary syýasatynyň esasy maksady hem ýurdumyzyň durnukly ösüşini üpjün etmek üçin amatly şertleri döretmekden, döwletimiziň Garaşsyzlygyny we howpsuzlygyny berkitmekden, halkymyzyň ýaşaýyş-durmuş derejesini hil taýdan ýokary derejä götermekden ybaratdyr. Häzir hemişelik Bitaraplygymyzyň ähmiýeti biziň gündelik durmuşymyzda öz beýanyny tapýar. Hemişelik Bitaraplygymyz hakyndaky jümleler, aňlatmalar bolsa Türkmenistanyň Konstitusiýasynda, döwlet nyşanlarymyzda şöhlelendirilip, ýurdumyz bu hukuk derejämize hemişelik ygrarlydygyny bütin dünýä ýüzünde subut edýär.
Bilşimiz ýaly, türkmen Bitaraplygynyň ilkinji nobatda, tutuş dünýäde parahatçylygy berkitmäge, ýüze çykýan meseleleri parahatçylykly ýol bilen çözmäge, ähli halklaryň arasynda özara düşünişmegi ýola goýmaga gönükdirilendiginiň doly derejeli subutnamalaryny Gahryman Arkadagymyzyň, Arkadagly Gahryman Serdarymyzyň alyp barýan daşary syýasatynyň, öňe sürýän başlangyçlarynyň esasynda görýäris.
Türkmenistan BMG-niň Baş Assambleýasy tarapyndan hemişelik Bitaraplyk hukuk derejesi üç gezek ykrar edilen ilkinji döwletdir. Halkara hukugynda bar bolan tapawutlandyrmalara laýyklykda, Türkmenistanyň Bitaraplygy — görnüşi boýunça hemişelikdigi, ýagny onuň harby döwürde hem, parahatçylykly döwürde hem hereket edýändigi, mazmuny boýunça oňynlygy bilen tapawutlanýar. Oňynlyk ýurduň parahatçylygyny we howpsuzlygyny pugtalandyryp, döwletiň halkara işlerine işjeň gatnaşýandygyny aňladýar.
Biziň ata-babalarymyz bitewi milli döwlet hakynda mydama arzuw edipdirler we uzak ýyllaryň dowamynda içki tertibiň we agzybirligiň nusgasyny bütin dünýä ýaýypdyrlar. Şeýle ajaýyp ýörelgeler häzirki döwürde hem dowam etdirilmek bilen, Gahryman Arkadagymyz, Arkadagly Gahryman Serdarymyz tarapyndan has-da ösdürilip, kämilleşdirilip, döwrebaplaşdyrylmak arkaly öňe ilerledilýär. Öňe sürülýän parahatçylyk söýüjilikli tekliplerdir başlangyçlar BMG-niň Baş Assambleýasynyň kabul edýän Kararnamalary arkaly bütin dünýäniň parahatçylygyna gönükdirilýär. Diýmek, türkmeniň sesini dünýä jemgyýetçiligi eşidýär, makullaýar we parahatçylyga gönükdirilen, dost-doganlyga çagyrýan oňyn tekliplerini dolulygyna goldaýar.
Goý, Garaşsyz, hemişelik Bitarap ýurdumyzy diňe öňe alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!
Ogulsona BEKOWA,
Myrat Garryýew adyndaky Türkmenistanyň Döwlet lukmancylyk uniwersitetiniň Lukmançylyk gullugynyň guralyşy we usulyýeti kafdrasynyň mugallymy.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.