Bitaraplyk – ýurdumyzyň daşary syýasatynyň baş ýörelgesi
12-12-25
Bu gün Arkadagly Gahryman Serdarymyzyň baştutanlygynda Garaşsyz, hemişelik Bitarap Türkmenistan parahatçylygyň we halklaryň arasyndaky dostlugyň merkezine öwrüldi. Döwletimiziň hemişelik Bitaraplygy sebitde halkara hyzmatdaşlygyň we goňşuçylyk gatnaşyklarynyň ösmegine itergi berdi. Bitaraplyk ýurdumyzyň halkara giňişliginde daşary syýasatyny kesgitleýän baş ýörelgesidir. Türkmenistanyň hemişelik Bitaraplygy häzirki zamanyň esasy meselelerine düýpli göz ýetirmek bilen, olary dünýä tejribesine laýyklykda, diplomatik ýollar arkaly çözmäge ähmiýet berýär.
Türkmen halkynyň Milli Lideri Gahryman Arkadagymyzyň nygtaýşy ýaly, türkmen Bitaraplygy halkara gatnaşyklary ulgamynda Bitaraplygyň taryhynda görlüp-eşidilmedik täze bir sahypany açan tejribedir. Bu ýerde belläp geçmeli möhüm zat, ol hem Bitaraplygyň türkmen nusgasynyň häzirki zaman halkara hukugynyň düýp özeninde duran parahatçylyk esaslaryndan ugur alýandygydyr. Türkmenistanyň hemişelik Bitaraplygynyň düýbünden täzeçil häsiýete eýedigini onuň dünýä jemgyýetçiligi tarapyndan ykrar edilip, goldanylyp düzülen halkara hukuk resminamalaryndan hem görmek bolýar. Otuz ýyl mundan öň, Türkmenistan hemişelik Bitaraplyk hukuk derejesini almak bilen, parahatçylygyň hatyrasyna taryhy ädim ätdi. Şu ýyllaryň dowamynda döwletimiz Merkezi Aziýa sebitinde durnuklylyk hem oňyn hyzmatdaşlyk meýdançasyny döretmek bilen, diňe bir öz halkynyň ykbalyna däl, eýsem, sebitiň parahatçylyk hem howpsuzlyk meselelerine jogapkärçilikli çemeleşmegiň beýik nusgasyny görkezip gelýär.
Hemişelik Bitaraplygymyzyň şanly 30 ýyllygy mynasybetli şu ýylyň «Halkara parahatçylyk we ynanyşmak ýyly» diýlip yglan edilmeginiň düýp manysy hem şondan gelip çykýar. Häzirki wagtda dünýä möçberindäki ählumumy meseleleri çözmekde Türkmenistan ýokary işjeňlik görkezip hemişelik Bitaraplyk hukuk derejesine ygrarly bolup galýar. Hoşniýetli goňşuçylyk, parahatçylyk söýüjilik ýörelgelerine esaslanýan Bitaraplyk dünýäniň geosyýasy giňişliginde parlak ýyldyz bolup dogan Türkmenistanyň daşary syýasatynyň esasy ýörelgesidir.
Gahryman Arkadagymyzyň «Türkmenistan — Bitaraplygyň mekany» atly kitabynda Bitaraplygyň taryhy kökleri inçelik bilen yzarlanýar. Ynamyň, deňhukuklylygyň, ysnyşyklylygyň girewi hem-de halkymyzyň päkýürekliliginiň, lebzine ygrarlylygynyň aýdyň şöhlelenmesi bolan Bitaraplyk düşünjesiniň many-mazmuny bu kitabyň içinden eriş-argaç bolup geçýär.
Halkara parahatçylyk we ynanyşmak ýyly mynasybetli döwletimiziň we jemgyýetimiziň durmuşynda möhüm wakalar giňden ýaýbaňlandyryldy. Ýurdumyzda we daşary ýurtlarda bu şanly sene mynasybetli maslahatlar, duşuşyklar, dürli derejedäki dabaraly çäreler geçirilip, olarda Ýer ýüzüniň ähli halklaryna bagtyýar, parahatçylykly we rowaç durmuşy üpjün etmek boýunça alnyp barylýan işleriň ähmiýeti beýan edilýär.
Häzirki wagtda türkmen Bitaraplygynyň aýratynlyklary dünýä bilermenleri tarapyndan giňden öwrenilýär. Türkmenistanyň hemişelik Bitaraplygynyň hukuk esaslary, bu derejeden gelip çykýan borçnamalar ýaş nesle çuňňur öwredilýär.
Şu gün Türkmenistanyň hemişelik Bitaraplyk hukuk ýagdaýynyň dünýä bileleşigi tarapyndan ykrar edilmegine 30 ýylyň dolmagy ýurdumyzyň hemişelik Bitaraplyk syýasatynyň taryh üçin uzak bolmadyk döwürde bitiren we bitirjek uly hyzmatlaryna belent sarpa bolmak bilen, Türkmenistanyň ýeten şanly sepgitlerini tutuş dünýä bileleşigine aýdyň görkezer.
Berkarar döwletiň täze eýýamynyň Galkynyşy döwründe mähriban Watanymyzyň dünýädäki abraý-mertebesini has-da belende göterýän Milli Liderimiziň hem-de Arkadagly Gahryman Serdarymyzyň janlary sag, belent başlary aman bolsun, beýik işleri elmydama rowaçlyklara beslensin!
Ogulgeldi ANNAÝEWA,
Myrat Garryýew adyndaky Türkmenistanyň Döwlet lukmançylyk uniwersitetiniň Patologik fiziologiýa kafedrasynyň uly mugallymy.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.