DÜNÝÄ DEREJESINDE YKRARNAMA
12-12-25
Berkarar döwletiň täze eýýamynyň Galkynyşy döwründe bilim özgertmeleri rowaçlanýar, döwrebap mümkinçilikler durmuşa geçirilýär. Ýurdumyzda bilimiň iň döwrebap mümkinçilikleri, ýaşlaryň bilim öwrenmeklerinde ähli şertler döredilýär. Ýurdumyzda durmuşa geçirilýän beýik işler dünýäde uly ykrarnama eýe bolýar. Mälim bolşy ýaly, ýakynda paýtagtymyz Aşgabat şäheriniň ÝUNESKO-nyň öwreniji şäherleriniň bütindünýä toruna girizilendigi baradaky güwänama ýurdumyza gelip gowuşdy.
Ýurdumyzyň ylym we bilim ulgamyny ösdürmekde gazanan ýokary netijeleri, ähli ýaşdaky raýatlaryň ömrüniň bütin dowamynda okamagy hem-de bilimleri özleşdirmegi üçin zerur şertleri döreden Aşgabat şäheri dünýäniň 46 ýurdunyň 72 şäheriniň hatarynda ÝUNESKO-nyň öwreniji şäherleriniň bütindünýä toruna girizildi. Bu çözgüt Türkmenistanyň paýtagtynyň ylym-bilimi ösdürmekde, ähli ýaşdaky raýatlaryň ömrüniň tutuş dowamynda okamagy babatda zerur şertleri döretmekde ýokary netijeleri gazanandygynyň ykrarnamasy boldy.
“Halkara parahatçylyk we ynanyşmak ýylynda” dünýä ýurtlary, şol sanda halkara guramalar bilen hoşniýetli gatnaşyklar ýola goýulýar. Ynha, ylym-bilimde gazanylýan üstünlikler hem buýsandyryjydyr. Käbir maglumatlara ýüzlensek, 2013-nji ýylda döredilip, häzirki wagtda tutuş dünýä boýunça şäherleriň 425-sini özünde jemleýän bu bütindünýä tory täze agza şäherleriň ähli ýaşdaky adamlaryň bilimleri özleşdirmekleri üçin ýerli derejede degişli işleri durmuşa geçirmek ugrunda aýratyn tagallalaryna hem-de ygrarlylygyna ýokary baha berýär. Oňa täze agzalaryň kabul edilmegi bilen, öwreniji şäherleriň sany 91 ýurtdan 425 şähere çenli artdy. Bu şäherler, takmynan, 500 million adamyň üznüksiz bilim almagy babatda zerur şertleri üpjün edýärler.
Aşgabat şäheri Porto-Nowo, Kair, Ankara, Lissabon, Er-Riýad, Hanoý, Buenos-Aýres ýaly şäherler bilen birlikde, şu ýyl bu tora kabul edilen 11 sany paýtagt şäheriň hataryna girdi. ÝUNESKO şu ýyl bu tora 12 ýurduň, şol sanda Türkmenistanyň hem ilkinji gezek kabul edilendigini habar berdi. Bu buýsandyryjy maglumatlar paýtagtymyzyň ylym-bilim mümkinçilikleriniň ýokarydygynyň, dünýä derejesinde ykrarnama eýe bolýandygynyň beýanydyr.
Häzirki döwürde bilim özgertmeleriniň üstünlikli durmuşa geçirilmegi, okatmagyň we bilim öwretmegiň iň kämil, döwrebap usullarynyň peýdalanýandygy aýratyn bellenmäge mynasypdyr. Innowasion tehnologiýalar bilim ulgamyna işjeň ornaşdyryldy. Şonuň netijesinde internet programmalaryň üsti bilen kitaphanalaryň, muzeýleriň maglumatlaryny, ylmy kitaplaryny öwrenmäge mümkinçilikler döredildi. Elektron kitaphanalaryň mümkinçiliklerinden peýdalanmak, bilimiň iň döwrebap usullaryny ösdürmek iň ýokary şertlerden habar berýär. Bularyň ählisi bilim özgertmeleriniň belent üstünligidir.
Berkarar döwletiň täze eýýamynyň Galkynyşy döwründe ylym-bilimi çuňňur öwrenýän ýaşlaryň ümzügi ileri. Ýaşlar dünýäniň iň bir döwrebap enjamlary bilen üpjün edilen bilim edaralarynda bilimlerini, ukyp-başarnyklaryny artdyrýarlar. Ýokary bilim almak, ussat hünärmen bolup ýetişmek ýaşlaryň ýeke-täk arzuwy. Ýurdumyzda ýaşlaryň bilim öwrenmeklerine giň mümkinçilikleriň döredilmegi belent üstünlikleriň binýadynyň berkdigini beýan edýär. Ylym-bilimi dünýä derejede ösdürmekde beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!
Alma ANNABAÝEWA,
Myrat Garryýew adyndaky Türkmenistanyň Döwlet lukmançylyk uniwersitetiniň Lukmançylyk gullugynyň guralyşy we usulyýeti kafedrasynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.