Parasatly pederlerimiz «Saglygym — baýlygym», «Bar zadyň sakasy ― saglyk» diýip, ähli ugurda baý tejribelerini, ýagşy durmuş ýörelgelerini nesillere miras goýmak bilen, sagdyn bedenli, sagdyn ruhly bolmagy bahasyz baýlyk hasaplapdyrlar. Häzirki wagtda şeýle asylly ýol-ýörelgeleriň Milli Liderimiziň hem-de hormatly Prezidentimiziň tagallalary bilen mynasyp dowam etdirilýändigi ählimizi diýseň buýsandyrýar. Ýakynda lukman Arkadagymyzyň «Türkmenistanyň dermanlyk ösümlikleri» atly düýpli ylmy işiniň XVII jildiniň hem-de «Saglygy goraýyşda ýetilen sepgitler» atly täze kitabynyň çapdan çykmagy bolsa lukmançylyk ylmyna möhüm goşantdyr.

Ilatyň saglygy döwletimiziň baş baýlygy bolup durýar. Şunuň bilen baglylykda, Gahryman Arkadagymyz hem-de hormatly Prezidentimiz tarapyndan bu babatda giň gerimli işler durmuşa geçirilýär. Munuň şeýledigine Halkara parahatçylyk we ynanyşmak ýylynda Saglygy goraýyş we derman senagaty işgärleriniň hünär baýramynyň giňden bellenilip geçilmegi hem aýdyň şaýatlyk edýär. Şunda ýurdumyzyň dürli künjeklerinde saglygy goraýyş desgalarynyň düýbüniň tutulmagy, döwrebap enjamlar bilen üpjün edilen täze saglyk merkezleriniň açylmagy, paýtagtymyzda geçirilen halkara sergi we ylmy maslahat, Milli Liderimiziň täze kitaplaryny halkymyza sowgat bermegi bu baýramyň ähmiýetini has-da artdyrdy.

Gahryman Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik kitabynyň XVII jildiniň, şeýle-de «Saglygy goraýyşda ýetilen sepgitler» atly kitabynyň elimize gowuşmagy biz — lukmanlar üçin tapylgysyz sowgatdyr. Milli Liderimiziň «Saglygy goraýyşda ýetilen sepgitler» atly kitabynyň mazmuny hem «Saglyk» Döwlet maksatnamasyndan gelip çykýan wezipeleriň üstünlikli ýerine ýetirilmegi netijesinde saglygy goraýyş ulgamynda gazanylan ägirt uly ösüşlere bagyşlanýar.

Lukman Arkadagymyzyň türkmen tebigatynyň jana tenekar ösümlikleriniň kesel bejerijilik häsiýetlerini ylmy esasda açyp görkezmegi dünýä lukmançylyk ylmynda täze, düýpli tejribedir. Şoňa görä-de, «Türkmenistanyň dermanlyk ösümlikleri» atly ylmy-ensiklopedik işiň täze jildinde türkmen topragynda ösýän dermanlyk ösümlikleriň 107-si barada giňişleýin we anyk-aýdyň maglumatlar beýan edilýär.

Mälim bolşy ýaly, Halkara parahatçylyk we ynanyşmak ýylynda «Saglyk» Döwlet maksatnamasynyň kabul edilmegine 30 ýyl boldy. Şu mynasybetli Gahryman Arkadagymyz halkymyza, aýratyn-da, saglygy goraýyş ulgamynyň işgärlerine «Saglygy goraýyşda ýetilen sepgitler» atly täze kitabyny peşgeş berdi. Türkmenistanyň Saglygy goraýyş we derman senagaty işgärleriniň hünär baýramynyň bellenilýän gününde elimize gowşan bu kitap baý many-mazmuny, täsirli beýan edilişi, özboluşly bezeg aýratynlyklary bilen tapawutlanýar. Milli Liderimiz täze kitabynda ýurdumyzyň saglygy goraýyş ulgamynyň 30 ýylda geçen taryhy ýoluny, ýeten belent sepgitlerini lukman nukdaýnazary bilen beýan edýär.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de yn­san sag­ly­gy­ny go­ra­mak bo­ýun­ça Di­ýa­ry­myz­da be­ýik iş­ler dur­mu­şa or­naş­dy­ryl­ýar. Yn­san üçin iň gym­mat­ly zat onuň sag­ly­gy­dyr. Yn­san sag­ly­gy­ny go­ra­mak we onuň öm­rü­ni uzalt­mak yn­sa­ny­ýe­tiň ar­zuw­lap ge­len esa­sy is­le­gi­dir. Hä­zir­ki wagt­da bu ar­zuw-is­leg­ler bi­ziň ata Wa­ta­ny­myz­da ha­ky­ka­ta öw­rül­ýär. Mu­nuň özi eziz Di­ýa­ry­myz­da äh­li ta­gal­la­la­ryň sag­dyn jem­gy­ýe­ti gur­ma­ga, hal­ky­my­zyň bag­ty­ýar, asu­da, bo­le­lin dur­muş­da ýa­şa­ma­gy­na gö­nük­di­ril­ýän­di­gi­niň aý­dyň be­ýa­ny­dyr.

Görnüşi ýaly, milli saglygy goraýyş ulgamyny ylmy esasda ösdürmek babatda alnyp barylýan işler uly üstünliklere beslenýär. Halkara parahatçylyk we ynanyşmak ýylynda geçirilen Halk Maslahatynyň nobatdaky mejlisinde eden taryhy çykyşynda Arkadagly Gahryman Serdarymyzyň: «Halkymyzyň saglygyny goramak, ýurdumyzyň abadançylygyny gazanmak biziň iň uly maksadymyzdyr» diýip bellemegi bolsa beýik işlere badalga berýär. Goý, berkarar döwletimizi gülläp ösüşiň täze belentliklerine çykarýan, halkymyzyň saglygyny, ýaşaýyş-durmuşyny ähli zatdan ileri tutýan Milli Liderimiziň hem-de hormatly Prezidentimiziň janlary sag, belent başlary aman bolsun!

Maýa ATABALLYÝEWA,
Myrat Garryýew adyndaky Türkmenistanyň Döwlet lukmançylyk uniwersitetiniň Harby gigiýena, epidemiologiýa we toksikologiýa kafedrasynyň mugallymy.