«Saglyk» Döwlet maksatnamasy üstünlikli durmuşa geçirilýär
18-12-25
Gahryman Arkadagymyzyň «Saglygy goraýyşda ýetilen sepgitler» atly kitabynda lukmançylyk we ylmy diplomatiýa boýunça hyzmatdaşlygyň täze ugurlaryny ilerletmek arkaly Birleşen Milletler Guramasy we onuň ýöriteleşdirilen edaralary, şol sanda Bütindünýä Saglygy Goraýyş Guramasy, Çagalar gaznasy, dünýäniň öňdebaryjy ylmy-barlag merkezleri bilen gatnaşyklaryň giňeldilýändigine aýratyn üns berilýär. Ulgamyň ösüşinde gazanylan uly öňegidişlikleriň «Saglyk» Döwlet maksatnamasynyň hem-de alnyp barylýan döwlet syýasatynyň üstünlikli durmuşa geçirilýändiginiň netijesidigi nygtalýar.
Lukmançylyk diplomatiýasy saglygy goraýyş ulgamynda halkara gatnaşyklary gowulandyrmagyň, möhüm meseleleri çözmekde bilelikdäki tagallalary utgaşdyrmagyň ýoludyr. Onuň netijesinde jemgyýetiň howpsuzlygyny we saglygyny gowulandyrmakda, hyzmatdaşlygy ösdürmekde we özara tejribeleri alyşmakda uly üstünlikler gazanylýar. Täze kitapda hem bellenilişi ýaly, milli saglygy goraýyş ulgamynda toplanan tejribeleri baýlaşdyrmakda üstünlikleriň gazanylýandygy, telelukmançylyk, hususan-da, uzak aralykdan geçirilýän geňeşmeler we amaly lukmançylyga öňdebaryjy usulyýetleriň ornaşdyrylmagy arkaly tejribe alşylmagy üçin ylmy lukmançylyk hyzmatdaşlygynyň işjeňleşdirilmegine uly ähmiýet berilýär.
Bitaraplyk syýasatyna pugta eýerýän ýurdumyzda Durnukly ösüş maksatlaryna ýetmekde saglyk we saglygy goramak bilen bagly anyk wezipeler durmuşa geçirilýär. Gahryman Arkadagymyz Ýewropanyň we Aziýanyň öňdebaryjy hünärmenleri bilen yzygiderli gatnaşyklaryň ýola goýulmagynyň, özara tejribe alşylmagynyň adamlaryň saglygyny goramakdaky ählumumy wezipeleriň çözgüdine goşulýan uly goşantdygyny belleýär.
30 ýyllyk taryhy möhletiň dowamynda ynsan saglygyna gönükdirilen, türkmen halkynyň Milli Lideri Gahryman Arkadagymyzyň başlangyjy esasynda kabul edilen «Saglyk» Döwlet maksatnamasynyň meýilnamalaýyn esaslarda durmuşa geçirilýändigini bellemek gerek. Ýagny ýurdumyzda milli saglygy goraýyş ulgamy, onuň maddy-enjamlaýyn hem-de kanunçylyk binýadyny düýpli kämilleşdirmek, jemgyýetimiziň we döwletimiziň iň ýokary gymmatlygy bolan adamyň saglygyny berkitmek, ömrüniň dowamlylygyny uzaltmak, bedenterbiýäni we sporty ösdürmek, sagdyn durmuş ýörelgelerini durmuşa ornaşdyrmak boýunça giň gerimli işler durmuşa geçirilýär. Ýurdumyzda Halkara parahatçylyk we ynanyşmak ýylynda bellenilen Saglygy goraýyş we derman senagaty işgärleriniň güni mynasybetli Aşgabat şäherinde Saglyk öýüniň, Mary welaýat inçekesel hassahanasynyň täze, döwrebap binalarynyň dabaraly açylyp ulanmaga berlendigi bu aýdylanlaryň aýdyň subutnamasydyr.
Şeýle-de Aşgabat şäherinde 160 orunlyk Halkara pediatriýa merkeziniň, 500 orunlyk Halkara onkologiýa ylmy-kliniki merkeziniň, Stomatologiýa merkeziniň, Arkadag şäherinde lukmançylyk klasteriniň, Ahal welaýatynyň Bäherden etrabynda «Arçman» şypahanasynyň 400 orunlyk täze goşmaça binalar toplumynyň gurluşyklarynyň güýçli depginde dowam etmegi adam saglygynyň döwletimiziň baş baýlygy hasaplanylýan ýurdumyzda «Saglyk» Döwlet maksatnamasynyň hemişe işjeň hereketdedigini alamatlandyrýar.
Gahryman Arkadagymyzyň «Saglygy goraýyşda ýetilen sepgitler» atly kitabynyň elimize gowuşmagy biz — lukmanlar üçin tapylgysyz sowgatdyr. Lukmançylyk diplomatiýasynyň netijesinde, ýurdumyzyň saglygy goraýyş ulgamynyň keselleriň öňüni almakda, olary ýok etmekde ýeten sepgitleri we gazanan üstünlikleri halkara ykrarnama eýe bolýar. Milli Liderimiziň täze kitabynyň mazmuny hem «Saglyk» Döwlet maksatnamasyndan gelip çykýan wezipeleriň üstünlikli ýerine ýetirilmegi netijesinde saglygy goraýyş ulgamynda gazanylan ägirt uly ösüşlere bagyşlanýar. Kitapda Türkmenistana bu ugurda gazanylýan üstünlikler üçin gowşurylan güwänamalar, sylaglar we beýleki resminamalar barada maglumat berilýär. Şeýle-de saglygy goraýyş ulgamynyň ösüşinde halkara ähmiýetli resminamalar barada beýan edilmegi «Saglygy goraýyşda ýetilen sepgitler» atly kitaby lukmançylyk diplomatiýasynyň hukuk esaslaryny öwrenmekde gymmatly gollanma öwürýär.
Gahryman Arkadagymyzyň Halkara parahatçylyk we ynanyşmak ýylynda ajaýyp sowgat bolan kitaplarynyň höwrüniň köp bolmagyny, hemişelik Bitarap Watanymyzyň lukmançylyk diplomatiýasynyň gülläp ösmegini arzuw edýäris. Goý, Garaşsyz, hemişelik Bitarap Watanymyzy sagdynlygyň we ruhubelentligiň ýurduna öwürýän türkmen halkynyň Milli Lideriniň hem-de Arkadagly Gahryman Serdarymyzyň janlary sag, ömürleri uzak bolsun!
Tyllagözel NURYYEWA,
Myrat Garryýew adyndaky Türkmenistanyň Döwlet lukmançylyk uniwersitetiniň Mikrobiologiýa kafedrasynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.