Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde bagtyýar durmuşyň hözirini görüp ýaşaýan mähriban halkymyz 2026-njy ýyly ýagşy arzuwlar bilen garşy aldy. Hormatly Prezidentimiziň parasatly baştutanlygynda 2026-njy ýylyň “Garaşsyz, baky Bitarap Türkmenistan - bedew batly at-myradyň mekany” diýlip atlandyrylmagy halkymyzyň ruhuny has-da belende göterdi. Çünki Garaşsyz, hemişelik Bitarap Türkmenistan döwletimiziň okgunly ösüşiniň baş nyşanyny alamatlandyrýan ahalteke bedewleri Gahryman Arkadagymyzyň, Arkadagly Gahryman Serdarymyzyň tagallalary bilen ösüşiň belentliklerine tarap ynamly gadam urýan mähriban türkmen halkymyzyň milli buýsanjyna öwrüldi.

Taryhy özgertmeler ýurdumyzyň pudaklarynyň tehnologiýa taýdan döwrebaplaşdyrylmagyna goşmaça itergi bermek bilen, depginli ykdysady ösüşiň möhüm görkezijisi bolan zähmet öndürijiliginiň ýokarlanmagy üçin amatly şertleri döretdi. Her bir ýylymyz, her bir günümiz beýik ösüşlere, şanly wakalara beslenýär. Geçen ýyly üstünliklere beslän ildeşlerimiz täze ýyla uly ruhubelentlik bilen gadam basdy. Şöhratly zamanamyzda agzybir, zähmetsöýer halkymyzyň hoşniýetli ýagşy arzuwlary hasyl bolýar. Ynha, 2026-njy ýylyň “Garaşsyz, baky Bitarap Türkmenistan - bedew batly at-myradyň mekany” diýlip atlandyrylmagy her birimizi buýsandyrdy.

Ýurdumyzyň mukaddes Garaşsyzlygynyň 35 ýyllygynyň giňden bellenilip geçiljek şu ýylymyzyň Berkarar döwletiň täze eýýamynyň Galkynyşy döwrüniň iň bir düşümli, rysgal-döwletli we taryhy wakalara baý ajaýyp ýyllaryň biri boljakdygyna biz - bagtyýar türkmenistanlylar tüýs ýürekden ynanýarys. Gahryman Arkadagymyzyň, Arkadagly Gahryman Serdarymyzyň tagallalary bilen ýurdumyz beýik ösüşlere beslenýär, belent maksatlar rowaçlanýar. Täze türkmen taryhyny altyn harplar bilen bezejek “Garaşsyz, baky Bitarap Türkmenistan - bedew batly at-myradyň mekany” ýyly milli gymmatlyklarymyza belent sarpa bolup, toý-baýramlara beslenýän ýyldyr. Eziz Diýarymyzyň ykdysady kuwwatyny berkitmek, halkymyzyň ýaşaýyş-durmuş derejesini mundan beýläk hem gowulandyrmak asylly maksatlardyr. Bu maksatlar rowaçlyga beslenip, toplumlaýyn işler giň gerimde amala aşyrylýar. Bularyň ählisi bagtyýar türkmen halkyny uly buýsanja besleýär.

Hawa, ajaýyp eýýamyň her bir ýylynyň diňe üstünliklere we şanly wakalara beslenýän ýyl bolup, taryhyň gatyna altyn harplar bilen ýazylýandygy hemmämize mälimdir. Çünki halkymyzyň amatly ýaşaýşy üçin aňrybaş şertleriň döredilmegi, şeýle hem iň döwrebap mümkinçilikler bizi täze üstünliklere ruhlandyrýar. Munuň özi mähriban Watanymyzyň gülläp ösmegine, halkymyzyň ýaşaýyş-durmuş derejesiniň has-da ýokarlanmagyna ýardam berýär. Bu bolsa biziň her birimiziň bagtyýarlygymyzdyr.

Bagtyýar türkmen halkymyz Gahryman Arkadagymyzyň, Arkadagly Gahryman Serdarymyzyň taýsyz tagallalary bilen her bir ýyly şanly wakalar, dabaralar bilen şöhratlandyrýar. Şol ajaýyp pursatlar bolsa eşretli zamanamyzyň üstünliklerini aýdyň beýan edýär. Häzirki ajaýyp döwrümizde belent maksatlar bilen nurana geljege barýan, döredýän, gurýan halkymyzyň üstünlikleri üstünliklere ulaşýar. Munuň şeýledigine hormatly Prezidentimiziň parasatly baştutanlygynda durmuşa geçirilen beýik işler, ýetilen belent sepgitler hem aýdyň şaýatlyk edýär. Ata Watanymyzy gülledip ösdürmek, mähriban halkymyzyň ýaşaýyş-durmuş derejesini has-da ýokarlandyrmak ugrunda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň il-ýurt bähbitli, döwlet ähmiýetli beýik işleri üstünliklere beslensin!

Maral ÇARYÝEWA,
Ahal welaýatynyň Ak bugdaý etrabynyň 7-nji çagalar bagynyň terbiýeçisi.