Habarlar
Habarlar
Türkmen wekiliýeti Alýat erkin ykdysady zolagyna baryp gördi
Azerbaýjan Respublikasynda saparda bolýan Türkmenistanyň wekiliýeti Alýat erkin ykdysady zolagyna baryp, bu ýeriň dolandyryş müdirliginiň başlygy Waleh Aleskerow bilen duşuşyk geçirdi.
Türkmenistan Nýu-Ýorkda durnukly şäher ulagy boýunça çäräni geçirdi
BMG-nyň Nýu-Ýorkdaky ştab-kwartirasynda geçýän durnukly ösüş boýunça ýokary derejedäki Forumyň çäklerinde Türkmenistanyň BMG-nyň ýanyndaky hemişelik wekilhanasy «Durnukly şäher ulagy: BMG-nyň Baş assambleýasynyň durnukly ulag boýunça ýokary derejeli Mejlisine taýýarlyk we DÖM-nyň 11-njisini ýerine ýetirmek üçin Arkadag şäheriniň modeli» temasyndan çäräni gurnady.
Türkmenistan Jidde şäherinde ulag we energetika ugurlarda hyzmatdaşlygy ösdürmegi teklip etdi
Türkmenistanyň Prezidenti Serdar Berdimuhamedow Jidde şäherinde geçirilen «Merkezi Aziýa – Aýlagdaky arap döwletleriniň hyzmatdaşlyk geňeşi» görnüşindäki Sammitinde eden çykyşynda ulag we energetika ugurlarda hyzmatdaşlygy ösdürmegi nygtady.
Türkmenistan koreý hyzmatdaşlarynyň gämi gurluşygy babatdaky tekliplerine gyzyklanma bildirýär
Ozal habar berşimiz ýaly, Koreýa Respublikasynyň Milli Assambleýasynyň Başlygy Kim Jin Pýo bilen şu gün Aşgabatdaky Maslahat köşgünde geçirilen gepleşikleriň barşynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow birnäçe tekliplerini beýan etdi.
«Balkan» fider gämisi arkaly daşalan konteýnerleriň mukdary artdy
«Balkan» fider gämisi Türkmenbaşy — Alýat porty (Azerbaýjan Respublikasy) we Alýat — Türkmenbaşy porty ugry boýunça konteýner daşamagyň depginini güýçlendirýär. Netijede, daşalýan konteýnerleriň mukdary barha artýar.
Döwrebap poçta hyzmatlary ýola goýulýar
Aragatnaşyk hyzmatlarynyň hiliniň we elýeterliliginiň ýokarlandyrmagyna gönükdirilen aragatnaşyk ulgamyny ösdürmegiň 2019 – 2025-nji ýyllar üçin Döwlet maksatnamasynyň durmuşa geçirilmeginiň çäklerinde «Türkmenpoçtanyň» ýurduň welaýatlaryndaky şahamçalary hyzmatlary bermekde täze tehnologiýalary we ülňüleri ulanmaga esaslanýan döwrebap tertipde işleýärler.
Türkmenistan bilen Azerbaýjan Merkezi Aziýa-Ýewropa ýük daşamalaryny artdyrmagy maslahatlaşdy
Türkmen wekiliýeti özara hyzmatdaşlygy giňeltmek we Merkezi Aziýa bilen Ýewropanyň arasynda ýük daşamalary ýokarlandyrmak maksady bilen anna güni Baku halkara deňiz söwda portuna bardy. Bu barada Türkmenistanyň Azerbaýjandaky ilçihanasy duşenbe güni habar berdi.
Türkmenistan arap ýurtlary bilen ulag, energetika ulgamlarynda hyzmatdaşlygy ösdürmäge gyzyklanma bildirýär
Türkmenistanyň Prezidenti Serdar Berdimuhamedow Jidda şäherinde geçirilen «Merkezi Aziýa – Aýlagdaky arap döwletleriniň hyzmatdaşlyk geňeşi» görnüşindäki sammitde eden çykyşynda ulag we energetika ulgamlarynda hyzmatdaşlygy ösdürmegi nygtady. Bu barada «Türkmenistan: Altyn asyr» internet neşiri habar berýär.
Türkmenbaşy porty ýükleri gümrük paçsyz saklamak hyzmatyny hödürleýär
Türkmenbaşy Halkara deňiz porty dürli ýükleri we harytlary, hasaba almazdan we gümrük paçlaryny töletmezden, 3 ýyla çenli saklamak hyzmatyny hödürleýär. Bu barada “Türkmendeňizderýaýollary” agentliginiň metbugat gullugy habar berdi.
Türkmenistanyň Belgiýadaky ilçisi sebitara durnukly ulag meselelerini ara alyp maslahatlaşdy
Belgiýa Patyşalygynda Ýewropanyň we Merkezi Aziýanyň arasynda durnukly ulag gatnaşyklaryna degişli meseleler ara alnyp maslahatlaşyldy. Oňa beýleki Merkezi Aziýa ýurtlarynyň ilçileri bilen birlikde Türkmenistanyň ilçisi, Halkara hyzmatdaşlyk boýunça Ýewropa komissiýasynyň Baş müdiriýetiniň sebitleýin direktory Peteris Ustubus gatnaşdy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.