Demir ýol arkaly hyzmatdaşlygy utgaşdyrmak — Aşgabat forumynyň esasy maksady
14-05-26
Garaşsyz Döwletleriň Arkalaşygyna agza ýurtlaryň demir ýol ulagy boýunça Geňeşiniň 84-nji halkara mejlisi öz işini dowam etdirýär. “Ýyldyz” myhmanhanasynda geçirilýän Halkara mejlisiň ikinji iş gününde oňa gatnaşyjylar demir ýol pudagynda hyzmatdaşlygy giňeltmäge hem-de GDA agza döwletleriň demir ýol edaralarynyň arasynda özara ynanyşmagy pugtalandyrmaga meýillidiklerini bellediler.
Paýtagtymyzda ýerleşýän “Ýyldyz" myhmanhanasynda geçirilýän forumyň maksady demir ýol ulagynyň işini döwletara derejede utgaşdyrmakdan, halkara demir ýollary torunyň tehnologik bitewüligini üpjün etmekden, bu düzümleri ösdürmekden ybarat bolup durýar.
Mejlisiň dowamynda demir ýol ulagy edaralarynyň ýolbaşçylarydyr wekilleri çykyş edip, GDA agza ýurtlaryň demir ýol ulagy boýunça Geňeşiniň nobatdaky mejlisiniň döwletara derejede demir ýol ulagynyň işini utgaşdyrmak, halkara demir ýollar torunyň tehnologik bitewüligini üpjün etmek, bu düzümleri häzirki zaman şertlerinde ösdürmek ýaly wezipeleriň oňyn çözgüdini esasy ugur edinýändigini nygtadylar.
Geneşiň mejlisiniň çäklerinde «Ýaş demirýolçylaryň» 2-nji forumyny hem dabaraly ýagdaýda geçirildi.
Demir ýollary ulanmak arkaly üstaşyr ulag geçelgelerini ösdürmegiň geljegi, sebitde ýük daşamalary artdyrmak boýunça hem pikir alyşmalar boldy. Çykyşlarda forumyň Demir ýollaryň hyzmatdaşlygy guramasyna esasy agza döwletleriň biri hem-de Ýewropadan Aziýa ýük daşamakda möhüm strategik hyzmatdaş bolan Türkmenistanda geçirilmeginiň ähmiýeti bellenildi. Mejlisiň gün tertibinde kesgitlenen meseleleriň ara alnyp maslahatlaşylmagy Demirgazyk — Günorta we Gündogar — Günbatar ulag geçelgeleri boýunça ýük daşamalary artdyrmaga hem-de ýükleriň görnüşlerini giňeltmäge ýardam eder.
Döwletleriň, sebitleriň we yklymlaryň arasynda dostluk, hyzmatdaşlyk köprülerini gurýan Türkmenistanyň parahatçylyk söýüjilikli daşary syýasatynda ulag diplomatiýasyna aýratyn ornuň degişlidigini aýdyp, çykyş edenler GDA agza ýurtlaryň wekilleriniň gatnaşmagynda geçirilýän mejlisde hut şu ugurlar boýunça özara pikir alşylmagynyň ähmiýetini bellediler.
Forumyň dowamynda Türkmenistanyň we GDA agza döwletleriň demir ýol edaralarynyň arasynda birnäçe ikitaraplaýyn resminamalara hem-de taraplaryň ählumumy abadançylygyň, ösüşiň bähbidine netijeli hyzmatdaşlygyny pugtalandyrmagy maksat edinýän Teswirnama gol çekilmegine garaşylýar.
Koreýa we Merkezi Aziýa ýurtlary senagat hyzmatdaşlygynyň geljekki ugurlaryna garady
Türkmenistanyň senagat pudagynyň wekiliýeti 14-nji sentýabrda Seul şäherinde Koreýa we Merkezi Aziýa ýurtlarynyň Senagat ministrleri derejesinde geçirilen ilkinji duşuşygyna gatnaşdy. Duşuşykda senagat hyzmatdaşlygyny we möhüm mineral serişdeler boýunça üpjünçilik zynjyrlaryny ösdürmegiň meseleleri ara alnyp maslahatlaşyldy. Bu barada Koreýa Respublikasynyň Söwda, senagat we tebigy baýlyklar ministrligi habar berýär.
Aşgabatda geçiriljek “OGT 2026” forumyna 400-den gowrak arza berildi
Aşgabatda 21–23-nji oktýabr aralygynda geçiriljek “Türkmenistanyň nebiti we gazy — 2026” (OGT 2026) atly XXXI halkara maslahaty we sergisine gatnaşmak üçin 400-den gowrak gatnaşyjynyň arzasy gelip gowuşdy. Bu barada forumyň guramaçylary habar berdiler.
Parahatçylyk, döredijilik we ösüş ýoly bilen
Geçen hepdäniň wakalarynda Gahryman Arkadagymyz tarapyndan başy başlanyp, hormatly Prezidentimiziň baştutanlygynda yzygiderli durmuşa geçirilýän, halkara bileleşik bilen netijeli gatnaşyklary ösdürmäge, söwda-ykdysady hyzmatdaşlygy giňeltmäge, Watanymyzyň Garaşsyzlygynyň şanly 35 ýyllygy baýram edilýän «Garaşsyz, baky Bitarap Türkmenistan — bedew batly at-myradyň mekany» ýylynda ilatyň ýaşaýyş-durmuş derejesini has-da ýokarlandyrmaga gönükdirilen syýasy ugur öz beýanyny tapdy.
Türkmenistanda BSG-nyň okuw merkezinde gümrük amallaryny sanlylaşdyrmak boýunça okuw maslahaty geçirildi
Bütindünýä Gümrük Guramasynyň (BGG) Türkmenistandaky Sebitleýin okuw merkezinde 10–11-nji sentýabrda «Gümrükde sanly özgertmeler: maglumatlaryň utgaşdyrylmagy, töwekgelçilikleri dolandyrmak ulgamlary we maglumatlary seljermek hem-de awtomatlaşdyrmak işinde emeli aňy ulanmak» atly sebitleýin okuw maslahaty geçirildi.
Türkmenistanyň uniwersitetlerinde emeli aň tehnologiýalary boýunça halkara ylmy-amaly maslahatlary geçiriler
Ministrler Kabinetiniň Başlygynyň orunbasary B.Mämmedow şu ýylyň oktýabr aýynda ýurdumyzyň käbir ýokary okuw mekdeplerinde sanly ulgam arkaly halkara ylmy-amaly maslahatlary geçirmek boýunça görülýän çäreler barada hasabat berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.