Häzirki döwürde ýurdumyz hemişelik Bitaraplyk hukuk derejesine esaslanyp, parahatçylyk söýüjilik hem-de hoşniýetli hyzmatdaşlyk ýörelgeleri esasynda halkara jemgyýetçiligiň umumy tagallalaryna işjeň goşulyşýar. Munuň şeýledigini şu ýylyň 9-njy oktýabrynda «Awaza» milli syýahatçylyk zolagynda GDA-nyň döw­let Baştutan­la­ry­nyň Ge­ňe­şi­niň mej­lis­iniň, Hazar ekologiýa sammitiniň geçirilmegi, şeýle hem hormatly Prezidentimiziň 15-nji oktýabrda Azerbaýjan Respublikasynda geçirilen Aziýada hyzmatdaşlygy we ynanyşmagy berkitmegiň çäreleri Geňeşiniň nobatdaky sammitine, 16-njy oktýabrda bolsa Ermenistan Respublikasynda geçirilen BMG-niň Biodürlülik baradaky maslahatynyň Liderler sammitine gatnaşyp, ýurdumyzyň sebitde köpugurly hyzmatdaşlygy ösdürmek bilen bagly ileri tutýan ugurlaryny beýan etmegi hem aýdyň tassyklaýar.

Türkmenistan halkara giňişlikde öz pikirlerini açyk beýan edip, oňyn başlangyçlary, hemmeler üçin bähbitli bolan teklipleri bilen çykyş edýär. Hormatly Prezidentimiziň soňky geçen forumlarda eden çykyşlarynda sebitleýin hyzmatdaşlyga aýratyn ähmiýet bermegi goňşy döwletleriň ykdysady mümkinçiliklerini açmakdan ugur alýar. Şunda se­bit­iň ulag-lo­gis­ti­ka ugruny ös­dür­mek ykdysadyýetiň umumylykda beýleki ugurlarynyň hem netijeliligini ilerletmäge ýardam edýär. Döwlet Baştutanymyz GDA-nyň döw­let Baş­tu­tan­la­ry­nyň Ge­ňe­şi­niň mej­li­sin­dä­ki çykyşynda bu barada: «Ulag ul­ga­myn­da­ky hyz­mat­daş­ly­ga, Ar­ka­la­şy­gyň döw­let­le­ri­niň logistika we infrastruktu­ra müm­kin­çi­lik­le­ri­ni do­ly de­re­je­de aç­mak üçin şert­le­ri döret­mäge aý­ra­tyn üns ber­ýä­ris. Şu­nuň bi­len baglylykda, Türkmenis­ta­nyň 2029-njy ýy­ly «Garaşsyz Döwletleriň Arkalaşygynyň ulag ara­bag­la­ny­şy­gy­nyň ýy­ly» di­ýip yglan et­mek ba­ra­da­ky baş­lan­gy­jy­na ün­sü­ňi­zi çek­mek is­le­ýä­rin» diýip belledi. Şundan görnüşi ýaly, häzirki döwürde ulag-logistika ulgamynyň ösüşi Türkmenistanyň alyp barýan içeri we daşary syýasatynyň möhüm ugurlarynyň biri bolup durýar.

Garaşsyz, baky Bitarap Türkmenistan bu gün Merkezi Aziýada, galyberse-de, halkara giňişlikde sebitiň ulag üstaşyr kuwwatyny täze ugurlar boýunça açmaga gyzyklanma bildirip çykyş edýär. Bu ugur hyzmatdaşlygy depginli ösdürmekde hemmetaraplaýyn oňaýlydyr. Şonuň üçinem, biz ulag ulgamyn­da­ky hyz­mat­daş­ly­ga, logisti­ka we inf­rast­ruk­tu­ra müm­kin­çi­lik­le­ri­ni doly dere­je­de aç­maga: ulag we üs­ta­şyr geçelge­le­ri döretmäge, ola­ryň dur­nuk­ly­ly­gy­ny ýokarlandyrmaga hem-de äh­li ýurt­lar, şol san­da GDA-nyň deňze çy­kal­ga­sy bol­ma­dyk döw­let­le­ri üçin elýeter­li­li­gi­ üp­jün et­mek bo­ýun­ça hal­ka­ra hyz­mat­daş­ly­gy ös­dür­mäge aýratyn ähmiýet berýäris. Şular bilen bir hatarda, dur­nuk­ly ulag ulgamyn­da hal­ka­ra hyz­mat­daş­ly­gy­ pugtalandyrmak­da Türk­me­nis­ta­nyň 2026 — 2035-nji ýyl­lar üçin Bir­le­şen Mil­let­ler Gu­ra­ma­sy­nyň Dur­nuk­ly ulag bo­ýun­ça onýylly­gy baradaky başlan­gy­jy aýratyn äh­mi­ýe­te eýe­dir. Ol sebitiň ýurtlarynyň ulag infrastrukturasynyň geljekki ýyllarda gyradeňlikde özgermegini hem şertlendirýär.

Hazar deňziniň üsti bilen ýük we adam gatnawlaryny guramak hem serhetdeş döwletleriň ulag arabaglanyşygynyň möhüm tarapydyr. De­mir­ga­zyk — Gü­nor­ta, Gündogar — Gün­ba­tar ulag ge­çel­ge­le­ri­niň mümkinçiliklerini açmak bu ugurdaky öňde durýan wezipeleri maksadalaýyk durmuşa  geçirmekde uly ähmiýete eýedir. Häzirki wagtda agzalan geçelgeleri işjeňleşdirmek döwletleriň yzygiderli geçirýän dürli mowzukdaky forumlarynyň özboluşly hem zerurlyk taýdan derwaýys mowzugy bolup durýar. Şunuň bilen baglylykda, ýurdumyz hemmelere bähbitli bolan başlangyçlary öňe sürmek bilen döwletara gatnaşyklary pugtalandyrmak ugrunda çykyş edýär.

Türkmenistan döwletimiziň sebitde we halkara derejede alyp barýan şeýle döwletli özgertmelerinden ruhlanyp, halk bähbitli, adamzat ähmiýetli tagallalaryň başynda duran türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, belent başlarynyň aman bolmagyny, döwletli işleriniň rowaçlyklara beslenmegini arzuw edýäris.

Ýaran AKMÄMMEDOW,
Türkmenistanyň Inžener-tehniki we ulag kommunikasiýalary institutynyň mugallymy.