ŞÖHRATLY GEÇMIŞDEN YNAMLY ERTIRE
12-11-21
Türkmeniň milli buýsanjy, beýik danasy Magtymguly Pyragy türkmen edebiýatynyň düýbüni tutujydyr. Türkmeniň ruhy sütüniniň öwüşgini — Magtymguly Pyragynyň şygyrlary halkyň kalbynyň owazydyr. Magtymgulyny okan her bir ynsan jahana başgaça göz bilen garaýar. Magtymguly Pyragy sarpasy belentde tutulýan, ilki türkmeniň, soňra bolsa umumadamzat şahyrydyr. Onuň şahyrana dünýäsi müňýyllyklaryň dowamynda kemala gelen türkmen pelsepesine, milletiň kalbynyň owazyna, türkmen ruhunyň synmaz sütünine öwrüldi.
Akyldar şahyrymyz Magtymguly Pyragy özüniň döredijilik älemi bilen her bir ynsanyň göwnüni galkyndyrmagy başarýar. Halkymyzyň akyldar şahyra bolan beýik söýgüsiniň nyşanyna öwrüljek Magtymguly Pyragynyň medeni-seýilgäh toplumy hem ýokarda aýdylanlaryň üstüni ýetirýär. Häzirki wagtda hormatly Prezidentimiziň parasatly baştutanlygynda Magtymguly Pyragynyň medeni-seýilgäh toplumynyň gurluşy we onuň ýanaşyk ýerleriniň abadanlaşdyrylyşy uly depginde alnyp barylýar we ösen binagärlik çözgütlerini durmuşa geçirmek ugrunda birnäçe işler amala aşyrylýar.
Balkan welaýatynyň Magtymguly etraby we onuň obalary gadymy Sumbar derýasynyň ýokarky akymynyň ugrunda ýerleşýär. Dag tebigatynyň gözellikleri, gojaman çynarlary, ýazyna daglardan çasly akýan çeşme-bulaklary, güýzüne alýaňakly almadyr narlary bilen adygan Magtymguly etrabynyň Gerkez obasynda şahyra bagyşlanan muzeýde onuň dürli döwürlerde, dürli dillerde neşir edilen kitaplary, eserleriniň daşbasma nusgalary we gadymy edebiýatlaryň golýazmalary ýerleşdirilendir. Şeýle hem akyldar şahyr barada ýazylan köpsanly çeper eserler, ylmy işler we Magtymgulynyň ýaşan zamanasyna degişli gymmatlyklar bar. Esasan hem, bu muzeýde şahyryň öz uýasy Zübeýda Hindistandan getiren çäýnegi aýratyn gymmatlyk hökmünde saklanylýar. Munuň özi diňe bir öz halkymyzy däl, eýsem dünýäniň jahankeşdeleriniň ünsüni özüne çekýär.
Muzeý 2014-nji ýylda Gündogaryň beýik akyldary Magtymguly Pyragynyň 290 ýyllyk toýy mynasybetli şahyryň döredijiligini öwrenmek babatda täze neşirler, şeýle hem taryhy maglumatlar bilen baýlaşdyryldy. Magtymgulynyň döredijiliginde agzybirlik, Watan, il-gün baradaky eserler esasy orun tutýar. Beýik şahyr öz halkynyň ykbaly bara da uly alada edip, türkmeniň erkinlik, özbaşdaklyk baradaky asylly arzuw-umytlaryny, isleglerini ussatlyk bilen beýan edipdir we halky agzybirlige çagyrypdyr.
Halkynyň beýik şahsyýetlerini özüniň pähim-parasada ýugrulan pikirleri bilen mertebelendirýän eziz Arkadagymyzyň ýörite tabşyrygy esasynda 2024-nji ýylda Magtymguly Pyragynyň doglan gününiň 300 ýyllyk senesini ýurdumyzda dabaraly bellemek üçin eýýäm köp wagtdan bäri uly taýýarlyk işleri geçirilýär.
Biz hem halkymyzyň dünýä belli şahyrynyň ajaýyp eserlerini öwrenmek işinde öz yhlasymyzy gaýgyrmajakdygymyzy ynandyrýarys. Türkmen halkynyň asyrlaryň jümmüşine uzap gidýän çuň taryhy köklerini sarpalap, ýaş nesillere geçirmek ugrunda irginsiz zähmet çekýän Gahryman Arkadagymyzyň tutýan tutumly işleri elmydama rowaçlyklara beslensin!
Yhlas JANMURADOW,
S.A.Nyýazow adyndaky Türkmen oba hojalyk uniwersitetiniň talyby.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.