CRRC ZIYANG CO., LTD ZAWODYNDA DÜÝPLI ABATLAÝYŞ IŞLERI GEÇIRILDI
21-07-25
Berkarar döwletiň täze eýýamynyň Galkynyşy döwründe ýurdumyzda ulag-kommunikasiýa ulgamynyň maddy enjamlaýyn binýadyny berkleşdirmek, döwrüň talabyna laýyklykda enjamlaşdyrmak, olaryň hyzmat ediş kuwwatyny ýokarlandyrmak we degişli pudaklarda zähmet çekýän hünärmenleriň oňaýly şertlerde ýaşamaklary şeýle hem işlemekleri üçin ýokary derejeli mümkinçilikleriň döredilmegi babatda ençeme taslamalar durmuşa geçirilýär.
Türkmenistan «Beýik ýüpek ýoluny gaýtadan dikeltmek» bilen bir hatarda şol ýolyň çäginden geçýän ýurtlar bilen hyzmatdaşlygy has-da jebisleşdirmek işini esasy maksat edinýär. Türkmen-hytaý dost-doganlyk gatnaşyklary, ikitaraplaýyn we köptaraplaýyn şeýle hem uzakmöhletleýin hyzmatdaşlygy munuň aýdyň mysalydyr.
Türkmenistanyň dizel lokomotiwleri Hytaýyň CRRC Ziyang Lokomotiw Co., Ltd. kompaniýasynyň degişli zawodynda düýpli abatlaýyş we döwrebaplaşdyryş işlerini üstünlikli geçirdi. Lokomotiwler 18-nji iýulda gurnama liniýasyndan üstünlikli çykdy şeýle hem ýakyn wagtda ýurdumyzyň demir ýollarynda işini dowam etdirmek üçin Türkmenistana getiriler.
2024-nji ýylyň ahyrynda CRRC Ziyang kompaniýasy, «Demirýollary» AGPJ bilen bu lokomotiwleri yzygiderli abatlamak we tehniki taýdan täzeden enjamlaşdyrmak barada şertnama baglaşypdy. Lokomotiwleriň bir topary 2025-nji ýylyň maý aýynda CRRC Ziyang zawodyna geldi. Taslama dizel hereketlendirijileri we elektrik ulgamlary ýaly esasy komponentleri takyk bejermek bilen baglanyşykly bolup mundan başga-da, lokomotiwler täze «akylly» ulgam ýagny «akylly» tehnologiýa enjamlary bilen enjamlaşdyryldy.
CRRC Ziyang bilen Türkmenistan demir ýollarynyň arasyndaky hyzmatdaşlyk 2004-nji ýylda başlandy we yzygiderli ösýär. Ýönekeý eksportdan ulaglar, ätiýaçlyk şaýlar we zawod abatlaýyşy ýaly köptaraplaýyn hyzmatdaşlyga öwrüldi. CRRC Ziyang kompaniýasy şu güne çenli Türkmenistana 294 lokomotiw eksport etdi.
Ulag-logistika — sebit hyzmatdaşlygynyň möhüm ugry
Häzirki döwürde ýurdumyz hemişelik Bitaraplyk hukuk derejesine esaslanyp, parahatçylyk söýüjilik hem-de hoşniýetli hyzmatdaşlyk ýörelgeleri esasynda halkara jemgyýetçiligiň umumy tagallalaryna işjeň goşulyşýar.
Aşgabatda Zenanlar birleşigi bilen Aragatnaşyk ministrligi zenanyň maşgalada we jemgyýetde eýeleýän orny barada söhbetdeşlik geçirdi
Türkmenistanyň Aragatnaşyk ministrliginiň we onuň garamagyndaky kärhanalaryň işgärleri zenanyň maşgalada we jemgyýetde eýeleýän orny barada söhbet etmek maksady bilen, ýurdumyzyň Zenanlar birleşiginiň wekilleri bilen duşuşdylar. «Ornuňyz tördedir, sarpaňyz belent, ýaşaýşa ýarandyr mährem zenanlar» atly wagyz-nesihat duşuşygy 26-njy oktýabrda ministrligiň mejlisler zalynda geçirildi.
Şu ýylyň 9 aýynda Türkmenistan bilen Gruziýanyň arasyndaky ulaglar arkaly söwda dolanyşygy $117,5 milliona ýetdi
2026-njy ýylyň ýanwar–sentýabr aýlarynda Türkmenistan bilen Gruziýanyň arasyndaky söwda dolanyşygynyň möçberi 117 million 561,9 müň ABŞ dollaryna deň boldy. Bu barada Gruziýanyň Milli statistika gullugy habar berýär.
Hazarýaka döwletleri Aşgabatda ylmy hyzmatdaşlygy maslahatlaşýarlar
Aşgabatda 27-nji oktýabrda Hazarýaka döwletleriniň ygtyýarly wekilleriniň nobatdaky mejlisi öz işine başlady. Hazar deňzi institutynda geçirilýän bu duşuşykda taraplar deňiz ylmy barlaglary ulgamynda hyzmatdaşlyk etmek hakyndaky hökümetara Ylalaşygyň taslamasyny ara alyp maslahatlaşýarlar. Mejlis öz işini 28-nji oktýabrda tamamlar. Bu barada Türkmenistanyň Daşary işler ministrliginiň metbugat gullugy habar berdi.
Türkmenistanyň medeniýet ministri Bakuda geçirilen Medeniýetara dialog boýunça VII Bütindünýä forumyna gatnaşdy
Türkmenistanyň medeniýet ministri G.Myradaliýewiň baştutanlygyndaky wekiliýeti Baku şäherinde geçirilýän Medeniýetara dialog boýunça VII Bütindünýä forumyna gatnaşdy. Wekiliýetiň ýolbaşçysy milli gymmatlyklary gorap saklamak, medeni mirasy geljekki nesillere ýetirmek hem-de medeniýetara hyzmatdaşlygy pugtalandyrmak meselelerine bagyşlap çykyş etdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.