Habarlar
Habarlar
Aşgabatda Ykdysady hyzmatdaşlyk boýunça türkmen-rus Hökümetara toparynyň nobatdaky mejlisi geçiriler
2025-nji ýylyň oktýabr aýynda Aşgabat şäherinde Ykdysady hyzmatdaşlyk boýunça türkmen-rus Hökümetara toparynyň nobatdaky mejlisi geçiriler. Bu barada Russiýanyň Türkmenistandaky ilçisi Iwan Wolynkin Türkmenistanyň Garaşsyzlyk güni mynasybetli gutlag hatynda belledi diýip, Russiýanyň Türkmenistandaky ilçihanasynyň metbugat gullugy şenbe güni habar berdi.
Türkmenistanyň Ministrler Kabinetiniň mejlisi
3-nji oktýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň dokuz aýynda ýurdumyzda alnyp barlan işleriň jemleri jemlenildi.
Astrahan – Türkmenbaşy göni howa gatnawy mümkinçiligine garaldy
Türkmenistanyň Garaşsyzlyk güni mynasybetli baýramçylyk çäreleriniň dowamynda Astrahan oblastynyň wise-gubernatory – oblast hökümetiniň başlygy Denis Afanasýew Aşgabatda saparda boldy. «Türkmenistan – biziň strategiki hyzmatdaşymyz we ygtybarly dostumyz. Biz özara hyzmatdaşlygymyza aýratyn üns berýäris» diýip, Denis Afanasýew jemgyýetçilik ulgamyndaky sahypalarynda belläp geçdi.
Türkmenistanyň Prezidenti paýtagtymyz boýunça iş saparyny amala aşyrdy
2-nji oktýabrda hormatly Prezidentimiz Serdar Berdimuhamedow paýtagtymyz boýunça iş saparyny amala aşyryp, Aşgabat şäherinde we ýurdumyzyň welaýatlarynda gurulmagy meýilleşdirilýän saglygy goraýyş maksatly desgalaryň şekil taslamalary bilen tanyşdy, şeýle hem iş maslahatyny geçirdi.
Astrahan – Türkmenbaşy deňiz gatnawynyň ýola goýulmagy ara alnyp maslahatlaşyldy.
Türkmenistanyň Ministrler Kabinetiniň Başlygynyň orunbasary Mämmethan Çakyýew Astrahan oblastynyň wekiliýeti bilen iş duşuşygyny geçirdi. Wekiliýete oblastyň wise-gubernatory Denis Afanasýew ýolbaşçylyk etdi. Gepleşikler Russiýanyň wekilleriniň Türkmenistana amala aşyran iş saparynyň çäklerinde geçirildi.
BITARAPLYK SYNMAZ ÝOLY TÜRKMENIŇ
Garaşsyz döwletimiziň Gahryman Arkadagymyz tarapyndan binýädy goýlan, parahatçylyk söýüjilige, hoşniýetli goňşuçylyga esaslanýan daşary syýasat strategiýasy Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda üstünlikli durmuşa geçirilýär.
Türkmenistanyň Döwlet howpsuzlyk geňeşiniň mejlisi
1-nji oktýabrda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň nobatdaky mejlisini geçirdi. Onuň gün tertibine harby we hukuk goraýjy edaralarda şu ýylyň dokuz aýynda alnyp barlan işleriň netijeleri girizildi.
Türkmenistanyň Prezidenti Serdar Berdimuhamedow: — Garaşsyzlyk ähli ösüşlerimiziň, üstünliklerimiziň hem-de abadançylygymyzyň gözbaşydyr
Geçen hepdede Türkmenistanyň Garaşsyzlygynyň 34 ýyllygy giňden bellenildi. Bu baýram mähriban halkymyzyň agzybirliginiň we jebisliginiň, ägirt uly döredijilik kuwwatynyň, Watanymyzyň täze sepgitlere tarap ynamly gadamlarynyň aýdyň nyşany bolan ykbal çözüji waka hökmünde uly ähmiýete eýedir.
Aşgabatda Bitarap Türkmenistan şaýolundaky ulag hereketi dikeldildi
Aşgabat şäher häkimligi Bitarap Türkmenistan şaýolunyň (ozalky Podwoýskiý şaýoly) Atamyrat Nyýazow bilen Arçabil şaýollarynyň arasyndaky böleginde ulag hereketiniň dolulygyna dikeldilendigini habar berdi.
Türkmenistan GDA-nyň Hökümet Baştutanlarynyň Geňeşiniň mejlisine gatnaşar
Türkmenistan wise-premýer derejesinde Garaşsyz Döwletleriň Arkalaşygynyň Hökümet Baştutanlarynyň Geňeşiniň nobatdaky mejlisine gatnaşar. Mejlis duşenbe güni Minskde geçiriler. Bu barada GDA-nyň Ýerine ýetiriji komitetiniň metbugat gullugy habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.