Bu günki gün ata-babalarymyzdan miras galan döwletlilik ýörelgelerine ygrarly agzybir halkymyz — Arkadagly Serdarymyzyň daşyna mäkäm jebisleşip, beýik geljegini gurýar. Ösüşleriň aýdyň ýolundan ýöräp, belent maksatlar bilen öňe barýar. Hormatly Prezidentimiziň parasatly baştutanlygynda Garaşsyz, hemişelik Bitarap Türkmenistanyň barha belende galýan halkara abraýyny, gazanýan uly üstünliklerini bu gün tutuş dünýä jemgyýetçiligi ykrar edýär.

Berkarar döwletimiziň ykdysady kuwwatynyň artmagy, halkara abraýynyň ýokarlanmagy hem-de merdana halkymyzyň abadan durmuşda ýaşamagy ugrunda tagalla edýän Hormatly Prezidentimiziň şa gadamynyň düşen ýeri berekediň, rysgalyň, bolçulygyň çeşmesine öwrülýär. Arkadagly Serdarymyz her gezekki iş sapary täze ajaýyp üstünlikleriň başyny başlaýar. Bu bolsa türkmen halkynyň bagtyýar geljegine bolan ynamyny, hormatly Prezidentine, Watanyna bolan söýgüsini hem buýsanjyny artdyrýar.

Türkmenistanlylaryň çuňňur hormatlap, hormatly Prezidentimize bütin durklary bilen bil baglandyklarynyň aýdyň ýüze çykmasydyr. Döwrüň bedew batly şol ösüş-özgerişinde, jemgyýetiň, döwletiň durmuşynyň parahatçylygyň ýoly bilen ösüşinde Türkmenistanyň Prezidenti Serdar Berdimuhamedowyň görnükli döwlet işgäri, öňdengörüji syýasatçy hökmündäki orny juda ýokarydyr. Türkmenistanyň Prezidenti Serdar Berdimuhamedowyň parasatly ýolbaşçylygynda Berkarar döwletiň täze eýýamynyň Galkynyşy döwründe ýurdumyzyň hemişelik Bitaraplyk hukuk ýagdaýyna esaslanýan parahatçylyk söýüjilikli daşary syýasaty üstünlikli amala aşyrylýar. Ata-babalarymyzdan miras galan bitaraplyk ýörelgelerine ygrarly ýurdumyz dünýä döwletleri we halkara guramalar bilen deňhukukly hyzmatdaşlyk gatnaşyklaryny has-da ösdürýär. Şoňa görä-de, hormatly Prezidentimiz Serdar Berdimuhamedow «Türkmenistanyň ussat diplomaty» diýen tapawutlandyryş nyşany bilen sylaglandy.

Halkymyzda durmuşyň abadançylygy, adamlaryň ýaşaýyş derejesiniň barha gowulanýandygy aýdyň görünýär. Şu babatda 2024-nji ýyl – «Pähim-paýhas ummany Magtymguly Pyragy» ýyly hem ýurdumyzyň, halkymyzyň iň täze taryhyna altyn harplar bilen ýazylar. Her ýylyň mynasyp at bilen atlandyrylmagy halkymyzda indi asylly ýörelgä öwrüldi.

Berkarar döwletiň täze eýýamynyň Galkynyşy döwri agzybir halkymyzyň — Gahryman Arkadagymyzyň, Arkadagly Serdarymyzyň daşyna jebisleşen zamanasydyr! Merdana halkymyzyň abadanlygyny hem bagtyýarlygyny hemra edinip, «Watan diňe halky bilen Watandyr!» diýýän hormatly Prezidentimiz  bilen belent maksatlaryna, beýik geljegine tarap ynamly gadam urýan zamanasydyr! Bu zamana beýik ösüşleriň, özgerişleriň zamanasydyr! Hormatly Prezidentimiziň il bähbitli beýik maksatnamalaryndan ugur alýan bedew batly ösüşlerimiz Diýarymyzda abadançylygyň, rysgal-berekediň we asuda durmuşyň höziriniň hasam artjakdygyny aňladýar.

Netijede, halkymyzyň ruhytaryhy köklerine daýanyp, berkarar Watanymyzy has-da ösdürmek ugrunda beýik we nusgalyk işler durmuşa geçirilýär, çünki türkmen halkynyň Watana bolan belent söýgüsi milli mirasymyzdan, atababalarymyzyň ruhy ahlak ýörelgelerinden gözbaş alýar. Şeýlelik-de, halkymyzyň ajaýyp zamanynda gadymdan galan mirasyny sarpalamak boýunça alnyp barylýan toplumlaýyn işler giň gerimliligi bilen wajyp häsiýete eýe bolýar. Üstünlikli durmuşa geçirilýän özgertmeler ilkinji nobatda Garaşsyzlygymyzy pugtalandyrmak, halkymyzyň jebisligini berkitmek, agzybirlik, ýurt parahatçylygy, Watan berkararlygy bilen berk baglanyşyklydyr. Ähli babatda ösüşleriň, özgerişleriň döwri bolan Garaşsyzlyk eýýamynyň «Pähim-paýhas ummany Magtymguly Pyragy» ýylynda hormatly Prezidentimiziň beýik tutumlary özünde jemleýän giň möçberli maksatnamalary netijesinde, ýurdumyzda gazanyljak üstünlikler dünýä jemgyýetçiligi bilen hoşniýetli gatnaşyklaryň has-da giňeldilmeginiň aýdyň mysaly bolar. Eziz Diýarymyzda gazanylýan ähli üstünliklerimiziň ruhlandyryjysy hem-de ýol görkezijisi bolan Arkadagly Serdarymyza buýsanç duýgulary ildeşlerimiziň diliniň senasyna, köňlüniň owazyna öwrülýär.

Biz — bagtyýar ýaşlar Arkadagly Serdarymyzyň başlangyçlaryna eýerip, öňde goýan wezipelerini üstünlikli amala aşyrmak üçin ähli güýjümizi birleşdirip, tutanýerli zähmet çekmelidiris.Berkarar döwletiň täze eýýamynyň Galkynyşy döwründe halkymyzyň eşretli ýaşaýşy, ýurdumyzyň abadançylygy ugrunda nusgalyk işleri durmuşa geçirýän hormatly Gahryman Arkadagymyzyň hem-de Arkadagly Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin! Halkymyzyň röwşen geljegi üçin tutýan belent tutumlary hemişe rowaçlyklara beslensin! Öňe, öňe, ýaşlar bilen diňe öňe, jan Watanym Türkmenistanym!

Medetmyrat MEREDOW,
Türkmenistanyň Inžener-tehniki we ulag kommunikasiýalary institutynyň Jemagat infrastrukturasy we inženerçilik ulgamlary fakultetiniň 3-nji ýyl talyby.