«Türkmen hemrasy» ýokary hilli we arzan internet hyzmatlaryny hödürleýär
02-08-21
“Türkmen hemrasy” ýapyk görnüşli paýdarlar jemgyýeti türkmen telekeçilerine ýokary hilli we amatly bahadan internet hyzmatlaryny hödürleýär.
Bu kärhana “TürkmenÄlem 52.0E” milli hemranyň mümkinçiliklerini ulanyp, Internede bolan elýeterliligi, wideomaslahat aragatnaşygy we telefoniýany, giň zolakly internet we korporatiw torlara bolan elýeterliligi (SCADA, wideogözegçilik we telemetriýa) üpjün edýär. Şeýle hem, ýokary hilli telelukmançylygy ulanmak, uzagara maslahat bermek, menzilara okuw we maglumatlary alşyp-berişmek mümkinçiligi bar.
“Türkmen hemrasy” ÝGPJ-niň artykmaçlyklarynyň biri – dürli geografik zolaklarda, şol sanda aragatnaşygyň süýüm-optiki ugurlarynyň ýok ýerlerinde signalyň ýokary derejede berilmeginiň üpjünçiligidir.
“Türkmen hemrasy” ÝGPJ 2015-nji ýylda “Türkmenaragatnaşyk” agentliginiň, “Türkmentelekom” telekommunikasiýa kärhanasynyň we “Altyn asyr” ýapyk görnüşli paýdarlar jemgyýetiniň gatnaşmagynda döredildi. Hyzmatyň ýokary hili, tehniki taýdan hemaýat bermek babatda dessine seslenme we müşderiler üçin amatly bahalar prowaýdere ýurduň içinde we daşary ýurtlarda müşderileriniň sanyny artdyrmaga ýol berýär.
Habarlaşmak üçin we hyzmatlary ýerine ýetirmek şertnamasyny baglaşmak üçin maglumatlar:
Salgy: 744000, Aşgabat ş., Seýdi köç., jaý 10-A.
Tel.: +993 12 92-18-36
Faks: +993 12 92-18-31
Poçta: info.turkmenhemrasy@online.tm
sales.turkmenhemrasy@online.tm
Resmi saýt: turkmenhemrasy.gov.tm.
Türkmenistanyň Awtomobil ulaglary ministrligi halkara sergä gatnaşdy
Türkmenistanyň Söwda-senagat edarasynda ýurdumyzyň hemişelik Bitaraplygynyň 30 ýyllygyna we Halkara Bitaraplyk gününe bagyşlanan giň gerimli sergi geçirildi. Oňa Türkmenistanyň Awtomobil ulaglary ministrligi hem gatnaşdy.
Medeniýet we sungat ussatlarynyň baýramçylyk konserti
Paýtagtymyzda Halkara parahatçylyk we ynanyşmak ýyly, Halkara Bitaraplyk güni, Türkmenistanyň hemişelik Bitaraplygynyň 30 ýyllygy mynasybetli medeniýet we sungat ussatlarynyň baýramçylyk konserti boldy. Oňa hormatly Prezidentimiz Serdar Berdimuhamedow ýurdumyzda geçirilen halkara çärelere gatnaşmak üçin Aşgabada gelen daşary ýurtlaryň döwlet we hökümet Baştutanlary bilen bilelikde gatnaşdy.
Dünýä liderleri Aşgabatda Bitaraplyk binasyna gül desselerini goýdular
Türkmenistanyň hemişelik Bitaraplygynyň 30 ýyllygyna bagyşlanan halkara dabaralara gatnaşmak üçin ýurda gelen döwlet baştutanlary we hökümet ýolbaşçylary anna güni Aşgabatda Bitaraplyk binasyna gül goýmak dabarasyna gatnaşdylar. Bu barada Türkmenistanyň resmi metbugaty habar berýär.
Aşgabatda Türkmenistanyň hemişelik Bitaraplygynyň 30 ýyllygy mynasybetli Halkara forum geçirilýär
Şu gün paýtagtymyzyda Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli Halkara forum geçirilýär. Oňa dünýä döwletleriniň, halkara we sebit guramalarynyň ýokary derejeli wekiliýetleri gatnaşýarlar.
Türkmenistanyň Söwda-senagat edarasynda Bitaraplygynyň 30 ýyllyk mynasybetli giň gerimli sergi açyldy
Düýn berkarar Watanymyzyň hemişelik Bitaraplygynyň 30 ýyllyk baýramçylygy we Halkara Bitaraplyk güni mynasybetli paýtagtymyzda, Türkmenistanyň Söwda-senagat edarasynda giň gerimli sergi açyldy. Oňa ajaýyp sene mynasybetli dürli dabaralara gatnaşmak üçin Türkmenistana gelen köp sanly daşary ýurtly myhmanlar hem-de halkara guramalaryň wekilleri hem baryp gördüler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.