Hor­mat­ly Pre­zi­den­ti­miziň taý­syz ta­gal­la­sy bi­len Ber­ka­rar döw­le­ti­mi­ziň bag­ty­ýar­lyk döw­rün­de ýur­du­my­zyň kör­pe ne­sil­le­ri­niň we ru­hu­be­lent ýaş­la­ry­nyň döw­re­bap bi­lim­dir ter­bi­ýe al­mak­la­ry üçin düýp­li iş­ler dur­mu­şa ge­çi­ril­ýär. "Türkmenistanyň Prezidentiniň ýurdumyzy 2019-2025-nji ýyllarda durmuş-ykdysady taýdan ösdürmegiň Maksatnamasyny" üs­tün­lik­li dur­mu­şa ge­çir­me­giň esa­syn­da gö­zel di­ýa­ry­my­zyň äh­li kün­je­gin­de döw­re­bap mek­dep­le­riň, sport mek­dep­le­ri­niň, ça­ga­lar bag­la­ry­nyň, sta­di­on­la­ryň, sa­gal­dyş-dynç alyş mer­kez­le­ri­niň gu­rul­ma­gy bu iş­le­riň ta­la­ba­la­ýyk maz­mu­na eýe bol­ma­gy­na ýar­dam ed­ýär.

Bag­ty­ýar­ly­ga bes­len­ýän döw­rü­miz­de mil­li Li­de­ri­mi­ziň ýol­baş­çy­ly­gyn­da ýur­du­myz­da, il­kin­ji no­bat­da äh­li eş­ret­le­riň kör­pe­le­riň we ýaş­la­ryň dur­mu­şy­na gö­nük­di­ril­ýän­di­gi­ni bu gün­ki gün bü­tin dün­ýä yk­rar ed­ýär. Ça­ga­la­ryň dynç al­şy­ny my­na­syp ge­çir­mek­le­ri üçin paý­tag­ty­myz Aş­ga­bat­da we di­ýa­ry­my­zyň we­la­ýat­la­ryn­da ulan­ma­ga be­ril­ýän sa­gal­dyş-dynç alyş mer­kez­le­ri­niň sa­ny­nyň ýyl-ýyl­dan art­ýan­dy­gy, her bir oba­da, şä­her­de, şä­her­çe­de we et­rap mer­ke­zin­de sport mer­kez­le­ri­niň gur­lup, do­la­ny­şy­ga gi­ri­zil­ýän­di­gi ösüp gel­ýän ýaş ne­sil­le­riň aňyn­da wa­tan­çy­lyk duý­gu­la­ry­nyň ke­ma­la gel­me­gi­ne ýar­dam ed­ýär.

Hä­zir­ki gün­ler­de ýur­du­myz­da 2021-2022-nji okuw ýy­ly­na taý­ýar­lyk iş­le­ri gyz­ga­laň­ly dep­gin­de al­nyp ba­ryl­ýar. Ýur­du­my­zyň äh­li ýer­le­rin­de he­re­ket ed­ýän Türk­me­nis­ta­nyň Dok­ma se­na­ga­ty mi­nistr­li­gi­niň, Aş­ga­bat döw­let söw­da fir­ma­sy­nyň, Türk­men döw­let ne­şir­ýat gul­lu­gy­nyň “Türk­men­ki­tap” lo­maý-bö­lek bir­le­şi­gi­niň, Türk­me­nis­ta­nyň Söw­da we da­şa­ry yk­dy­sa­dy ara­gat­na­şyk­lar mi­nistr­li­gi­niň dü­züm­le­ri­ne de­giş­li bo­lan mek­dep ba­zar­la­ryn­da okuw es­bap­la­ry­nyň dür­li gör­nüş­le­ri, mek­dep ly­bas­la­ry hal­ka hö­dür­len­ýär.

Okuw ki­tap­la­ry­nyň ara­syn­da ýö­ri­te or­ta hü­när we ýo­ka­ry okuw mek­dep­le­ri üçin ni­ýet­le­nen ne­şir­le­riň hem gi­den tap­gy­ry bar. Olar­dan gi­gi­ýe­na, il­kin­ji luk­man­çy­lyk kö­me­gi­niň esas­la­ry, yk­dy­sa­dy sta­tis­ti­ka, psi­hi­at­ri­ýa kö­me­gi­niň esas­la­ry, mak­ro yk­dy­sa­dy­ýet­de ma­te­ma­ti­k mo­del­ler, mag­lu­mat ul­ga­my­nyň ar­hi­tek­tu­ra­sy, so­wa­dy­jy ma­şyn­lar, EHM-le­riň we te­le­kom­mu­ni­ka­si­ýa­nyň tor­la­ry, iç ke­sel­le­ri, çe­per dö­re­di­ji­li­giň psi­ho­lo­gi­ýa­sy, dil bi­li­mi we baý­le­ki ugur­lar bo­ýun­ça okuw ki­tap­la­ry­ny gör­kez­mek bo­lar.

Eziz Ar­ka­da­gy­myz: “Ça­ga­la­ra aý­ra­tyn söý­gi, aý­ra­tyn ala­da bi­len ga­ra­mak, ola­ra özü­niň iň go­wy zat­la­ry­ny ba­gyş et­mek türk­men­le­riň ga­dym­dan gel­ýän däp­le­ri­niň bi­ri­dir” di­ýip, jaý­dar bel­le­ýär. Her ýyl tä­ze okuw ýy­ly­nyň baş­lan­ma­gy bi­len mäh­ri­ban Ar­ka­da­gy­myz or­ta mek­dep­le­ri­ne il­kin­ji sa­par ga­dam bas­ýan kör­pe­le­re ýö­ri­te net­buk­la­ry sow­gat ed­ýär. Ça­ga­lyk dün­ýä­si­ni eg­sil­mez şat­ly­ga bes­le­ýän bu pur­sat­lar kör­pe­ler­de ýat­dan çyk­ma­jak tä­sir­le­ri dö­red­ýär. Şeý­le­lik­de, ru­hy dün­ýä­si tä­miz kör­pe­ler uly yh­las hem-de bi­le­si­ge­li­ji­lik bi­len kä­mil en­jam­lar ar­ka­ly bi­lim­ler dün­ýä­si­ne ara­laş­ýar­lar.

Bi­ziň gül­läp ös­ýän ýur­du­myz bi­li­me hö­we­sek ru­hu­be­lent ýaş­la­ryň hem kö­ňül ar­zuw­la­ry­nyň my­rat tap­ýan me­ka­ny. Ýurduň ýokary okuw jaýlarynda häzirki zaman täze hünärleri talap edýän ugurlarynyň sanynyň ýylsaýyn artmagy, milli ykdysadyýetiň pudaklaryny ýokary taýýarlykly hünärmenler bilen üpjün etmek bilen baglanyşyklydyr.

Ge­çen ýy­lyň özün­de ýo­ka­ry okuw mek­dep­le­rin­de ýaş­lar üçin tä­ze hü­när­le­riň bir­nä­çe­si bo­ýun­ça okat­mak ýo­la goý­lan bol­sa, ýetip gelýän okuw ýyly hem bu kadadan sowlup geçmedi.  Bu ýyl onuň sa­ny­nyň art­ma­gy bi­len ýaş­la­ra bi­lim­ler äle­min­de tä­ze müm­kin­çi­lik­ler dö­re­dil­di.

Umuman alanyňda, on iki ýokary mekdepde hünärmen taýýarlaýan okuw ugruna 32 sany täze hünär goşuldy, şu günler bu hünärler boýunça okuwa girjekler üçin olaryň gapylary açykdyr.

Bakalawriat maksatnamasy boýunça alty sany täze ugur ýurduň oba hojalygy üçin hünärmen taýýarlaýan Türkmen oba hojalyk institutynda (Daşoguz şäheri) açyldy. Hünärmenligiň täze ugurlarynyň arasynda oba hojalyk inženerligi; suwaryş we zeýkeş ulgamlaryny ulanmak; ýer ulanyşygy we kadastrlar; maglumat howpsuzlygyny dolandyryş; ykdysadyýet we dolandyryş; buhgalteriýa hasap ýöretmesi we audit bar.

Türkmenistanyň Oguz Han adyndaky Inženerçilik we tehnologiýa uniwersitetinde bakalawrlary taýýarlamagyň täze bäş ugry açyldy: kartografiýa we geoinformatika; emeli akyl we hünärmen ulgamlary; maglumat goragynyň tehniki serişdeleri; innowasiýa dolandyryşy we halkara işewürlik; kompýuter lingwistikasy.

Ýagşygeldi Kakaýew adyndaky Halkara nebit-gaz uniwersitetinde-de şonça täze hünär ugurlary açyldy. Bu ýerde bakalawrit ulgamy boýunça magdançylyk; standartlaşdyrmak we metrologiýa; tehnologik enjamlar we abzallar; elektrik energetikasy we elektrotehnika; işgärleri dolandyrmak ýaly ugurlarda hünärmenler taýýarlanar.

Birnäçe beýleki ýokary okuw jaýlarynda bakalawrlary taýýarlamak pudagynyň okuw meýilnamalary täzelendi. Mysal üçin, Türkmen döwlet maliýe instituty şu ugurlar boýunça işgär taýýarlar: maliýe we karzçylyk, töwekgelçilikleri dolandyrmak we ätiýaçlandyryş işi, bank işi we pul dolanyşygy.

Türkmenistanyň Daşary işler ministrliginiň Halkara gatnaşyklar instituty halkara gatnaşyklary, halkara ykdysadyýeti, syýasy aragatnaşygy we internet žurnalistligini; Türkmen Döwlet Medeniýet Instituty aktýorlyk sungatyny, teleýaýlym žurnalistligini we kinorežissýorlygy, Türkmen döwlet binagärlik we gurluşyk instituty bolsa informatika we aragatnaşyk tehnologiýalaryny, şeýle hem himiýa tehnologiýasyny öwreder.

Atlary agzaljak ýokary okuw jaýlarynyň hersinde bir täze hünär girizildi: S. Seýdi adyndaky Türkmen döwlet mugallymçylyk institutynda – zähmet we tehnologiýa esaslary, Türkmenistanyň Telekommunikasiýa we informatika institutynda – signal ibermegiň, kabul etmegiň we gaýtadan işlemegiň radiotehniki serişdeleri, Myrat Garryýewiň adyny göterýän Türkmenistan Döwlet lukmançylyk uniwersitetinde bolsa dikeldiş we sport lukmançylygy.

Türkmenistan Döwlet çeperçilik akademiýasynyň hünär taýýarlygy ulgamyna «Animasiýa we grafiki dizaýn», Türkmenistanyň döwlet energetika institutynda (Mary şäheri) «maglumat-ölçeg tehnikasy we tehnologiýalary» ugurlary girizildi.

Bo­sa­ga­da – tä­ze okuw ýy­ly. Tä­ze okuw ýy­ly – tä­ze baş­lan­gyç. Eziz Ar­ka­da­gy­my­zyň bi­lim ul­ga­myn­da dö­red­ýän giň müm­kin­çi­lik­le­ri köň­li hy­juw­ly ýaş­la­ry ylym­lar dün­ýä­si­ne çuň­ňur ara­la­şyp, ösüş­le­re bes­len­ýän Wa­ta­ny­my­zyň my­na­syp ada­my bo­lup ýe­tiş­mä­ge borç­lan­dyr­ýar.

Goý, Wa­ta­ny­my­zyň gül-gun­ça­la­ry bo­lan kör­pe ne­sil­le­riň, ru­hu­be­lent ýaş­la­ryň dün­ýä ül­ňü­le­ri­ne ky­bap­daş­lyk­da bi­lim we ter­bi­ýe al­ma­gy üçin nus­ga­lyk iş­le­ri amal ed­ýän eziz Ar­ka­da­gy­my­zyň ja­ny sag, öm­ri uzak bol­sun! Be­lent tu­tum­ly iş­le­ri he­mi­şe ro­waç­lyk­la­ra bes­len­sin!

Jemşit  HAJYMÄMMEDOW, 
Türkmenistanyň Oguz han adyndaky Inžener-tehnologiýalar uniwersitetiniň talyby