Aragatnaşyk ulgamynyň täze eýýamy - “Aşgabat siti” taslamasynda
30-08-21
Hormatly Prezidentimiziň parasatly ýolbaşçylygynda ýurdumyzda we baş şäherimiz Aşgabatda aragatnaşyk ulgamyny häzirki zamanyň ösen sanly tehnologiýalary esasynda özgertmek döwlet syýasatynyň ileri tutulýan ugurlarynyň birine öwrüldi.
Özboluşly we täsin binagärlik keşbi bilen Ginnesiň rekordlar kitabyna giren ak şäherimiz Aşgabadyň demirgazyk künjeginde peýda boljak “Aşgabat siti” desgalarynyň çäklerinde ähli amatlyklary özünde jemleýän ýaşaýyş jaý toplumlaryny we dürli maksatly binalary, ýol-ulag düzümine degişli desgalaryny aragatnaşyk ulgamynyň has kämil usullary bilen üpjün etmek boýunça häzirki zamanyň ösen tejribelerine esaslanýan degişli taýýarlyk işleri alnyp barylýar.
Häzirki tehnologiýalar döwri 5G usulyna gadam basmaga taýýarlyk görýär. 5G tehnologiýalary barada ilkinji nobatda bellemeli zat, olar öňki 4G nesillerine garanyňda has ýokary geçirijilik giňligini üpjün etmek we has az energiýa kuwwatyny sarp etmek bilen internet ulgamynyň görnüşleriniň we tizliginiň artmagyna peýdaly täsir eder.
5G ilkinji nobatda sanly ulgam we "akylly öý" awtomatizasiýasynyň giňişleýin ulgamy bolup, durmuş şertleriniň biri-biri bilen çalt we päsgelçiliksiz aragatnaşyk saklamagy üçin ýokary maglumat geçiriş tizligini üpjün edýän zerur birikme bolup hyzmat eder.
Ýagny, akylly öýüň yşyklandyryşdan howpsuzlyga, ýylylykdan energiýa, suw üpjünçiliginden duýduryşlara, howa çalşygyndan ýangyn söndüriji ulgamlara çenli ähli bölekleriniň awtomatiki usulda ýerine ýetirilmegini üpjün eder. 5G tehnologiýasy swetofor, köçe yşyklandyryşy, akylly awtoulag duralgasy, kamera gözegçiligi ýaly düşünjeleriň täze derejesidir.
Akylly öý awtomatizasiýasy, öýde bolmasaňyz hem ähli yşyklary we elektrik enjamlaryny awtomatiki öçürmäge mümkinçilik berýär, hatda öýe gelmekçi bolanyňyzda öňünden kesgitlän çyralaryňyzy we elektrik enjamlaryňyzy awtomatiki ýakýar.
5G tehnologiýasy öý awtomatizasiýasynda aýratyn ýagdaýlary tanamaga we olara laýyk jogap bermegi başarmaga niýetlenen nesildir. Döwrebap şertlerde öý awtomatizasiýasy, ulanyjynyň isleglerine laýyklykda, haýsy enjamy nirede we haýsy wezipeleri ýerine ýetirjekdigini kesgitleýän ulgamdyr.
Akylly öýde awtomatiki hereketleriň iň köp ýaýran mysallary, çyralary awtomatiki ýakmak we öçürmek, ýyladyş ulgamyny ýa-da sowadyş enjamlarynyň işleýşini awtomatiki düzetmek, ýangyn ýa-da suw syzmagy barada awtomatiki habar bermekdir. Öý awtomatizasiýasy islendik internete birikdirilen enjamlary öz içine alýar.
Hut şu nukdaýnazardan, paýtagtymyzyň gözel keşbine täsin öwüşgin çaýjak “Aşgabat siti” desgalarynda 5G tehnologiýasyny ornaşdyrmak babatda degişli işler alnyp barylýar.
Aýgözel ANNAMÄMMEDOWA,
«Türkmenaragatnaşyk» agentliginiň «Türkmentelekom» elektrik aragatnaşyk
kompaniýasynyň hünärmeni.
Türkmenistanyň wekiliýeti Özbegistanda geçirilýän halkara mediaforumyna gatnaşýar
Türkmenistanyň wekiliýeti Özbegistan Respublikasynyň Daşkent we Samarkant şäherlerinde 24–29-njy awgust aralygynda geçirilýän «Yslam siwilizasiýasy: täze garaýyş, täze açyşlar» atly halkara mediaforumyna gatnaşýar. Forumyň işine dünýäniň 50-den gowrak ýurdundan köpçülikleýin habar beriş serişdeleriniň, ylmy we medeni ulgamlaryň wekilleri gatnaşýarlar. Bu barada Türkmenistanyň DIM-niň web-saýtynda habar berilýär.
“elkitap” programmasy bäş dilde elektron we audiokitaplary hödürleýär
“elkitap” programmasy ulanyjylara türkmen, rus, iňlis, türk we ýakynda goşulan nemes dillerinde elektron hem-de audiokitaplary hödürleýär. Bu barada programmanyň kontent menejeri Oleg Sanjiýew Aşgabatda 19–22-nji awgust aralygynda geçirilen “Kids Expo 2026: Ähli zat çagalar üçin” halkara sergi-ýarmarkasynyň dowamynda “Business Turkmenistan” neşirine beren gürrüňdeşliginde aýtdy.
Pakistanyň işewür wekiliýeti “Aýdyň Gijeler” kärhanasynyň önümçilik işleri bilen tanyşdy
Pakistanyň işewür toparlarynyň we resmi edaralarynyň wekilleri iki ýurduň arasyndaky söwda gatnaşyklaryny pugtalandyrmak maksady bilen “Aýdyň Gijeler” kompaniýasyna iş saparyny amala aşyrdylar. Bu barada kompaniýa şenbe güni habar berdi.
Türkmenistan bilen Pakistan maglumat tehnologiýalary ulgamynda hyzmatdaşlygy ösdürer
Türkmenistanyň Pakistan Yslam Respublikasyndaky ilçihanasynda Pakistan Yslam Respublikasynyň Maglumat tehnologiýalary we telekommunikasiýalar ministrliginiň Halkara utgaşdyrma bölüminiň agzasy Muhammad Amir Maligiň ýolbaşçylygyndaky wekiliýet bilen duşuşyk geçirildi. Duşuşyk 20-nji awgustda geçirilip, onuň dowamynda taraplar maglumat tehnologiýalary ulgamynda ikitaraplaýyn hyzmatdaşlygy mundan beýläk-de ösdürmegiň mümkinçiliklerini ara alyp maslahatlaşdylar.
Astrahanda noýabr aýynda IV “Demirgazyk — Günorta” halkara forumy geçiriler
Çäräni gurnaýjylar forumyň halkara düzümini giňeltmegi meýilleşdirip, gatnaşyjy ýurtlaryň sanyny 15-den 22-ä, wekilleriň sanyny bolsa 350-den gowrak adama ýetirmegi göz öňünde tutýarlar. Çärä Russiýanyň, Eýranyň, Gazagystanyň, Türkmenistanyň, Yragyň, Owganystanyň, Türkiýäniň, Omanyň we Birleşen Arap Emirlikleriniň logistika kompaniýalarynyň wekilleriniň gatnaşmagyna garaşylýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.