Hormatly Prezidentimiziň başda durmagynda, Berkarar döwletiň täze eýýamynyň Galkynyşy döwründe ata Watanymyz Türkmenistany dünýäniň ösen döwletleriniň hataryna ýetirmek boýunça öňde goýlan wezipeleri mundan beýläk-de üstünlikli durmuşa geçirmek, mähriban halkymyzyň ýaşaýyş-durmuş derejesini has-da ýokarlandyrmakda ägirt uly işler durmuşa geçirilýär. Şeýle hem pudagy ösdürmek, ulag ulgamyny täzelemek boýunça giň gerimli işler ýaýbaňlandyrylýar. Ulag we kommunikasiýa toplumynyň maddy-enjamlaýyn binýadyny has-da pugtalandyrmaga uly üns berilýär. Bu ugurda önümçiligiň alnyp barlyşynyň netijeliligini ýokarlandyrmak ilkinji nobatda, öňde durýan möhüm wezipeleriň hatarynda durýar. Ilatyň ulag hyzmatlaryna bolan isleglerini kanagatlandyrmak maksady bilen, olaryň tehniki binýady täzenilýär.

Ýokarda bellenip geçilen özgertmeleriň gurşawynda ýaşlaryň hem bolmagy geljeginiň berk binýadyny gurýan gurply döwlet üçin anyk we netijeli ädimlerdir. Ýaşlar Arkadagly Serdarymyzyň saýasynda ähli ulgamlar bilen bir hatarda ulag we kommunikasiýa ulgamynda hem netijeli işleri bilen mynasyp goşantlaryny goşýarlar. Türkmenistanyň Inžener-tehniki we ulag kommunikasiýalary institutynda bolsa, döwletiň ulag we kommunikasiýa binýadyny berkden tutjak kämil bilimli, giň dünýägaraýyşly nesil kemala gelýär. Bu ýerde pudagyň ähli ugurlary boýunça zerur bolan hünärmenleri taýýarlamaga niýetlenen döwrebap okuw otaglary, innowasion enjamlar, lingafon otaglary ýaşlaryň hyzmatynda. Bu ýerde berilýän bilimiň hili döwrüň öňdebaryjy tejribeleri esasynda kämilleşdirilýär.

Ýurdumyzyň ulag pudagy üçin zerur bolan tehnikalar yzygiderli satyn alnyp, bu pudagyň maddy-enjamlaýyn binýady has-da berkidilýär. Dünýäniň öňdebaryjy zawodlarynda öndürilen ýük awtoulaglar, ýolagçylar üçin niýetlenen dürli görnüşli awtobuslar we ýeňil taksilar halkyň hyzmatynda. Ýaş hünärmenler bolsa, bu ulaglary ylmy nukdaýnazardan öwrenýärler, dürli önümçilik tejribelikleriň üsti bilen bolsa, olara erk etmegi başarýarlar.

Biz ýaşlaryň hakykatdan-da, bu ulgamda hem mynasyp orna eýedigimize buýsanýarys we guwanýarys. Bize ajaýyp şertleri, giň mümkinçilikleri döredip berýändigi üçin Gahryman Arkadagymyza, Arkadagly Serdarymyza alkyşlarymyz çäksizdir. Bizi ýagty geljege sary alyp barýan we her bir günümiziň bagtyýarlyga beslenmegi üçin taýsyz tagallalary edýän Gahryman Arkadagymyzyň, Arkadagly Serdarymyzyň janlary sag, ömürleri uzak, tutýan döwletli tutumlary rowaçlyklara beslensin!

Mekan PAŞAKULYÝEW,
Turkmenistanyň Inžener-tehniki we ulag kommunikasiýalary institutynyň Jemagat infrastrukturasy we inženerçilik ulgamlary fakultetiniň 3 -nji ýyl talyby.