Döwlet hyzmatlarynyň resmi portalynyň täze mobil programma goşundysy
30-09-21
Hormatly Prezidentimiziň parasatly ýolbaşçylygynda aragatnaşyk ulgamynyň geriminiň giňeldilmegi we sanly ykdysadyýetiň durmuşa ornaşdyrylmagy netijesinde, «Türkmenaragatnaşyk» agentligi tarapyndan ýola goýulan e.gov.tm Türkmenistanyň bir bitewi Döwlet hyzmatlarynyň resmi portaly halk köpçüliginiň arasynda uly islegden peýdalanyp, ýurdumyzyň ministrlikleriniň, pudaklaýyn dolandyryş edaralarynyň, welaýat we Aşgabat şäher häkimlikleriniň hyzmatlaryny «bir penjirede» ýerleşdirýär.
Sanly ykdysadyýeti ösdürmegiň Konsepsiýasynda bellenilen wezipeleri durmuşa geçirmek bilen ýurdumyzyň maglumatlar binýadyny Türkmenistanyň bir bütewi e.gov.tm resmi portalynda jemlemek jemgyýetçilik hyzmatlaryny has-da aňsatlaşdyrýar.
Häzirki wagtda, e.gov.tm Döwlet hyzmatlar portalynyň ykjam telefonlar üçin mobil programma goşundysy işlenip düzüldi. Bu bolsa ilkinji nobatda ýurdumyzyň banklarynyň töleglerini, jemagat hyzmatlarynyň, ýol gözegçilik gullugynyň töleglerini islendik wagtda, islendik ýerde ykjam telefon arkaly dessine amala aşyrmaga mümkinçilik berýär.
Bu mobil goşundysy fiziki we ýuridik şahslaryň salgyt hasabatlaryny we deklarasiýalaryny ýöretmek işlerini has-da amatlaşdyryp, resminama dolanyşygyny elektron görnüşe geçirmegiň döwrebap we möhüm ugurlarynyň esasyny kesgitleýär.
Bu portalda resminamalary hasaba almak we hasabyny ýöretmek işlerine we kiberhowpsuzlyk talaplaryna ýokary derejede gözegçilik edilip, e.gov.tm portaly gije-gündiziň dowamynda 24 sagat halka hyzmat edýär.
Ýurdumyzyň ýaşaýyş-durmuş şertlerini sanly görnüşe geçirmek, elektron hyzmatlar ulgamynyň kämilleşdirilen ulgamyny emele getirýär. e.gov.tm Döwlet hyzmatlarynyň resmi portaly wagt tygşytlamak arkaly durmuş ýagdaýlaryny we iş şertlerini aňsatlaşdyrýar.
«Türkmenaragatnaşyk» agentligi Döwlet Baştutanymyzyň aragatnaşyk ulgamynyň öňünde goýan giň möçberli wezipelerini ýerine ýetirmek bilen, ýurdumyzyň ykdysadyýetini sanlaşdyrmak, ýaşaýyş-durmuş we iş şertlerine häzirki zamannyň ösen tehnologiýalary arkaly halkara tejribesini ornaşdyrmak işleriniň çözgüdini tehnologiýa döwrüniň talaplaryna laýyklykda durmuşa geçirýär.
Aýgözel ANNAMÄMMEDOWA,
«Türkmenaragatnaşyk» agentliginiň «Türkmentelekom» elektrik aragatnaşyk
kompaniýasynyň hünärmeni.
Türkmenistanyň wekiliýeti Özbegistanda geçirilýän halkara mediaforumyna gatnaşýar
Türkmenistanyň wekiliýeti Özbegistan Respublikasynyň Daşkent we Samarkant şäherlerinde 24–29-njy awgust aralygynda geçirilýän «Yslam siwilizasiýasy: täze garaýyş, täze açyşlar» atly halkara mediaforumyna gatnaşýar. Forumyň işine dünýäniň 50-den gowrak ýurdundan köpçülikleýin habar beriş serişdeleriniň, ylmy we medeni ulgamlaryň wekilleri gatnaşýarlar. Bu barada Türkmenistanyň DIM-niň web-saýtynda habar berilýär.
“elkitap” programmasy bäş dilde elektron we audiokitaplary hödürleýär
“elkitap” programmasy ulanyjylara türkmen, rus, iňlis, türk we ýakynda goşulan nemes dillerinde elektron hem-de audiokitaplary hödürleýär. Bu barada programmanyň kontent menejeri Oleg Sanjiýew Aşgabatda 19–22-nji awgust aralygynda geçirilen “Kids Expo 2026: Ähli zat çagalar üçin” halkara sergi-ýarmarkasynyň dowamynda “Business Turkmenistan” neşirine beren gürrüňdeşliginde aýtdy.
Pakistanyň işewür wekiliýeti “Aýdyň Gijeler” kärhanasynyň önümçilik işleri bilen tanyşdy
Pakistanyň işewür toparlarynyň we resmi edaralarynyň wekilleri iki ýurduň arasyndaky söwda gatnaşyklaryny pugtalandyrmak maksady bilen “Aýdyň Gijeler” kompaniýasyna iş saparyny amala aşyrdylar. Bu barada kompaniýa şenbe güni habar berdi.
Türkmenistan bilen Pakistan maglumat tehnologiýalary ulgamynda hyzmatdaşlygy ösdürer
Türkmenistanyň Pakistan Yslam Respublikasyndaky ilçihanasynda Pakistan Yslam Respublikasynyň Maglumat tehnologiýalary we telekommunikasiýalar ministrliginiň Halkara utgaşdyrma bölüminiň agzasy Muhammad Amir Maligiň ýolbaşçylygyndaky wekiliýet bilen duşuşyk geçirildi. Duşuşyk 20-nji awgustda geçirilip, onuň dowamynda taraplar maglumat tehnologiýalary ulgamynda ikitaraplaýyn hyzmatdaşlygy mundan beýläk-de ösdürmegiň mümkinçiliklerini ara alyp maslahatlaşdylar.
Astrahanda noýabr aýynda IV “Demirgazyk — Günorta” halkara forumy geçiriler
Çäräni gurnaýjylar forumyň halkara düzümini giňeltmegi meýilleşdirip, gatnaşyjy ýurtlaryň sanyny 15-den 22-ä, wekilleriň sanyny bolsa 350-den gowrak adama ýetirmegi göz öňünde tutýarlar. Çärä Russiýanyň, Eýranyň, Gazagystanyň, Türkmenistanyň, Yragyň, Owganystanyň, Türkiýäniň, Omanyň we Birleşen Arap Emirlikleriniň logistika kompaniýalarynyň wekilleriniň gatnaşmagyna garaşylýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.