Her ýylyň 7-nji apreli 1948-nji  ýylda döredilen Bütindünýä saglygy goraýyş guramasy tarapyndan kabul edilen, Bütindünýä saglyk günini ähli ýurtlar diýen ýaly gyzgalaňly ýagdaýda belleýärler. Bu baýramy bellemeklik 1950-nji ýyldan bäri dünýä ýurtlarynda, şeýle-de biziň ýurdumyzda-da uly däbe öwrüldi. Bütindünýä saglygy goraýyş guramasy 194 sany döwletiň agzalygyndan ybaratdyr. Onuň esasy baş  wezipesi dünýä ilatynyň halkara saglyk meselelerini çözmekdir.

Häzirki zaman durmuş şertlerinde saglygy goramak we berkitmek meseleleri has-da möhüm hasaplanýandyr. Bütindünýä saglygy goraýyş guramasy bu günde dünýä ýurtlarynyň saglyk ýagdaýy baradaky maglumatlar toplumyny, çap edýär we hasabat esasynda çagalaryň şeýle-de, täze doglan çagalaryň saglyk ýagdaýlary, dürli keseller,akyl saglygy hem-de daşky gurşaw ýagdaýlarynyň täsirinde ýüze çykýan näsazlyklary barada maglumatlary jemleýärler we alnan maglumatlar esasynda saglyk ýagdaýlara gözegçilik etmek ulgamlarynyň çäginde  degişli çäreler alyp barýarlar.

Bütindünýä saglygy goraýyş guramasynyň beren kesgitlemesine görä “Saglyk-bu diňe bir keseliň ýa-da ejizligiň bolmadyk ýagdaýy däl-de, eýsem doly fiziki we akyl taýdan abadançylyk ýagdaýydyr” diýilýär. Her ýyl aprel aýynda Bütindünýä Saglyk günine bagyşlanan çäreler bütindünýäde başlaýar. Şanly sene mynasybetli biziň ýurdumyzda-da sport, bedenterbiýe-sagaldyş hereketleri dürli çärelerdir, ýaryşlar diýarymyzyň dürli künjeklerinde ýerlikli ýaýbaňladyrylýar.

Soňky ýyllarda dünýä ölçeglerindäki halkara sport çärelerini geçirmegiň merkezleriniň biri bolan Türkmenistan döwletimiz saglyk gününe bagyşlanan çäreleri üstünlikli geçirmek bilen, dünýä ýurtlarynyň köpüsi bilen ugurdaş düzüme eýe bolýar. Şeýle  möhüm çäreleriň  geçirilmegi ýurdumyzyň sagdyn beden, sagdyn ruhly ilatynyň gelejekde-de sagdyn nesilleri kemala getirmeginiň esasy kepili hasaplanýandyr.

 Taýýarlan Nazar SEÝIDOW,
Türkmenistanyñ Inžener-tehniki we ulag kommunikasiýalary institutynyñ  Ykdysadyýet we sanly tehnologiýalar fakultetiniñ 4-nji ýyl talyby.