Gözüň saglygyny gowulandyrmak üçin yzygiderli kabul etmeli 3 witamin
11-04-23
Gije-gündiz ulanýan enjamlarymyzdan ýaşyl yşyk, hapalanan howa, temperaturanyň üýtgemegi, sowuk möwsümi - bular göz keselleriniň sebäpleridir. Gözüň ýagdaýy, bedendäki beýleki zatlar ýaly, iýip-içýän zadyňyza, iýmitiň näderejede doly we dürli-dürli bolmagyna baglydyr. Ýöne göz saglygy üçin aýratyn möhüm bolan käbir witaminler bar.
Dogry iýmitlenmek saglygyň kepilligi
Birnäçe gözleg, dürli witaminleriň dürli göz keselleriniň howpuny azaltmakda möhüm rol oýnaýandygyny görkezýär. Bu ýokumly maddalara C witamini, B2, E witamini, A witamini, karotinoidler, sink, mis, selen we omega-3 ýag kislotalary girýär. Şonuň üçin gök önümleri we miweleri, galla, noýba we mekgejöwen, balyk we süýt önümlerini iýmek möhümdir. Bularyň hemmesi gözüňizi negatiw daşarky faktorlardan goramaga kömek edýär.
Göz saglygy üçin peýdaly maddalary nireden tapyp bolar?
E witamini güýçli antioksidantlardan biridir. Şeýle hem zeýtun we mekgejöwen ýagynda bolýar. Mundan başga-da, awokado, hoz, badam, günebakar tohumy we ysmanak hem E witamine baýdyr.
Başga näme ýatda saklamaly?
Şeýle sagdyn iýmitlenmegi üpjün etmek mümkin bolmasa, witamin toplumlaryny kabul etmek maslahat berilýär. Emma lukman, derňew görkezijilerini we şahsy saglygyň aýratynlyklaryny göz öňünde tutup bellemeli.
Dynç almak we gözüňiz üçin maşk etmegi ýatdan çykarmaň, esasanam hemişe kompýuterde işleýän bolsaňyz ýa-da smartfon köp ulanýan bolsaňyz.
Taýýarlan Hojamyrat ATABAÝEW,
Türkmen oba hojalyk institutynyñ talyby.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.