Aş­ga­bat — Türk­me­na­bat ýo­ka­ry tiz­lik­li awtomobil ýo­lu­nyň Aş­ga­bat — Te­jen bö­le­gi­niň gur­lu­şy­gy ýo­ka­ry hil­li ýe­ri­ne ýe­ti­ril­di we hal­ka­ra yk­rar­na­ma eýe bol­dy. Şeý­le uly tas­la­ma­la­ryň ama­la aşy­ryl­ma­gy ýur­du­my­zyň ulag şa­ha­la­rynyň dün­ýä­niň ulag ul­ga­my­na my­na­syp go­şu­lyş­ýan­dy­gy­na gü­wä geç­ýär. Mu­nuň özi hor­mat­ly Pre­zi­den­ti­mi­ziň taý­syz ta­gal­la­la­ry­nyň ne­ti­je­sin­de ýur­du­my­zyň ulag-lo­gis­ti­ka dü­zü­mi­ni kä­mil­leş­dir­mekde hem-de öň­de du­ran we­zi­pe­le­ri amal et­mek­de bi­ti­ril­ýän be­ýik iş­le­riň aý­dyň be­ýa­ny­dyr.

Bu ýol ýurdumyzyň logistika ulgamyny, işewürligi hem-de türkmen döwletiniň tutuş halkara gatnaşyklar ulgamyny diwersifikasiýalaşdyrmak bilen bagly wezipeleri çözmekde uly ähmiýete eýedir. Şunuň bilen baglylykda, hormatly Prezidentimiz Gurbanguly Berdimuhamedowyň ulag-kommunikasiýa ulgamynda özara bähbitli hyzmatdaşlygy ösdürmäge gönükdirilen başlangyçlarynyň netijeli häsiýete eýedigini bellemek gerek.

Ýo­luň gur­lu­şy­gy­nyň ýo­ka­ry hil­li al­nyp ba­ryl­ma­gy, hal­ka­ra ül­ňü­le­re we bil­di­ri­len ta­lap­la­ra la­ýyk ge­ti­ril­me­gi aý­ra­tyn bel­lenil­mä­ge myna­syp­dyr. Ýo­ka­ry tiz­lik­li aw­to­mo­bil ýo­lu­ny gur­mak üçin ze­rur bo­lan çig ma­lyň — ça­g­lyň, as­fal­tyň, be­to­nyň we beý­le­ki ýol gur­lu­şyk ma­te­rial­la­ry­nyň öz ýur­du­myz­da ön­dü­ril­me­gi bu tas­la­ma­ny döw­re­bap, ýo­ka­ry hil­li ýe­ri­ne ýe­tirmek­de uly äh­mi­ýe­te eýe bol­dy. Şeý­le hem gur­lu­şyk­da yl­myň öň­de­ba­ry­jy gaza­nan­la­ryn­dan, in­no­wa­si­ýa­lar­dan, dün­ýä tej­ri­be­sin­den ugur alyn­ma­gy işiň hi­li­ni ýo­kar­lan­dyr­ma­ga ýar­dam ber­di. Bu bolsa, öz hünärmenlerimiziň güý­ji bi­len uly gur­lu­şyk iş­le­ri­niň bi­ti­ril­ýän­di­gi­ne şa­ýat­lyk ed­ýär.

Şeý­le­lik­de, ýo­luň umu­my uzyn­ly­gy 600 ki­lo­metr bo­lup, onuň Aş­ga­bat — Te­jen bö­le­gi 203 ki­lo­metr­dir. Ýo­luň ug­run­da bir­nä­çe in­že­ner­çi­lik des­ga­la­rynyň bi­na edil­me­gi bol­sa ýo­lag­çy­la­ra we sü­rü­ji­le­re äh­li şert­le­riň dö­re­di­lip berlen­di­gi­ni gör­kez­ýär. Bu bol­sa hor­mat­ly Pre­zi­den­ti­mi­ziň hal­ky­my­zyň aba­dan dur­muş­da bag­ty­ýar ýa­şa­ma­gy üçin dö­ re­dip ber­ýän giň müm­kin­çi­lik­le­rin­den aý­dyň my­sal­dyr. Bu ýol di­ňe ýur­du­my­zyň ösü­şi­ne has oňaý­ly tä­sir et­män, eý­sem, hal­ka­ra yk­dy­sa­dy hyz­mat­daş­ly­gyň pug­ta­lan­dyryl­ma­gyn­da hem uly äh­mi­ýe­te eýe bolar. Şun­da hor­mat­ly Pre­zi­den­ti­mi­ziň yzy­gi­der­li ala­da­la­ry ne­ti­je­sin­de ulag ul­ga­myn­da hal­ka­ra hyz­mat­daş­ly­gyň ýaý­baň­lan­dyryl­ma­gy, ulag-ara­gat­na­şyk ul­ga­my ýa­ly äh­mi­ýet­li we gel­je­gi uly bo­lan ugur­da öza­ra peý­da­ly hal­ka­ra hyz­mat­daş­ly­gyň ös­dü­ril­me­gi döw­le­ti­mi­ziň yk­dy­sa­dy kuwwa­ty­nyň yg­ty­bar­ly se­riş­de­si­dir.

Bu awtomobil ýoly ýurdumyzdaky ulag taslamalarynyň iň irileriniň biridir. Şol taslamanyň durmuşa geçirilmegi üstaşyr awtomobil gatnawlarynyň Aziýa — Ýuwaş umman sebitine çenli uzalyp gidýän awtoýollaryň köpşahaly ulgamyna çalt çykmagyny üpjün eder. Şunlukda, ýakyn geljekde Türkmenistanda täze ýokary tizlikli ulag ýoly peýda bolar. Ol sebitiň ykdysadyýetiniň okgunly ösüşini höweslendirmek bilen, harytlaryň uzak aralyklara çalt we arzan daşalmagyna mümkinçilik berer.

Biz täze açylan bu ýoluň Beýik Ýüpek ýoluny döwrebap ulag ugurlary arkaly dikeltmäge, ýükleri daşamak we üstaşyr geçirmek ulgamynyň işine goşmaça badalga bermäge ähli şertleri döretjekdigine ynanýarys. Geljekde ol di­ňe bir goň­şy döwletleri birleşdirmän, eýsem, Aziýa bilen Ýewropany baglanyşdyrjak möhüm halka öwrüler. Bu ýokary tizlikli awtomobil ýolunyň Aşgabat — Türkmenbaşy awtobanyna sepleşmegi ýük awtoulaglaryna Türkmenbaşynyň Halkara de­ňiz portuna, şol ýerden bolsa de­ňiz ýoly arkaly Kawkaza, Ýewropa, Russiýanyň günorta sebitine, Eýranyň demirgazygyna, Pars hem-de Oman aýlaglaryna çykmaga mümkinçilik berer. Di­ňe şunuň özi-de hormatly Prezidentimiziň başlangyjy bilen başy başlanan bu iri taslamanyň näderejede ähmiýetlidigini doly açyp görkezýär.

Jemläp aýdanymyzda, Aşgabat ― Türkmenabat ýokary tizlikli awtomobil ýolunyň gurulmagy Türkmenistan döwletimiziň ýaş nesilleriniň geljeginiň, ýaşaýyş- durmuşynyň, arzuwlarynyň we beýik maksatlarynyň gurulmagydyr. Taryh bize türkmen topragynyň üstünden geçen Beýik Ýüpek ýolunyň halkymyzyň medeniýetiniň, sungatynyň, söwda aragatnaşygynyň ösmeginde gaty uly ähmiýetiniň bolandygyny gürrüň berýär. Täze awtoban şol gadymy ýoluň häzirki zaman döwrebap dowamatydyr. «Il ýörän ýer ýol bolar» diýýän halkymyz müň keren mamla. Nesip bolsa, bagta beslenen täze ýollar halkymyzyň rysgal- berekediniň göterilip, şan-şöhratynyň artmagyna badalga berer.

Mährijemal HALLYÝEWA, 
Türkmenistanyň Telekommunikasiýalar we informatika institutynyň uly mugallymy.