Kämil ýaşlar ýetişdirilýär
22-11-21
Häzirki bagtyýarlyk döwrümizde ýaşlarymyz milli ruhda terbiýelenip, kämil hünärmenler bolup ýetişýärler. Bu günki ýaşlarymyzyň ylym-bilimli bolmagy üçin hormatly Prezidentimiz giň mümkinçilikleri we şertleri döredip berdi. Şonuň üçin hem ýaşlarymyz her bir hünärden başy çykýan, sagdyn nesiller bolup kemala gelýär.
“Türkmenistan — parahatçylygyň we ynanyşmagyň Watany” ýylymyzda ýaşlara bilim terbiýe bermek, olary giň dünýägaraýyşly edip ýetişdirmek mugallymlaryň baş maksadydyr. Hormatly Prezidentimiz ýaşlaryň giň dünýägaraýyşly bolmagyna, milli ruhda terbiýelenmegine aýratyn üns berýär. Şonuň üçin hem, häzirki döwürde ýaşlaryň bilim derejesini, dünýägaraýşyny ýokarlandyrmak esasy ugurlaryň biri bolup durýar. Munuň üçin sanly bilim bermegiň iň täze usullary işlenip düzülýär, ene dilimizi we daşary ýurt dillerini öwretmek kämilleşdirilýär. Milli bilim ulgamynyň iň täze usullar bilen baýlaşdyrylmagy bolsa ýurdumyzda ylym-bilimiň döwür bilen deň gadam basýandygyny aýdyň görkezýär.
Ylym öwrenmek, ýaşlary bilimli edip terbiýeläp ýetişdirmek ata-baba ýörelgelerimiziň biridir. Milli terbiýede ýaşlaryň bilimli bolmagyny gazanmak bilen bagly birnäçe pähimler, nakyllar bar. Hormatly Prezidentimiz “Türkmeniň döwletlilik ýörelgesi” atly ajaýyp kitabynda hem bu babatda giňişleýin beýan edýär. Munuň özi halkymyzyň ylym-bilime nähili garandyklaryny görkezýän hakykatdyr. Halkymyz ylym-bilime ösüşleriň,rowaçlygyň çeşmesi hökmünde garapdyrlar. Şu asylly ýörelgäniň bu günki bagtyýarlyk döwrümiziň möhüm ugurlarynyň biridigi diýseň buýsandyryjydyr.
Ylym öwrenmekde dil, esasan hem dünýä dillerini bilmegiň aýratyn ornunyň bardygyny bellemek gerek. Çünki, dünýäniň iň täze gazananlaryny öwrenmekde we ylymlary özleşdirmekde dünýä dilleriniň ähmiýeti ýokarydyr. Şonuň üçin hem häzirki bagtyýarlyk döwrümizde ene dilimiz bilen bir hatarda dünýä dilleriniň hem ençemesiniň öwrenilişi ýola goýuldy. Şeýlelikde, türkmen ýaşlary dünýäniň ençeme dillerini suwara bilýärler, dostlukly halklaryň medeniýetine sarpa goýýarlar.
Berkarar döwletimizde ylym-bilimi ösdürmekde giň mümkinçilikleri döredýän Gahryman Arkadagymyzyň jany sag, ömri uzak bolsun, beýik işleri üstünliklere beslensin!
Begençmyrat MYRADOW,
S.A.Nyýazow adyndaky Türkmen oba hojalyk uniwersitetiniň talyby.
Türkmenistan Serbiýada geçiriljek “EKSPO — 2027” Bütindünýä ýöriteleşdirilen sergisine gatnaşar
Türkmenistanyň Ministrler Kabinetiniň Başlygynyň orunbasary Nökerguly Atagulyýew anna güni sanly ulgam arkaly geçirilen Ministrler Kabinetiniň nobatdaky mejlisinde Serbiýa Respublikasynyň Belgrad şäherinde geçiriljek “EKSPO — 2027” Bütindünýä ýöriteleşdirilen sergisine Türkmenistanyň ýokary derejede gatnaşmagyny üpjün etmek boýunça ýerine ýetirilýän işler barada hasabat berdi.
BMG-niň Türkmenistandaky Hemişelik utgaşdyryjysy we Merkezi Aziýa ýurtlarynyň Ilçileri bilen duşuşyk geçirildi
2026-njy ýylyň 9-njy fewralynda Türkmenistanyň Daşary işler ministriniň orunbasary Mähri Bäşimowa BMG-niň Türkmenistandaky Hemişelik utgaşdyryjysy Dmitriý Şlapaçenko hem-de Merkezi Aziýa ýurtlarynyň Türkmenistandaky Ilçileri bilen duşuşyk geçirdi. Bu barada Türkmenistanyň DIM-niň web-saýtynda habar berilýär.
MILLI ÝÖRELGELER DOWAMAT-DOWAM
Berkarar döwletiň täze eýýamynyň Galkynyşy döwrüniň Halkara parahatçylyk we ynanyşmak ýylynda hormatly Prezidentimiziň ýolbaşçylygynda amala aşyrylýan döwlet syýasatynyň möhüm ugurlarynyň hatarynda halkymyzyň şöhratly taryhyny we baý medeni mirasyny aýawly saklamak hem-de bütin dünýäde giňden wagyz etmek wezipesi üns merkezinde durýar.
BEDEW BATLY ROWAÇ ÝYL
Türkmen halkynyň milli Lideri Gahryman Arkadagymyzyň, Arkadagly Gahryman Serdarymyzyň parasatly baştutanlygynda ýurdumyz bedew bady bilen öňe barýar. 2026-njy «Garaşsyz Baky Bitarap Türkmenistan – bedew batly at myradyň mekany» ýylyna uly ynam, belent ruh bilen gadam basdyk. Türkmen halkymyzyň uçar ganaty bolan behişdi bedewlerimiziň şöhratly taryhymyzdan şu günimize çenli gelip ýeten şan-şöhraty egsilmezdir.
TÜRKMEN TOPRAGY DERMANLYK ÖSÜMLIKLERE BAÝ TOPRAK
Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň pähim-paýhasy, egsilmez yhlasy bilen ýurdumyzda halkymyzyň eşretli ýaşaýşyna gönükdirilen giň gerimli özgertmeler, asylly başlangyçlar, tutumly işler üstünlikli durmuşa geçirilýär. Ýurdumyzyň gazanan üstünliklerini wagyz etmek bilen bagly wezipäniň täze çemeleşmeleri talap edýändigi mälimdir.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.