Raýat awiasiýasynyň ilkinji türkmen uçarmany
20-12-21
Her bir ugurda zähmet çekip, öz saýlan hünärine ömrüni bagyşlan halypalar örän kän. Olar hakyndaky ýatlamalaryň halypa-şägirtlik ýolundaky terbiýe mekdebinde uly ähmiýet bar. Her bir pudakda, her bir tutumly işde ilkinji bolanlaryň ady taryha ýazylýar. Hazar ýakasyndaky kiçeňräk Garşy şäherçesi diňe bir şypaly suwlary bilen meşhur däldir. Bu ýerde geçen asyryň başlarynda adaty balykçy maşgalasynda ýurdumyzyň raýat awiasiýasynyň ilkinji uçarmany Anjan Amanow dünýä gelip, şu ýerde-de önüp-ösüpdir. Ol türkmenlerden ilkinji bolup uçara erk edip ony asmana galdyran merdanalaryň biri hasaplanylýar. Göräýmäge, kakasy balykçy, ýakyn garyndaşlary, goňşulary, dostlary ‒ hemmesiniň bagry deňiz bilen badaşan, şonuň üçin onuňam ykbalyna Hazar bilen baglanyşykly käri saýlap almak ýazylaýjak ýalydy.
Türkmenbaşy şäherindäki internatda okuwyny tamamlandan soň, ony Daşkendiň mal lukmançylygy orta hünär okuw mekdebine okuwa iberenlerinde, garyndaşlary ol gaýdyp geleninden soň, barybir özleridir deňiz bilen boljakdygyna asla şübhelenmeýärdiler. Emma iki ýyldan soň Anjanyň täleýi duýdansyz öwrüm edýär. Daşkentde ony raýat awiasiýasynyň howa menzilleriniň ýolbaşçylaryny taýýarlaýan bir ýyllyk okuwyna geçirýärler. Şeýlelik bilen, bu ýigit deňzi däl-de, asman giňişligini saýlap tutýar.
Anjan Amanowyň gaýtadan okamagy we bilimini artdyrmagy üçin, Daşkentdäki okuwdan ony Russiýa Federasiýasynyň Saratow oblastynyň Balaşow şäherinde ýerleşýän uçarmanlary taýýarlaýan mekdebine iberýärler.
Okuwyny tamamlap gelenden soň Amjan Amanow Ýurdumyzyň raýat awiasiýasy pudagynda uçarman bolup dýrli wezipelerde zähmet çekýär. Ol G-2, PO-2, IL-14 ýaly uçarlara başrjaňlyk bilen erk edipdir.
Hormatly dynç alşa çyksa-da, A. Amanow raýat awiasiýasyny terk etmeýär. Ol ömrüniň ahyryna çenli Aşgabat Halkara howa menzilinde dürli wezipelerde tutanýerli zähmet çekýär.
1974-nji ýylda çap edilen Türkmen Sowet Ensiklodediýasyna ilkinji türkmen uçarmany hökmünde Anjan Amanowyň ady ýazyldy. Anjan Amanow ençeme hormat hatlary we ordendir-medallary, şol sanda “Hormatly işgär” ordeni bilen sylaglanyldy. Ilkinji türkmen uçarmany bolan Anjan Amanow barada gazetdir-žurnallarda ençeme makalalar ýazyldy we goşgy düzüldi.
Anjan Amanow Ýurdumyzyň Raýat awiasiýasynda zähmet çekýän birnäçe uçarmanlara halypaçylyk edip olaryň ussatlygyny, başarnyklygyny kämilleşdirmekde özüniň önjeýli goşandyny goşupdyp. Häzirki wagtda işläp ýören raýat awiasiýasynyň uçarmanlarynyň köpüsi ony özleriniň halypasy hasaplaýar.
Gözel paýtagtymyz Aşgabat şäheriniň köçeleriniň biri ilkinji türkmen uçarmany Anjan Amanowyň hormatyna “Anjan Amanow koçesi” diýip atlandyryldy.
Şeýle ajaýyp hem ýakymly ýatlamalar halypalaryň ömrüni we işini bakylyga sary alyp gidýär, nesilden-nesle geçirýär. Halypalaryň geçen durmuş mekdebi bolsa ýaşlar üçin ygtybarly ýörelgedir.
Halypalaryň hyzmatyna sarpa goýýan, olaryň ýatlanmagyna we işleriniň şägirtleriniň üsti bilen dowam etdirilmegine döredýän şertleri üçin hormatly Prezidentimize köp sag bolsun aýtmak bilen, milli Liderimiziň janynyň sag, alyp barýan işleriniň hemişe rowaç bolmagyny arzuw edýäris!
Hajymämmet NYÝAZGELDIÝEW,
Türkmenistanyň Inžener-tehniki we ulag kommunikasiýalary institutynyň “Howa ulagynyň ulanylyşy” kafedrasynyň mugallymy.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.