Berkarar döwletiň täze eýýamynyň Galkynyşy döwründe ýaş nesil hakyndaky alada döwlet syýasatynyň ileri tutulýan ugurlarynyň biridir. Bu günki günde türkmen ýaşlary döwletimiziň ähli ulgamlarynda, halk hojalygynyň dürli pudaklarynda hereketlendiriji güýje öwrüldiler. Olara öz başlangyçlaryny amala aşyrmak we döwletimiziň ösüşlerine mynasyp goşant goşmak üçin Arkadagly Serdarymyz tarapyndan ähli mümkinçilikler döredilip berilýär. Halkymyzyň köňül şygaryna öwrülen hormatly Prezidentimiziň: «Watan diňe halky bilen Watandyr! Döwlet diňe halky bilen döwletdir!» diýen parasatly jümleleri ýaşlaryň Watanymyza bolan söýgüsini has-da artdyrýar. Halk hem Watan baradaky mukaddes düşünjelerimizi, söýgimizi belende galdyrýar. Ähli bilimlerimizi hem-de başarnyklarymyzy Watanymyzyň ösüşlerine, dünýädäki abraý-mertebesiniň has-da ýokarlanmagyna bagyş etmäge ruhlandyrýar.

Gahryman Arkadagymyz: «Biziň döwletimiziň gazanýan üstünlikleri ýaşlarymyzyň bagtyýar durmuşy bilen berk baglydyr. Ýaşlar eziz Watanymyzyň güýç-kuwwatyny, mümkinçiliklerini, at-abraýyny we beýik geljegini özünde jemleýär» diýmek bilen, türkmen ýaşlarynyň dünýä ösüşleri bilen aýakdaş gitmelidigini, häzirki zamanyň ösen tehnologiýalaryndan oňat baş çykaryp bilmelidigini yzygiderli nygtaýar. Özleri hakynda edilýän aladalara mynasyp jogap bermek bilen, bu gün ýaşlarymyz döwlet, häkimiýet we dolandyryş edaralarynda, halk hojalygynyň dürli pudaklarynda, hususy ulgamda yhlasly zähmet çekýärler, durmuş ugurly döwlet maksatnamalarynyň amala aşyrylyşyna işjeň gatnaşýarlar. Bu bolsa ýaşlaryň islendik döwletiň ykdysady ösüşinde hem aýratyn orun tutýandygyny görkezýär. Watanymyzyň beýik geljeginiň, halkymyzyň bagtyýarlygynyň bähbidine has-da yhlasly okamak, öwrenmek, döretmek we bildirilýän ynama mynasyp bolmak türkmen ýaşlarynyň baş maksady, mizemez ýol-ýörelgesidir.

Ýurdumyzda ýaşlaryň arasynda her ýylda bäsleşikler we beýleki medeni çäreler geçirilýär. Türkmenistanyň ýaşlar baýragy, Gulbaba adyndaky çagalar baýragy has tapawutlananlara gowşurylýar, şeýle hem ylmy işler boýunça bäsleşik, «Ýylyň parlak ýyldyzy», «Talyp joşguny», «Berkarar döwletiň bagtyýar gerçekleri», «Merdana nesil», «Talyp gözeli», «Iň eýjejik gyzjagaz», «Berkarar döwletiň zehinli ýaşlary», «Ylham joşguny» we beýleki döredijilik bäsleşikleri, sport ýaryşlary guralýar we telegepleşikler geçirilýär.

2017-nji ýylda Türkmenistanyň Ylymlar akademiýasynyň we Magtymguly adyndaky Ýaşlar guramasynyň ýanynda Ýaş alymlar merkezi, ylym we bilim edaralarynda bolsa ýaş alymlaryň geňeşleri döredildi. 2016-njy ýylda «yashlar. gov.tm» elektron saýty açyldy. Bagtyýar ýaşlarymyz bu gün döwlet, häkimiýet we dolandyryş edaralarynda, halk hojalygynyň dürli pudaklarynda yhlasly zähmet çekýärler. Ykballaryny sporta baglan ýaş türgenlerimiz bolsa ussatlygyň ajaýyp nusgasyny görkezip, Garaşsyz döwletimiziň abraýyny has-da ýokarlandyrýar.

Hemmämize mälim bolşy ýaly, Ýaşlar guramasy 1991-nji ýylyň 16-njy noýabrynda döredilip, şondan bäri beden we ruhy taýdan sagdyn, zähmetsöýer, ukyply, Watana wepaly nesilleri terbiýelemekde netijeli işleri alyp barýar. Ýaşlar guramasynyň döredilen gününden bäri Watanymyzyň döwlet Garaşsyzlygynyň ösüşini pugtalandyrmaga mynasyp goşant goşan, zähmetde we döredijilikde uly üstünlikleri gazanan ýaşlary «Türkmenistanyň Ýaşlar baýragynyň» eýesi diýen at bilen sylaglamak asylly däbe öwrüldi. Bu dabaraly çäre noýabr aýynda Ýaşlar guramasynyň döredilen gününde uly ruhubelentlik bilen ýaşlaryň gatnaşmaklarynda geçirilýär.

Ýaşlar — döwletiň we dünýäniň geljegi. Döwletimiziň gazanýan üstünlikleri ýaşlarymyzyň bagtyýar durmuşy bilen berk baglydyr. Şonuň üçin hem Garaşsyz Türkmenistan Watanymyzda ýaş nesillerimiziň bagtyýar durmuşy we geljegi barada bimöçber alada edýän hormatly Prezidentimize köp sagbolsun aýdýarys. Biz — ýaşlary bagtyýar geljege, ajaýyp ertirlere alyp barýan Gahryman Arkadagymyzyň, hormatly Prezidentimiziň jany sag bolsun, il-ýurt bähbitli, döwlet ähmiýetli tutýan tutumly işleri rowaçlyklara beslensin! il-ýurt bähbitli alyp barýan işleri hemişe rowaçlyklara beslensin!

Bagtyýar AMANOW,
Türkmenistanyň Inžener-tehniki we ulag kommunikasiýalary institutynyň Sanly tehnologiýalar we kiberhowpsuzlyk fakultetiniň 1-nji ÿyl  talyby.

Halypa mugallymy Ysmaýyl ALLANUROW,
Türkmenistanyň Inžener-tehniki we ulag kommunikasiýalary institutynyň mugallymy.