«Türkmenaragatnaşyk» agentligi bilen Ýaponiýanyň «NEC Telecommunication Information Technologies Ltd.Sti» kompaniýasynyň arasynda aragatnaşyk pudagyny özgertmek babaynda özara bähbitli hyzmatdaşlyk üçin täze mümkinçilikler ara alnyp maslahatlaşyldy
18-09-23
![](https://tyy-news.gov.tm/storage/posts/5484/large-165092f7b72d91.jpeg)
Şu gün, 18-nji sentýabrda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň başlygynyň we degişli wekilleriniň hem-de «NEC Telecommunication Information Technologies Ltd.Sti» kompaniýasynyň prezidenti Naoki Nakamuranyň ýolbaşçylyk etmeginde wekiliýetiň gatnaşmagynda özara hyzmatdaşlyk etmek hakynda duşuşyk geçirildi.
Hususan-da duşuşygyň çäklerinde, 2023-nji ýylyň 2-nji iýulynda Arkadag şäherinde «Türkmenaragatnaşyk» agentligi bilen «NEC Telecommunication Information Technologies Ltd.Sti» kompaniýasynyň arasynda gol çekilen Ähtnama laýyklykda alnyp barylýan işler we öňde goýulan maksatlar ara alnyp maslahatlaşyldy
Taraplar, aragatnaşyk pudagynda özara bähbitli hyzmatlary ýola goýmak, sanlylaşdyrmak boýunça durmuşa geçirilýän işler, telekommunikasiýa ulagmyny özgertmäge gönükdirilen wezipeler, innowasion tehnologiýalary ornaşdyrmak we ösdürmek, kiberhowpsuzlyk pudagynda hünärmenleriň tejribelerini alyşmak ýaly meseleler boýunça gürrüň etdiler.
Gepleşikleriň dowamynda «NEC Telecommunication Information Technologies Ltd.Sti» kompaniýasynyň wekilleri, türkmen-ýapon gatnaşyklaryny ösdürmekde uly mümkinçilikleriň bardygyny aýdyp, aragatnaşyk pudagy boýunça yzygiderli gatnaşyklary gejekde dowam etmek zerurlygyny bellediler.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
![166a32a5176618.jpeg](https://tyy-news.gov.tm/storage/posts/7108/medium-166a32a5176618.jpeg)
Eýranyň Türkmenistandaky ilçisi "Sarahs" ýörite ykdysady zolagyna baryp gördi
Golaýda Eýran Yslam Respublikasynyň Türkmenistandaky ilçisi Ali Mojtaba Ruzbehani we onuň ýanyndaky wekiliýet Sarahs ýörite ykdysady zolagy bolan “Paýane” serhetýaka ýük ulag terminaly we gümrükhanasy, şeýle hem Türkmenistan bilen bilelikdäki serhetde ýerleşýän “Dostluk” bendi bilen ýerinde tanyşlygy amala aşyrdy. Bu barada Eýranyň diplomatik wekilhanasynda habar berdiler.
![166a327b6e33d5.jpeg](https://tyy-news.gov.tm/storage/posts/7107/medium-166a327b6e33d5.jpeg)
Tehnologiýa ösüşiniň ykdysady-durmuş şertlerine täsiri
Hormatly Prezidentimiziň parasatly baştutanlygynda innowasion ösüş ýoluna düşen ýurdumyzda «Türkmenaragatnaşyk» agentligi tarpyndan sanly ykdysadyýeti ösdürmegiň 2025-nji ýyla çenli döwür üçin Konsepsiýasynda öňde goýlan wezipeleriň ýerine ýetirilmegini üpjün etmek we olaryň gerimine laýyk gelýän infrastrukturany döretmek ugrunda uly işler alnyp barylýar.
![166a3264d832b5.jpeg](https://tyy-news.gov.tm/storage/posts/7106/medium-166a3264d832b5.jpeg)
Üstaşyr geçelgeler, söwda, elektroenergiýa – türkmen-gyrgyz hökümetara toparynyň mejlisiniň gün tertibinde
Gyrgyz Respublikasy bilen Türkmenistanyň arasyndaky söwda, ykdysady, ylmy, tehniki we ynsanperwer hyzmatdaşlygy boýunça hökümetara toparynyň VI mejlisi Yssyk-Köl sebitiniň Çolpan-Ata şäherinde geçirildi.
![166a1f3a5c76ad.jpeg](https://tyy-news.gov.tm/storage/posts/7102/medium-166a1f3a5c76ad.jpeg)
Gazak bugdaýy Türkmenistanyň çägi arkaly Owganystana we Pakistana eksport ediler
Gazagystanyň Premýer-ministriniň orunbasary Serik Jumangarin Türkmenistanyň, Owganystanyň we Özbegistanyň wekiliýetleri bilen bilelikde Beýneu galla terminalyna aýlanyp gördi. Saparyň dowamynda bu galla terminalynyň mümkinçilikleri bilen tanşyldy hem-de onuň taýýarlaýan bugdaýyny Türkmenistanyň çägi arkaly üçünji ýurtlara eksport etmek barada pikir alyşmalar boldy. Bu barada «Tengrinews» habar berýär.
![166a1f127bcc4a.jpeg](https://tyy-news.gov.tm/storage/posts/7100/medium-166a1f127bcc4a.jpeg)
Türkmenistan we Gazagystan syýahatçylyk pudagynda hyzmatdaşlygy ösdürmek isleýär
Syýahatçylyk we sport ugurlarynda ikitaraplaýyn hyzmatdaşlygy ösdürmegiň geljegi Türkmenistanyň Gazagystandaky ilçisi Batyr Durdiýew bilen Syýahatçylyk we sport ministri Ýermek Maržikpaýewiň arasynda geçirilen duşuşykda ara alnyp maslahatlaşyldy. Bu barada Tengrinews internet neşiri habar berdi.
![Bash surat - 2022.jpg](https://tyy-news.gov.tm/storage/cover/7/Bash surat - 2022.jpg)
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.